ລາຍການ“ເດີນຕາມຮອຍຕີນປະທານໂຮ່ຈີມິນ”ເພີ່ມພູນຄູນສ້າງຄວາມສາມັກຄີລະຫວ່າງຫວຽດນາມ-ລາວ-ໄທ
ມີ້ບີ່ງ, ນັກຂ່າວVOVປະຈຳລາວ -  
ຄະນະຜູ້ແທນເຂົ້າຮ່ວມລາຍການ
|
(vovworld) – “ເດີນຕາມຮອຍຕີນປະທານໂຮ່ຈີມິນ” ແມ່ນຫົວຂໍ້ຂອງການສະເຫຼີມສະຫຼອງ 125 ປີແຫ່ງວັນຄ້າຍວັນເກີດປະທານ ໂຮ່ຈີມິນ ໂດຍສະຫະພັນບັນດາອົງການມິດຕະພາບ ຫວຽດນາມ, ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ຫວຽດນາມ - ໄທ, ສະມາຄົມມິດຕະພາບ ລາວ - ຫວຽດນາມ ແລະ ສະມາຄົມມິດຕະພາບ ໄທ - ຫວຽດນາມ ສົມທົບກັນຈັດຕັ້ງ. ນີ້ແມ່ນຄັ້ງທຳອິດລາຍການໄດ້ຮັບການຈັດຕັ້ງ ເຊິ່ງຈຸດນັດພົບແມ່ນບ່ອນທີ່ປະທານ ໂຮ່ຈີມິນ ເຄີຍດຳລົງຊີວິດ ແລະ ເຄື່ອນໄຫວປະຕິວັດຢູ່ ລາວ ແລະ ໄທ. ເຂົ້າຮ່ວມໃນບັນດາການເຄື່ອນໄຫວສະເຫຼີມສະຫຼອງ 125 ປີແຫ່ງວັນຄ້າຍວັນເກີດປະທານ ໂຮ່ຈີມິນ ກັບພໍ່ແມ່ປະຊາຊົນຊາວ ຫວຽດນາມ ຢູ່ເຂດ ອີສານ ໄທ ມີຜູ້ແທນເກືອບ 200 ຄົນເຂົ້າຮ່ວມລາຍການ “ເດີນຕາມຮອຍຕີນປະທານໂຮ່ຈີມິນ”. ທ່ານນາງ ຫງວຽນທິຮ່ວາງເວີນ, ຮອງປະທານສະຫະພັນບັນດາອົງການມິດຕະພາບ ຫວຽດນາມ ໃຫ້ຮູ້ວ່າ: ລາຍການມີຜົນປະໂຫຍດກ່ວາບໍ່ວ່າປື້ມຫົວໃດ ແລະ ເອກະສານສະບັບໃດ:
“ຂ້າພະເຈົ້າຄິດວ່າ ບັນດາລາຍການຄືແນວນີ້ມີຄຸນຄ່າດ້ານການສຶກສາຢ່າງເລິກເຊິ່ງ ແລະ ຈຳເປັນຕ້ອງໄດ້ຮັບການທະວີຄຸນເພື່ອເພີ່ມທະວີຄວາມເຂົ້າອົກເຂົ້າໃຈຂອງປະຊາຊົນ, ບໍ່ພຽງແຕ່ກ່ຽວກັບພາລະກິດແຫ່ງການເຄື່ອນໄຫວປະຕິວັດຂອງ ປະທານ ໂຮ່ຈີມິນ ເທົ່ານັ້ນ ຫາກຍັງກ່ຽວກັບນ້ຳໃຈມິດຕະພາບ ແລະ ຄວາມສາມັກຄີລະຫວ່າງປະຊາຊົນ ຫວຽດນາມ ແລະ ປະຊາຊົນປະເທດຕ່າງອີກດ້ວຍ.”
ມີ້ບີ່ງ, ນັກຂ່າວVOVປະຈຳລາວ