(vovworld) - ພາຍຫຼັງທີ່ໄດ້ຮັບຂ່າວອະດີດປະທານາທິບໍດີອາຟລິກາໄຕ້ Nelson Mandela ເຖິງແກ່ມໍລະນະກຳ, ທ່ານປະທານກຸຍບາ Raul Castro ໄດ້ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງປະທານາທິບໍດີ ອາຟລິກາໄຕ້ Jacol Zuma, ໃນນັ້ນຢືນຢັນວ່າ ຊາວອກຸຍບາ ຈະຄິດຮອດຄິດເຖິງການນຳຍິ່ງໃຫຍ່ຂອງອາຟລິກາໃຕ້ຕະຫຼອດໄປ, ດ້ວຍຄວາມເດັດດຽວໃນພາລະກິດຕໍ່ສູ້ຕ້ານລະບອບຈຳແນກເຊື້ອຊາດຜີວພັນ Apartheid ກໍ່ຄືບັນດາຜົນງານອັນໃຫຍ່ຫຼວງເຊິ່ງທ່ານໄດ້ປະໄວ້ໃນພາລະກິດສ້າງສາປະເທດອາຟລິກາໃຕ້ໃໝ່.
ວັນທີ 06/12, ໜັງສື່ພິມ Granma, ສຽງຂອງພັກກອມມູນິດກຸຍບາ ໄດ້ລົງພິມບົດຂຽນຍ້ອງຍໍຊີວິດ ແລະ ພາລະກິດຂອງທ່ານອະດີດປະທານາທິບໍດີ Mandela. ບົດຂຽນໄດ້ເນັ້ນໜັກວ່າ ທ່ານ Mandela ໄດ້ອຸທິດຕະຫຼອດຊີວິດຂອງຕົນ ເພື່ອປົກປັກຮັກສາຄວາມຍຸຕິທຳສັງຄົມ ແລະ ກຽດສັກສິດຂອງມະນຸດ, ເຖິງວ່າ ຕ້ອງຜ່ານຜ່າຊຸມເດືອນປີທີ່ຫຍຸ້ງຍາກ ແຕ່ຍາມໃດທ່ານກໍ່ບື່ນຕົວຂຶ້ນມຸ່ງໄປເຖິງໄຊຊະນະສຸດທ້າຍ.
ການນຳບັນດາປະເທດຄື: ນີກາຣາກາ, ອັກຊັງຕິນ, ເມກຊີໂກ, ສ.ເກົາຫຼີ, ອິສະຣາແອນ... ລ້ວນແຕ່ຍ້ອງຍໍພາລະກິດທີ່ຍິ່ງໃຫຍ່ເຊິ່ງອະດີດປະທານາທິບໍດີ Mandela ປະໄວໃຫ້, ພ້ອມທັງສະແດງຄວາມເສົ້າສະຫຼົດໃຈອັນເລິກເຊິ່ງຕໍ່ການເຖິງແກ່ມໍລະນະກຳຂອງທ່ານ.