ວິສາຫະກິດອີຢີບຢາກເປີດກວ້າງການດຳເນີນທຸລະກິດຢູ່ຫວຽດນາມ
ກອງປະຊຸມສົ່ງເສີມການຄ້າແລະການລົງທຶນຢູ່ຫວຽດນາມ
ຈັດຂຶ້ນຢູ່ແຂວງ Aswan (ອີຢີບ)
ພາບ:TTXVN
|
(vovworld)- ວັນທີ 11/4, ໂດຍສືບຕໍ່ຜັນຂະຫຍາຍບັນດາການເຄື່ອນໄຫວພົວພັນດ້ານເສດຖະກິດກັບຕ່າງປະເທດ ເພື່ອຊຸກຍູ້ການຮ່ວມມືດ້ານການຄ້າສອງຝ່າຍ ລະຫວ່າງຫວຽດນາມ ແລະ ອີຢີບ, ສະຖານທູດຫວຽດນາມ ປະຈຳ ອີຢີບ ໄດ້ສົມທົບກັບຫ້ອງການການຄ້າ ແຂວງ Aswan ຈັດຕັ້ງກອງປະຊຸມສຳມະນາ “ຕະຫລາດຫວຽດນາມ: ຄວາມສາມາດບົ່ມຊ້ອນ ແລະ ກາລະໂອກາດດຳເນີນທຸລະກິດ”. ນະທີ່ນີ້ ທ່ານ ໂດ໋ຮ່ວາງລອງ ເອກອັກຄະລັດຖະທູດຫວຽດນາມ ປະຈຳອີຢີບໄດ້ແນະນຳໂດຍສັງເຂບກ່ຽວກັບບັນດານະໂຍບາຍເສດຖະກິດ, ຂົງເຂດຮ່ວມມືລົງທຶນ, ກ່ຽວກັບຄວາມສາມາດບົ່ມຊ້ອນໃນການພັດທະນາ, ບັນດາປະເພດສິນຄ້າຊື່ງຫວຽດນາມ ມີທ່າແຮງກ່ຽວກັບການສົ່ງອອກນຳເຂົ້າ. ທ່ານເອກອັກຄະລັດຖະທູດ ປາດຖະຫນາວ່າ ສອງຝ່າຍສ້າງຕັງຊ່ອງຂໍ້ມູນຂ່າວກ່ຽວກັບຕະຫລາດ ເພື່ອເຊື່ອມຕໍ່ວິສາຫະກິດຫວຽດນາມ ກັບວິສາຫະກິດເຂດ Aswan ເວົ້າສະເພາະ ແລະ ອີຢີບ ເວົ້າລວມ. ໃນຂະນະນັ້ນ ບັນດາວິສາຫະກິດ ອີຢີບ ປາດຖະຫນາຢາກຊອກຮູ້ກ່ຽວກັບສະພາບແວດລ້ອມການຮ່ວມມືລົງທຶນຢູ່ ຫວຽດນາມ. ທ່ານ Isaac Ibrahim, ປະທານບໍລິສັດທ່ອງທ່ຽວ Abraam ແບ່ງປັນວ່າ: “ກອງປະຊຸມສຳມະນາໄດ້ດຳເນີນໄປສຳເລັດຜົນ, ເປີດປະຕູການຮ່ວມມືດຳເນີນທຸລະກິດລະຫວ່າງ ຫວຽດນາມ ກັບແຂວງ Aswan ເວົ້າສະເພາະ ແລະ ອີຢີບ ເວົ້າລວມ. ພວກຂ້າພະເຈົ້າໄດ້ວາງແຜນການເຂົ້າດຳເນີນທຸລະກິດຢູ່ຫວຽດນາມ ເພາະວ່າ ຫວຽດນາມ ແມ່ນປະເທດທີ່ມີຜະລິດຕະພັນສົ່ງອອກພິເສດຄື: ຜະລິດຕະພັນກະເສດ, ເຄື່ອງປາຂອງດົງ, ສິນໃນນ້ຳ, ໝາກໄມ້ຫລາຍປະເພດ. ນັ້ນແມ່ນບັນດາຜະລິດຕະພັນເຊິ່ງອີຢີບນິຍົມທີ່ສຸດ.”