(ພາບ: baodientu.chinhphu.vn )
(vovworld)- “ພ້ອມກັບການຍູ້ແຮງການເອົາໃຈໃສ່ເບິ່ງແຍງຊີວິດດ້ານວັດຖຸ, ຈິດໃຈ, ອະນຸລັກຮັກສາ ແລະ ພັດທະນາບັນດາຄຸນຄ່າວັດທະນະທຳອັນດີງາມຂອງບັນດາຊົນເຜົ່າໃນມະຫາຄອບຄົວຫວຽດນາມ ແລ້ວ, ແມ່ນຕ້ອງມີບັນດາການກະທຳທີ່ມີຊີວິດຊີວາ, ແທດຈິງກ່ວາອີກເພື່ອຍົກສູງນ້ຳໃຈມະຫາສາມັກຄີ ແລະ ຮັດແໜ້ນອາລົມຈິດຄວາມຮັກແພງຂອງປະຊາຄົມບັນດາເຜົ່າຫວຽດນາມ ກ່ວາອີກ“ ນັ້ນແມ່ນຄຳເຫັນຊີ້ນຳຂອງທ່ານປະທານປະເທດຫວຽດນາມ ເຈືອງເຕິນຊາງ ທີ່ພິທີໄຂສັບປະດາ “ມະຫາສາມັກຄີບັນດາເຜົ່າ-ມໍລະດົກວັດທະນະທຳຫວຽດນາມ“ ທີ່ຖືກຈັດຂຶ້ນໃນຕອນຄ່ຳວັນທີ 18/11 ຢູ່ບ້ານວັດທະນະທຳ-ທ່ອງທ່ຽວບັນດາຊົນເຜົ່າຫວຽດນາມ ທີ່ຮ່າໂນ້ຍ. ທ່ານປະທານປະເທດຫວຽດນາມ ເຈືອງເຕິນຊາງ ເນັ້ນໜັກວ່າ:
“ເພື່ອສ້າງ ແລະ ປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ຕ້ອງແກ້ໄຂການພົວພັນຜົນປະໂຫຍດລະຫວ່າງບັນດາສະມາຊິກໃນສັງຄົມຢ່າງກົມກ່ຽວ; ເອົາໃຈໃສ່ພັດທະນາເສດຖະກິດ, ວັດທະນະທຳ, ສັງຄົມ, ຍົກສູງຊີວິດດ້ານວັດຖຸ ແລະ ຈິດໃຈຂອງ ປຊຊ ຊົນເຜົ່າສ່ວນໜ້ອຍ; ອະນຸລັກຮັກສາ ແລະ ເສີມຂະຫຍາຍບັນດາ ຄຸນຄ່າດ້ານວັດທະນະທຳອັນດີງາມຂອງຊາດເພື່ອເຮັດໃຫ້ບັນດາເຜົ່າໃນມະຫາຄອບຄົວຫວຽດນາມ ມີຄວາມສະເໝີພາບ, ສາມັກຄີ, ຮັກແພງ, ເຄົາລົບ ແລະ ຊ່ວຍເຫຼືອຊື່ງກັນ ແລະ ກັນ, ພ້ອມກັນກ້າວໜ້າ. ນີ້ແມ່ນໜ້າທີ່ຍຸດທະສາດຂອງປະເທດຊາດ, ຂອງທົ່ວພັກ, ທົ່ວປວງຊົນ, ຂອງທັງລະບົບການເມືອງຈາກສູນກາງຮອດຮາກຖານ ແລະ ຕ້ອງປະຕິບັດຜ່ານບັນດາວຽກງານທີ່ອຸດົມສົມບູນ, ມີຊີວິດຊີວາ, ແທດຈິງ, ລະອຽດ, ນັບແຕ່ເຂດທົ່ງພຽງ, ເຂດພູດອຍ, ເຂດຊາຍແດນ, ໝູ່ເກາະທະເລ, ຕອນຫຼອດຮອດກຳລັງແຮງ, ພູມປັນຍາຂອງພະນັກງານ, ສະມາຊິກພັກ, ນັກຮົບ, ຂອງ ປຊຊ 54 ຊົນເຜົ່າອ້າຍນ້ອງແຕ່ລະຄົນ… “.