ທະຫານ ຢູແກຼນ ນຳໃຊ້ລູກປືນໃຫຍ່ M777 ຂອງ ອາເມລິກາ ໃນການປະທະກັນກັບກຳລັງ ລັດເຊຍ ຢູ່ເຂດ  Kharkiv  (ພາບ: AP/TTXVN)

ວັນທີ 18 ພະຈິກ, ຕາມເວລາທ້ອງຖິ່ນ, ຄະນະຜູ້ແທນຈາກກະຊວງປ້ອງກັນປະເທດ ຢູແກຼນ ໂດຍວາທີນາຍພົນ Anatolii Klochko ນຳຫນ້າ ໄດ້ເຂົ້າຮ່ວມການປະຊຸມຊື່ງດຳເນີນຢູ່ ນະຄອນ Bydgoszcz ຂອງ ໂປໂລຍ ເພື່ອແນໃສ່ປຶກສາຫາລືກ່ຽວກັບການຜັນຂະຫຍາຍສູນບຳລຸງສ້າງ ແລະ ສຶກສາການວິເຄາະລວມ (JATEC) ກັບພັນທະມິດການທະຫານ NATO, ແມ່ນອົງການຮ່ວມທຳອິດຂອງສອງຝ່າຍ.

ທີ່ການປະຊຸມ,ບັນດາຜູ້ແທນ ໄດ້ປຶກສາຫາລືກ່ຽວກັບການປະຕິບັດບັນດາມາດຕະການທີ່ຈຳເປັນເພື່ອສ້າງຕັ້ງສູນ ລວມມີ: ການໃຫ້ສັດຕະຍາບັນບັນດາລະບຽບການດ້ານນິຕິກຳເພື່ອຮັບປະກັນການເຂົ້າຮ່ວມຂອງ ຢູແກຼນ ໃນບັນດາຂັ້ນຕອນຄຸ້ມຄອງ ແລະອອກຂໍ້ຕົກລົງໃນອົງການໃຫມ່, ພ້ອມທັງຮັບຮູ້ເຈດຈຳນົງນຳ JATEC ເຂົ້າເຄື່ອນໄຫວແຕ່ຕົ້ນປີ 2025.

ໂຄງການດຳເນີນງານກໍ່ລວມທັງເລື່ອງສ້າງລະບົບຂໍ້ມູນຂ່າວສານ ແລະ ສື່ສານ ໂດຍອະນຸຍາດໃຫ້ແລກປ່ຽນຂໍ້ມູນທີ່ປອດໄພ ແລະ ການຮ່ວມມື ລະຫວ່າງ ຢູແກຼນ ແລະ NATO.