ກອງປະຊຸມ ຂອງສປຊ
|
(vovworld) - ວັນທີ 15/2, ກະຊວງການຕ່າງປະເທດ ສປປ ເກົາຫຼີ ໄດ້ອອກສຽງປະຕິເສດຄຳຖະແຫຼງທີ່ສະພາຄວາມໝັ້ນຄົງ ສປຊ ທີ່ຍົກອອກມາພາຍຫຼັງປະເທດນີ້ຍິງທົດລອງ ລູກສອນໄຟນຳວິຖີຫວ່າງມໍ່ໆມານີ້. ໂຄສົກກະຊວງການຕ່າງປະເທດ ສປປ ເກົາຫຼີ ໄດ້ຢັ້ງຢືນວ່າການຍິງທົດລອງລູກສອນໄຟເມື່ອວັນທີ 12/2 ແມ່ນ “ມາດຕະການປ້ອງກັນຕົວ” ແລະ “ບໍ່ມີໃຜມີສິດຕຳນິຕິຕຽນສິດຖືກຕ້ອງຕາມກົດໝາຍຂອງປະເທດມີປະຊາທິປະໄຕ”. ປະຈຸບັນ, ສປປ ເກົາຫຼີ ພວມຕ້ອງປະເຊີນໜ້າກັບ 6 ຄຳສັ່ງລົງໂທດຂອງ ສປຊ ນັບແຕ່ເມື່ອປະເທດນີ້ທົດລອງນິວເຄຼຍເປັນຄັ້ງທຳອິດໃນປີ 2006.
ໃນສະພາບການທີ່ກ່ຽວຂ້ອງ, ກໍ່ໃນວັນດຽວກັນ, ສຳນັກຂ່າວສານ Yonhap ຂອງ ສ ເກົາຫຼີ ໃຫ້ຂ່າວວ່າ: ຈີນ ໄດ້ປະຕິເສດບໍ່ຮັບຖ່ານຫີນປະມານ 16.000 ໂຕນທີ່ມີມູນຄ່າປະມານ 1 ລ້ານ USD ຂອງ ສປປ ເກົາຫຼີ. ສາຍເຫດແມ່ນຍ້ອນປະລິມານນ້ຳບາຫຼອດ ໃນຖ່ານຫີນຂອງ ສປປ ເກົາຫຼີ ສູງກ່ວາປະລິມານໄດ້ຮັບອະນຸຍາດ.