(vovworld) – ຕອນບ່າຍວັນທີ 17/4, ເມື່ອກ່າວຄຳເຫັນໃນການຕ້ອນຮັບຄະນະຜູ້ແທນຄະນະບໍລິຫານງານສະມາຄົມເຜີຍແຜ່ສາສະໜາຄຣິສ ຫວຽດນາມ ເນື່ອງໃນໂອກາດຄະນະມາຢ້ຽມຢາມ ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຢືນຢັນວ່າ: ຍາມໃດ ພັກ, ລັດ, ລັດຖະບານ ກໍຕີລາຄາສູງການປະກອບສ່ວນຂອງຜູ້ມີຍົດຖາບັນດາສັກ, ສາສະນິກກະຊົນໃນທົ່ວປະເທດເວົ້າລວມ ແລະ ຫລວງພໍ່, ຜູ້ເຊື່ອຖືສາສະໜາຄຣິສ ຫວຽດນາມ ເວົ້າສະເພາະ, ໃນພາລະກິດສ້າງສາ ແລະ ປົກປັກຮັກສາປະເທດຊາດ. ທ່ານຮອງນາຍົກລັດຖະມົນຕີ ເນັ້ນໜັກເຖິງ ທັດສະນະປະຕິບັດນະໂຍບາຍເຄົາລົບເຊື່ອຖືສະສາໜາຢ່າງສະເໝີຕົ້ນສະເໝີປາຍຂອງພັກ, ລັດ ແລະ ຫວັງວ່າບັນດາຫລວງພໍ່ຂອງສະມາຄົມເຜີຍແຜ່ສາສະໜາ ຄຣິສ ຫວຽດນາມ ຍາມໃດກໍ່ ສາມັກຄີຮັກແພງຊ່ວຍເຫລືອເຊິ່ງກັນ ແລະ ກັນ, ປຸກລະດົມກຳລັງໃຈສາສະນິກກະຊົນປະກອບສ່ວນຢ່າງຕັ້ງໜ້າ, ເຂົ້າຮ່ວມການອອກແຮງງານທຳການຜະລິດ, ຮັບປະກັນຊີວິດສັງຄົມ, ປະກອບສ່ວນສ້າງສາປະເທດຊາດໃຫ້ນັບມື້ນັບຮັ່ງມີເຂັ້ມແຂງ.
ປະຈຸບັນ, ສະມາຄົມເຜີຍແຜ່ສາສະໜາຄຣິດ ຫວຽດນາມ ມີຜູ້ເຊື່ອຖືສາສະໜາກ່ວາ 31.000 ຄົນ, ມີໂບດ 5 ແຫ່ງ, ຫໍບູຊາ 83 ຫຼັງ, 200 ສະຖານທີ່ເຄື່ອນໄຫວຢູ່ 14 ແຂວງ, ນະຄອນໃນທົ່ວປະເທດ.