ພາບປະກອບ
(vovworld) – ຮອດຈຸດເວລານີ້, ພາຍຸ Dianmu ໄດ້ພັດເຂົ້າບັນດາແຂວງພາກເໜືອ ຫວຽດນາມ ໃນວັນທີ 19/8 ເຮັດໃຫ້ໜຶ່ງຄົນເສຍຊີວິດ, 2 ຄົນຖືກຫາຍສາບສູນ, ເສັ້ນທາງຫຼາຍສາຍຖືກເຊາະເຈື່ອນ. ເນື້ອທີ່ປູກພຶດຫຼາຍເຮັດຕາຖືກທຳລາຍ. ທີ່ກອງປະຊຸມຂອງຄະນະຊີ້ນຳສູນກາງກ່ຽວກັບການວຽກປ້ອງກັນ, ຕ້ານໄພພິບັດທຳມະຊາດໃນຕອນເຊົ້າວັນທີ 20/8, ຢູ່ຮ່າໂນ້ຍ, ທ່ານ ຫງວຽນຊວນເກື່ອງ, ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພພິບັດທຳມະຊາດ ໄດ້ໃສ່ໃຈວ່າ: ບັນດາທ້ອງຖິ່ນຢູ່ພາກເໜືອ ຕ້ອງຕິດຕາມການຜັນແປຂອງສະພາບຝົນຕົກ, ນ້ຳຖ້ວມ, ນ້ຳແກງພາຍຫຼັງພາຍຸ. ບັນດາແຂວງເຂດພູດອຍສືບຕໍ່ກວດກາ ແລະ ຜັນຂະຫຍາຍການອົບພະຍົບປະຊາຊົນຢູ່ບັນດາເຂດອັນຕະລາຍ, ມີໄພຈະເກີດນ້ຳແກ່ງຖ້ວມ, ດິນເຊາະເຈື່ອນ. ຜັນຂະຫຍາຍບັນດາວິທີການປົກປັກຮັກສາເຂົ້າ ແລະ ພືດ, ຮັບປະກັນຄວາມປອດໄພຢູ່ບັນດາໜອງ, ບັນດາກິດຈະກຳຊົນລະປະທານຕົ້ນຕໍ່:
“ບັນດາທ້ອງຖິ່ນຈາກແຂວງ ເງາະອານ ຮອດບັນດາແຂວງຢູ່ພາກເໜືອຕ້ອງຈັດກຳລັງຕິດແທດບັນດາບໍລິເວນມີໄພຈະເກີດນ້້ຳແກ່ງຖ້ວມເພື່ອແນະນຳໃຫ້ແກ່ປະຊາຊົນ. ສຸມໃສ່ລະບາຍນ້ຳ ແລະ ບົວລະບັດເຂົ້າສານ, ພືກ. ພິເສດ, ເອົາໃຈໃສ່ເຖິງໜອງບັນຈຸນ້ຳ 28 ແຫ່ງເຊິ່ງມີນ້ຳເຕັມແລ້ວໃນຈຸດເວລາປະລິມານນ້ຳເຂົ້າໜອງສືບຕໍ່ເພີ່ມຂຶ້ນ.”
ຢູ່ເມືອງ ກິ່ເຊີນ, ແຂວງ ເງາະອານ, ເພື່ອຫລຸດຜ່ອນຜົນຮ້າຍຈາກຝົນຕົກ, ນ້ຳແກ່ງຖ້ວມກໍ່ຂຶ້ນ, ຄະນະກຳມະການປະຊາຊົນເມືອງໄດ້ຈັດຕັ້ງບັນດາຄະນະກວດກາສະພາບຄວາມເສຍຫາຍ, ຊ່ວຍປະຊາຊົນໄປອົບພະຍົບເຖິງບ່ອນປອດໄພ. ທ່ານຫງວຽນແທງຮ່ວາງ, ຫົວໜ້າຄະນະປ້ອງກັນ, ຕ້ານໄພພິບັດທຳມະຊາດ ແລະ ຊອກຫາກູ້ໄພກູ້ຊີບເມືອງ ກີ່ເຊີນ, ແຂວງ ເງາະອານ, ໃຫ້ຮູ້ວ່າ:
“ພວກຂ້າພະເຈົ້າໄດ້ລະດົມກຳລັງຕຳຫຼວດ, ທະຫານປ້ອງກັນຊາຍແດນ ແລະ ອຳນາດການປົກຄອງຂັ້ນຕາແສງ ຍົກຍ້າຍປະຊາຊົນອອກຈາກເຂດຖືກນ້ຳຖ້ວມ, ເຂດດິນເຊາະເຈືອນ. ເມື່ອນ້ຳຖອນອອກແລ້ວ, ພວກຂ້າພະເຈົ້າຈະດຳເນີນການໜູນຊ່ວຍບັນດາຄອບຄົວຕາມນະໂຍບາຍຂອງລັດ. ນອກນັ້ນ, ເມືອງຈະຫັກງົບປະມານສ່ວນໜຶ່ງເພື່ອໜູນຊ່ວຍປະຊາຊົນ.”