ທ່ານນາງ Carol J. Guthrie ທີ່ປຶກສາຂັ້ນສູງຜູ້ຕາງໜ້າການຄ້າອາເມລິກາ
(ພາບ: vov.vn)
(vovworld)- ການປະຊຸມລັບຂັ້ນຫົວໜ້າຄະນະເຈລະຈາສັນຍາຄູ່ຮ່ວມມືເຂດປາຊີຝິກ (TPP) ໄດ້ສິ້ນສຸດລົງໃນຮຸ່ງເຊົ້າວັນທີ 24/11, ຕາມເວລາອາເມລິກາ ຢູ່ລັດ Utah ປະເທດອາເມລິກາ. ສະມາຊິກກ່ວາ 1000 ທ່ານຂອງ 12 ຄະນະເຈລະຈາໄດ້ມີໜ້າຢູ່ Utah ເພື່ອເຂົ້າຮ່ວມວາລະເຈລະຈາເພີ່ມເຕີ່ມພາຍຫຼັງຮອບເຈລະຈາທີ 19 ຢູ່ບຣູໄນ ເມື່ອເດືອນ 8/2013 ຜ່ານມາ. ໝາກຜົນຂອງຮອບເຈລະຈາຄັ້ງນີ້ຈະແມ່ນພື້ນຖານຄຳຄັນເພື່ອໃຫ້ການປະຊຸມລັດຖະມົນຕີບັນດາພື້ນຖານເສດຖະກິດ TPP ຊື່ງຈະຈັດຂຶ້ນໃນເດືອນ 12/2013 ຢູ່ສິງກະໂປ ຕົກລົງກັນວ່າຈະສາມາດສິ້ນສຸດການເຈລະຈາໃນປີນີ້ຄືດັ່ງຄຳໝັ້ນສັນຍາໄດ້ຫຼືບໍ່.
ທ່ານເຈິ່ນກວກແຄງ ຮອງລັດຖະມົນຕີກະຊວງອຸດສາຫະກຳການຄ້າ, ຫົວໜ້າຄະນະເຈລະຈາຫວຽດນາມ ຖືວ່າ, ຂົງເຂດການຈໍລະຈອນສິນຄ້າຈະແມ່ນຈຸດສຸມໃນການປະຊຸມລະຫວ່າງບັນດາທ່ານລັດຖະມົນຕີຢູ່ສິງກະໂປ:
“ຝ່າຍຕ່າງໆສະແດງໃຫ້ເຫັນຄວາມໄຫວພິບ, ສະນັ້ນໄດ້ມີຄວາມຄຶບໜ້າຫຼາຍຢ່າງໃນຂົງເຂດຕ່າງໆ, ນັບທັງຂົງເຂດກຳມະສິດພູມປັນຍາ, ລັດວິສາຫະກິດ, ການອອກແຮງງານ ແລະ ສິ່ງແວດລ້ອມ. ການເຈລະຈາຈະບັນລຸໝາກຜົນໄດ້ຫຼືບໍ່ແມ່ນຂຶ້ນກັບການປະຊຸມຂັ້ນລັດຖະມົນຕີຄັ້ງນີ້“.