ຜູ້ບັນຊາການທະຫານບົກປາຊີຟິກອາເມລິກາຢ້ຽມຢາມຫວຽດນາມ
(ພາບ: TTXVN)
|
(vovworld) – ຕອນບ່າຍວັນທີ 19/1, ຢູ່ຮ່າໂນ້ຍ, ພົນໂທ ໂດ໋ບ໋າຕິ, ເສນາທິການໃຫຍ່ກອງທັບປະຊາຊົນ ຫວຽດນາມ, ລັດຖະມົນຕີຊ່ວຍວ່າການກະຊວງປ້ອງກັນປະເທດ ຫວຽດນາມ, ໄດ້ໃຫ້ການຕ້ອນຮັບທ່ານພົນເອກ Vincent Brooks, ຜູ້ບັນຊາການທະຫານບົກ ປາຊິຟິກ ອາເມລິກາ ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.
ທີ່ການຕ້ອນຮັບ, ພົນເອກ Vincent Brooks ໄດ້ປະກາດໝາກຜົນຂອງການເຮັດວຽກກ່ອນນັ້ນລະຫວ່າງກອງບັນຊາການທະຫານບົກປາຊີຟິກ ກັບຮອງຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ ຫວໍວັນຕ໋ວນ. ເຫັນດີເຫັນພ້ອມກັບໝາກຜົນແຫ່ງການເຮັດວຽກລະຫວ່າງ 2 ຄະນະ, ພົນໂທ ໂດ໋ບ໋າຕິ ສະເໜີກຳລັງທະຫານບົກ 2 ປະເທດ ສືບຕໍ່ເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ຄວນລົງເລິກເຂົ້າໃນການຮ່ວມມືໃນບັນດາຂົງເຂດແລກປ່ຽນຂໍ້ມູນຂ່າວສານ, ແບ່ງປັນບົດຮຽນໃນການກູ້ໄພກູ້ຊີບບົນທະເລ, ບຳລຸງສ້າງພາສາອັງກິດໃຫ້ບັນດາທະຫານ ຫວຽດນາມ, ແກ້ໄຂຜົນຮ້າຍຢ້ອນຫຼັງຈາກສົງຄາມ.