ເລຂາທິການໃຫຍ່ ສປຊ ຮຽກຮ້ອງໃຫ້ສະກັດກັ້ນບໍ່ໃຫ້ເສດຖະກິດຕົກເຂົ້າສູ່ ສະພາບຊຸດໂຊມ
(VOVWORLD) -ວັນທີ 15 ມີນາ, ທ່ານ Antonio Guterres ເລຂາທິການໃຫຍ່ ສປຊ ໄດ້ຮຽກຮ້ອງໃຫ້ລັດຖະບານບັນດາປະເທດຈົ່ງຮ່ວມມືກັນເພື່ອສະກັດກັ້ນໂລກລະບາດ Covid - 19, ເຊິ່ງເຮັດໃຫ້ພື້ນຖານເສດຖະກິດທົ່ວໂລກຕົກເຂົ້າສູສະພາບຊຸດໂຊມ.
 ທ່ານ Antonio Guterres ເລຂາທິການໃຫຍ່ສປຊ (ພາບ: TTXVN) |
ທ່ານ Antonio Guterres ເລຂາທິການໃຫຍ່ສປຊຖືວ່າບໍ່ມີປະເທດໃດສະມາດຮັບມືກັບໂລກລະບາດດ້ວຍຕົນເອງໄດ້. ຍິ່ງກ່ວາເວລາໃດໝົດ, ລັດຖະບານບັນດາປະເທດຕ້ອງຮ່ວມມືເພື່ອຟື້ນຟູບັນດາພື້ນຖານເສດຖະກິດ, ເປີດກ້ວາງການລົງທຶນພາກລັດ, ຊຸກຍູ້ການຄ້າ ແລະ ຮັບປະກັນການໜູນຊ່ວຍໃຫ້ແກ່ປະຊາຊົນກໍ່ຄືປະຊາຄົມທີ່ໄດ້ຮັບຜົນສະທ້ອນຈາກໂລກລະບາດ Covid – 19. ທ່ານ Antonio Guterres ເນັ້ນໜັກວ່າໂລກລະບາດ Covid – 19 ໄດ້້ເຮັດໃຫ້ “ພື້ນຖານເສດຖະກິດທົ່ວໂລກມີຄວາມສ່ຽງຕົກເຂົ້າສູ່ ສະພາບຊຸດໂຊມຢ່າງແທ້ຈິງ ແລະ ນັບມື້ນັບເພີ່ມຂຶ້ນ”.