(ພາບປະກອບ)
|
Vovworld- ພາຍຫຼັງໄດ້ປຶກສາຫາລືຢ່າງຕັ້ງໜ້າ, ວັນທີ 14/12, ບັນດາການນຳສະຫະພາບເອີລົບ EU ໄດ້ບັນລຸຄວາມເປັນເອກະສັນກັນກ່ຽວກັບວິວັດທະນາການສ້າງພັດທະພາບເສດຖະກິດ ແລະ ເງິນຕາ(EMU) ໃຫ້ສຳເລັດບໍລິບູນບົນພື້ນຖານ ຊຸກຍູ້ການທ້ອນໂຮມຢ່າງເລິກເຊິ່ງ ແລະ ປັບປຸງຄວາມສາມັກຄີພາຍໃນກຸ່ມ. ໝາກຜົນນີ້ໄດ້ຮັບຖືວ່າ ແມ່ນຜົນສຳເລັດທີ່ພົ້ນເດັ່ນທີ່ສຸດຂອງກອງປະຊຸມສຸດຍອດຄັ້ງສຸດທ້າຍຂອງ ສະຫະພາບເອີລົບ EU ໃນປີນີ້. ແຈ້ງການຮ່ວມພາຍຫຼັງກອງປະຊຸມໄດ້ຊີ້ແຈ້ງວ່າ ພັດທະພາບເສດຖະກິດ ແລະ ເງິນຕາ(EMU) ຄວນໄດ້ຮັບການປັບປຸງເພື່ອຮັບປະກັນຄວາມສະຫງົບໝັ້ນທຽງດ້ານເສດຖະກິດ, ສັງຄົມ ແລະ ຮັກສາຄວາມວັດທະນາຖາວອນ. ວິວັດທະນາການດັ່ງກ່າວຈະເລີ່ມຕົ້ນດ້ວຍດ້ວຍການປັບປຸງສິດບໍລິຫານ, ປະຕິບັດກົນໄກຕິດຕາມກວດກາຮ່ວມ ແລະ ບັນດາຫຼັ້ກການໃໝ່ກ່ຽວກັບການຟື້ນຟູ, ແກ້ໄຂ ແລະ ຮັບປະກັນເງິນຝາກ.