(ພາບ:baodientu.chinhphu.vn)
(vovworld)- ກ່າວຄຳເຫັນທີ່ການຕ້ອນຮັບຄະນະຜູ້ແທນສະມາຄົມນັກໂທດການເມືອງແຂວງກວາງຫງ້າຍ ໃນໂອກາດຄະນະມາຢ້ຽມຢາມນະຄອນຫຼວງຮ່າໂນ້ຍ ແລະ ເຂົ້າຢ້ຽມຂ່ຳນັບສຸສານທ່ານປະທານໂຮ່ຈິມິນ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຢືນຢັນວ່າ: ຍາມໃດ, ພັກ, ລັດກໍ່ໄດ້ຮັບຮູ້ ແລະ ສະແດງຄວາມຮູ້ບຸນຄຸນບັນດາການອຸທິດສ່ວນ, ການສະເສຍສະຫຼະຂອງບັນດາອະດີດນັກໂທດການເມືອງ. ບັນດາແຜນນະໂຍບາຍ, ນະໂຍບາຍທີ່ແທດຈິງຂອງພັກ ແລະ ລັດໃນໄລຍະຜ່ານມາ ໄດ້ລະດົມກຳລັງໃຈບັນດາອະດີດນັກໂທດການເມືອງຢ່າງທັນການ ເພື່ອໃຫ້ເຂົາເຈົ້າຜ່ານຜ່າຄວາມຫຍຸ້ງຍາກໃນຊີວິດການເປັນຢູ່, ສືບຕໍ່ອຸທິດສ່ວນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ. ຕີລາຄາສູງໝາກຜົນຂອງສະມາຄົມນັກໂທດການເມືອງແຂວງກວາງຫງ້າຍ ໃນວຽກງານ ”ຕອບບຸນແທນຄຸນ”, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີວ່າ ສະມາຄົມຕ້ອງຕັ້ງໜ້າເອົາໃຈໃສ່ເບິ່ງແຍງ, ລະດົມ, ຕັກເຕືອນສະມາຊິກ ປະຕິບັດແຜນນະໂຍບາຍ, ແທວທາງຂອງພັກ, ນະໂຍບາຍກົດໝາຍຂອງລັດເປັນຢ່າງດີ. ທ່ານຮຽກຮ້ອງໃຫ້ແຂວງກວາງຫງ້າຍ ຈົ່ງສືບຕໍ່ເອົາໃຈໃສ່ເບິ່ງແຍງຊີວິດດ້ານວັດຖຸ ແລະ ຈິດໃຈໃຫ້ບັນດາອະດີດນັກໂທດການເມືອງ ແລະ ຄອບຄົວຂອງເຂົາເຈົ້າໃຫ້ດີກ່ວາອີກ.