(vovworld) – ວັນທີ 3/8, ຜູ້ມີອຳນາດເຕັມແຫ່ງ ນິວຢີແລນ ທ່ານ Jerry Mateparae ໄດ້ມາຮອດ ຫວຽດນາມ, ເລີ່ມຕົ້ນການຢ້ຽມຢາມ ຫວຽດນາມ ຕາມຄຳເຊື້ອເຊີນຂອງທ່ານປະທານປະເທດ ເຈືອງເຕີນຊາງ. ພິທີຕ້ອນຮັບຢ່າງເປັນທາງການຈະດຳເນີນໃນວັນທີ 5/8, ຢູ່ສຳນັກງານປະທານປະເທດ. ໃນຊຸມວັນຢູ່ຢ້ຽມຢາມ ຫວຽດນາມ, ຜູ້ມີອຳນາດເຕັມແຫ່ງ ນິວຊີແລນ ຈະລະຈາກັບທ່ານປະທານປະເທດ ເຈືອງເຕີນຊາງ, ພົບປະກັບທ່ານປະທານສະພາແຫ່ງຊາດ ຫງວຽນຊິງຮູ່ງ, ເຂົ້າຢ້ຽມຂຳ່ນັບທ່ານເລຂາທິການໃຫຍ່ ພັກກອມມູນິດ ຫວຽດນາມ ຫງວຽນຟູ໋ຈ້ອງ, ພົບປະກັບທ່ານນາຍົກລັດຖະມົນຕີ ຫງວຽນເຕີນຢູງ... ເນື່ອງໃນໂອກາດນີ້, ຄາດວ່າ ທ່ານປະທານປະເທດ ເຈືອງເຕີນຊາງ ແລະ ຜູ້ມີອຳນາດເຕັມແຫ່ງ ນິວຊີແລນ ທ່ານ Jerry Mateparae ຈະເປັນສັກຂີພິຍານພິທີເຊັນໂຄງການເຄື່ອນໄຫວ ຫວຽດນາມ - ນິວຢີແລນ ໄລຍະ 2013 – 2016 ແລະ ພິທີເຊັນຂໍ້ຕົກລົງຫຼີກລ້ຽງການເກັບພາສີຊ້ອນ. ການມາຢ້ຽມຢາມ ຫວຽດນາມ ຂອງຜູ້ມີອຳນາດແຫ່ງ ນິວຢີແລນ ຈະດຳເນີນໄປໃນລະຫວ່າງວັນທີ 3 – 8/8.