ທ່ານນາມວິຍາເກດ, ເລຂາພັກແຂວງ, ເຈົ້າແຂວງໆອັດຕະປືກ່າວຄຳເຫັນທີ່ການເຮັດວຽກກັບຄະນະການນຳແຂວງບີງເຟືອກ |
(vovworld)- ວັນທີ 1/6, ຄະນະຜູ້ແທນຂັ້ນສູງແຂວງອັດຕະປືໂດຍທ່ານນາມວິຍາເກດ, ເລຂາພັກແຂວງ, ເຈົ້າແຂວງໆອັດຕະປືນຳໜ້າ ໄດ້ມາຢ້ຽມຢາມ ແລະ ເຮັດວຽກຢູ່ແຂວງບີງເຟືອກ. ທີ່ການເຮັດວຽກ, ທ່ານຫງວຽນວັນເລີ້ຍ ເລຂາພັກແຂວງໆບີງເຟືອກໄດ້ຢືນຢັນວ່າ ລັດຖະບານ ແລະ ປະຊາຊົນ 2 ປະເທດຫວຽດນາມ-ລາວ ຍາມໃດກໍຖືເປັນສຳຄັນສາຍພົວພັນມິດຕະພາບທີ່ເປັນມູນເຊື້ອ, ຊ່ວຍເຫຼືອຊຶ່ງກັນ ແລະ ກັນໃນການຕໍ່ສູ້ຍາດເອົາເອກະລາດແຫ່ງຊາດເມື່ອກ່ອນນີ້ ກໍຄືໃນໄລຍະສ້າງສາ ແລະ ພັດທະນາປະເທດຊາດໃນປະຈຸບັນ. ທ່ານຫງວຽນວັນເລີ້ຍ ເລຂາພັກແຂວງໆບີງເຟືອກສະແດງຄວາມຫວັງວ່າ ແຜນງານຮ່ວມມືລະຫວ່າງ 2 ແຂວງຈະນັບມື້ນັບພັດທະນາໃນຫຼາຍຂົງເຂດຄື ການເມືອງ, ວັດທະນະທຳ, ການສຶກສາ, ເສດຖະກິດ, ການຄ້າ…
ສ່ວນທ່ານ ທ່ານນາມວິຍາເກດ, ເລຂາພັກແຂວງ, ເຈົ້າແຂວງໆອັດຕະປື ຫວັງວ່າ ສາຍພົວພັນລະຫວ່າງອັດຕະປື ແລະ ບີງເຟືອກ ພ້ອມກັບບັນດາແຂວງ, ນະຄອນອື່ນໆຂອງຫວຽດນາມຈະນັບມື້ນັບເພີີ່ມທະວີໃຫ້ດີຍິ່ງໆຂຶ້ນ, ປະກອບສ່ວນເຂົ້າໃນການເສີມສ້າງ ສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ.