ເລຂາທິການໃຫຍ່ຫງວຽນຟູ໋ຈ້ອງຕ້ອນຮັບຫົວໜ້າຄະນະຕິດຕໍ່ພົວພັນຕ່າງປະເທດສູນກາງພັກຈີນ
ເລຂາທິການໃຫຍ່ຫງວຽນຟູ໋ຈ້ອງຕ້ອນຮັບຫົວໜ້າຄະນະຕິດຕໍ່ພົວພັນຕ່າງປະເທດສູນກາງພັກຈີນ
(ພາບ: Trí Dũng/TTXVN)
(vovworld) – ຕອນບ່າຍວັນທີ 19/12, ຢູ່ ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຟູ໋ຈ້ອງ ໃຫ້ການຕ້ອນຮັບທ່ານ ຫວາງເຢຍໄຮ, ກຳມະການສູນກາງພັກ, ຮອງປະທານຄະນະກຳມະການຮອງປະທານສະພາປຶກສາການເມືອງປະຊາຊົນຈີນ, ຫົວໜ້າຄະນະຕິດຕໍ່ພົວພັນຕ່າງປະເທດສູນກາງພັກ, ຫົວໜ້າຄະນະຜູ້ແທນພັກກກອມມູນິດ ຈີນ, ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ ແຕ່ວັນທີ 18 – 22/12.
ທ່ານເລຂາທິການໃຫຍ່ ຫງວຽນຟູ໋ຈ້ອງ ຕີລາຄາການຢ້ຽມຢາມ ຫວຽດນາມ ຄັ້ງນີ້ຂອງຄະນະແມ່ນບາດກ້າວສືບຕໍ່ຫັນເປັນລະອຽດ, ພັດທະນາການພົວພັນ “ຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ”. ທ່ານເລຂາທິການໃຫຍ່ ຫງວຽນຟູ໋ຈ້ອງ ເນັ້ນໜັກວ່າ: ການພົວພັນລະຫວ່າງ 2 ພັກມີບົດບາດສຳຄັນທີ່ສຸດໃນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ, 2 ຝ່າຍຄວນເພີ່ມທະວີການພົວພັນແລກປ່ຽນ, ການຮ່ວມມືລະຫວ່າງບັນດາອົງການຂອງພັກ, ພິເສດແມ່ນໃນຂົງເຂດວຽກງານທິດສະດີ, ບຳລຸງສ້າງພະນັກງານ, ແລກປ່ຽນບົດຮຽນໃນການກໍ່ສ້າງພັກ, ຄຸ້ມຄອງລັດ.
ແລະກໍ່ໃນວັນດຽວກັນ, ຄະນະຜູ້ແທນພັກກອມມູນິດ ຫວຽດນາມ ໂດຍທ່ານຮ່ວາງບິ່ງກວນ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ເປັນຫົວໜ້າຄະນະໄດ້ເຈລະຈາກັບຄະນະຜູ້ແທນພັກກອມມູນິດ ຈີນ ໂດຍທ່ານ ຫວາງເຢຍໄຮ ເປັນຫົວໜ້າຄະນະ.