(vovworld) – ຕອນຄໍ່າວັນທີ 04/12, ຢູ່ນະຄອນ Sydney, ປະເທດອົດສຕາລີ ໄດ້ດຳເນີນການພົບປະປະຈຳໄລຍະຂອງສະພາດຳເນີນທຸລະກິດອົດສຕາລີ - ຫວຽດນາມ (AVBC). ທີ່ການພົບປະ, ທ່ານເອກອັກຄະລັດຖະທູດຫວຽດນາມ ປະຈຳອົດສຕາລີ ເລືອງແທງຫງີ້ ໄດ້ແຈ້ງໃຫ້ຊາບບັນດາບາດກ້າວພັດທະນາຢ່າງແຮງ, ຕັ້ງໜ້າໃນທຸກຂົງເຂດ ນັບແຕ່ດ້ານການເມືອງ, ການທູດ, ການປ້ອງກັນຊາດ ປ້ອງກັນຄວາມສະຫງົບ, ການຄ້າ ການລົງທຶນ… ລະຫວ່າງຫວຽດນາມ - ອົດສຕາລີ ພາຍຫຼັງໄລຍະ 40 ປີແຫ່ງວັນ 2 ປະເທດສ້າງຕັ້ງການພົວພັນທາງການທູດ. ທ່ານເອກອັກຄະລັດຖະທູດໃຫ້ຮູ້ວ່າ, ນັບມື້ນັບມີຫຼາຍວິສາຫະກິດຫວຽດນາມ ເອົາໃຈໃສ່ເຖິງການລົງທຶນ, ດຳເນີນທຸລະກິດຢູ່ອົດສຕາລີ. ພອມກັນນັ້ນ, ຫວຽດນາມ ພວມສ້າງເງື່ອນໄຂສະດວກໃຫ້ບັນດານັກລົງທຶນ ແລະ ວິສາຫະກິດຕ່າງປະເທດ, ໃນນັ້ນມີບັນດາວິສາຫະກິດອົດສຕາລີ ທຳມາຫາກິນຢູ່ຫວຽດນາມ. ລັດຖະບານຫວຽດນາມ ແລະ ອົດສຕາລີ ພວມພ້ອມກັນຍົກອອກແຜນການເຄື່ອນໄຫວໃໝ່ ໄລຍະ 2015 – 2017 ຢ່າງຕັ້ງໜ້າ ເພື່ອແນໃສ່ຊຸກຍູ້ການຮ່ວມມືດ້ານເສດຖະກິດ 2 ຝ່າຍ, ເໝາະສົມກັບນະໂຍບາຍການຕ່າງປະເທດເສດຖະກິດໃໝ່ຂອງລັດຖະບານອົດສຕາລີ.