ວັນບຸນໜູນຊ່ວຍນັກສຶກສາ ລາວ ສົກຮຽນ 2015 – 2016
(ພາບ: trt.com.vn)
(vovworld) – ໂຮງຮຽນວິທະຍາໄລສ້າງຄູ ເຫວ້ ໄດ້ຈັດຕັ້ງວັນບຸນໜູນຊ່ວຍນັກສຶກສາ ລາວ ສົກຮຽນ 2015 – 2016 ຢູ່ນະຄອນ ເຫວ້. ນີ້ແມ່ນການເຄື່ອນໄຫວທີ່ເປັນມູນເຊື້ອຂອງໂຮງຮຽນ ເຊິ່ງສະແດງໃຫ້ເຫັນຄວາມເອົາໃຈໃສ່ຂອງພະນັກງານ, ຄູອາຈານໂຮງຮຽນສຳລັບນັກສຶກສາ ລາວ ເມື່ອກ້າວເຂົ້າສູ່ສົກຮຽນໃໝ່. ໂດຍລະອຽດ, ພະນັກງານ, ຄູອາຈານແຕ່ລະຄົນຈະຮັບຊ່ວຍເຫຼືອນັກສຶກສາ ລາວ ແຕ່ 2 – 3 ຄົນໃນປີທຳອິດທີ່ຮ່ຳຮຽນ ແລະ ພັກອາໄສຢູ່ ໂຮງຮຽນວິທະຍາໄລສ້າງຄູ ເຫວ້. ປະຈຸບັນມີພະນັກງານ, ຄູອາຈານຈຳນວນ 60 ຄົນເຂົ້າຮ່ວມການໜູນຊ່ວຍໃຫ້ແກ່ນັກສຶກສາ ລາວ ຊຸດທີ 39 ສົກຮຽນ 2015 – 2016 ເກືອບ 130 ຄົນ. ນອກຈາກນັ້ນ, ບັນດາພະນັງານ, ຄູອາຈານຍັງໜູນຊ່ວຍ, ຊ່ວຍເຫຼືອບັນດານ້ອງນັກຮຽນດັ່ງກ່າວ ເຝິກຮຽນພາສາ ຫວຽດນາມ, ຊອກຮູ້ຮີດຄອງປະເພນີ, ວັດທະນະທຳ ເຫວ້, ກາຍເປັນບ່ອນອີງທາງດ້ານຈິດໃຈໃຫ້ແກ່ພວກນ້ອງໃນໄລຍະທຳອິດທີ່ມາຮ່ຳຮຽນຢູ່ ເຫວ້ ຢ່າງແທດຈິງ.