(VOVWORLD) -ນັບແຕ່ເວລາ 6 ໂມງຂອງວັນທີ 17 ກຸມພາ ຫາເວລາ 18 ໂມງຂອງວັນທີ 17 ກຸມພາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ໃໝ່ໃນຊຸມຊົນ 18 ກໍລະນີ ຢູ່ ຫາຍເຢືອງ.
 (ພາບ: tienphong.vn) |
ຕາມແຫຼ່ງຂ່າວ ຈາກຄະນະຊີ້ນຳແຫ່ງຊາດ ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ຮູ້ວ່າ: ນັບແຕ່ເວລາ 6 ໂມງຂອງວັນທີ 17 ກຸມພາ ຫາເວລາ 18 ໂມງຂອງວັນທີ 17 ກຸມພາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ໃໝ່ໃນຊຸມຊົນ 18 ກໍລະນີ ຢູ່ ຫາຍເຢືອງ, ອັນໄດ້ຍົກຈຳນວນຜູ້ຕິດເຊື້ອພະຍາດໂຄວິດ - 19 ຢູ່ ຫວຽດນາມ ຂຶ້ນເຖິງ 2.329 ກໍລະນີ. ໃນນັ້ນ, ມີ 1.430 ກໍລະນີຕິດເຊື້ອຢູ່ພາຍໃນປະເທດ. ປັດຈຸບັນ, ຫວຽດນາມ ໄດ້ປິ່ນປົວຫາຍດີ 1.580 ກໍລະນີ ແລະ ມີ 35 ກໍລະນີເສຍຊີວິດ.