ທ່ານເອກອັກຄະລັດຖະທູດ ດ່ວານຊວນຮຶງ
(vovworld) - ວັນທີ 2/3, ທ່ານເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສສ ຫວຽດນາມ ປະຈຳຍີ່ປຸ່ນ ດ່ວານຊວນຮຶງ, ໄດ້ຍື່ນສານຕາຕັ້ງຂຶ້ນເຈົ້າຊາຍຍີ່ປຸ່ນ ນາຮູຮິໂຕ, ທີ່ພິທີຍື່ນສານຕາຕັ້ງ, ທ່ານເອກອັກຄະລັດຖະທູດ ດ່ວານຊວນຮຶງ ໄດ້ເນັ້ນໜັກວ່າ, ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ຍີ່ປຸ່ນ ພວມໄດ້ຮັບການພັດທະນາຢ່າງຈົບງາມ ແລະຢືນຢັນວ່າ, ໜ້າທີ່ຈຸດສຸມໃນອາຍຸການຂອງຕົນ ແມ່ນປະກອບສ່ວນເຮັດໃຫ້ສາຍພົວພັນນີ້ ນັບມື້ນັບເລິກເຊິ່ງຍິ່ງຂຶ້ນ. ສ່ວນ ເຈົ້າຊາຍຍີ່ປຸ່ນ ນາຮູຮິໂຕ ກໍ່ສະແດງຄວາມເຊື່ອໝັ້ນວ່າ, ການພົວພັນລະຫວ່າງສອງປະເທດຈະສືບຕໍ່ມີບາດກ້າວພັດທະນາໃໝ່.
ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມປະຈຳຍີ່ປຸ່ນ ພາຍຫຼັງພິທີຍື່ນສານຕາຕັ້ງ, ທ່ານເອກອັກຄະລັດຖະທູດ ດ່ວານຊວນຮຶງ ຢັ້ງຢືນວ່າ, ຫວຽດນາມ ແລະ ຍີ່ປຸ່ນ ໄດ້ ແລະ ພວມປັບປຸງ ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ. ທ່ານຢືນຢັນວ່າ ການພົວພັນລະຫວ່າງ ຫວຽດນາມຍີ່ປຸ່ນ ນັບມື້ນັບເຕີບໂຕ ແລະກ້າວເຂົ້າສູ່ລວງເລິກ. ທັງສອງປະເທດຍັງມີຄວາມສາມາດບົ່ມຊ້ອນຫຼາຍຢ່າງຢູ່:
”ຄວາມເອົາໃຈໃສ່ທີ່ສຸດຂອງຂ້າພະເຈົ້າແມ່ນຊຸກຍູ້ການພົວພັນລະຫວ່າງສອງປະເທດໃນທຸກດ້ານ, ພິເສດແມ່ນປະຕິບັດຂໍ້ຕົກລົງຂັ້ນສູງລະຫວ່າງສອງປະເທດ ດ້ວຍຂົງເຂດຕ່າງໆທີ່ມີຄວາມໝາຍທີ່ສຸດທາງດ້ານເສດຖະກິດ, ການຄ້າ, ກິດຈະກຳໃຫຍ່…. ທາງສະຖານທູດ ຫາກໍ່ຮັບຮອງເອົາໂຄງການປະຕິບັດງານປີ 2012 ແລະ ໃນຊຸມປີຈະມາເຖິງ ເພື່ອເຮັດໃຫ້ບັນດາການເຄື່ອນໄຫວຕ່າງປະເທດຮັບໃຊ້ໃຫ້ແກ່ການຊຸກຍູ້ການພົວພັນຄູ່ຮ່ວມມືຍຸດທະສາດກ້າວເຂົ້າສູ່ລວງເລິກ ແລະແທດຈິງ. ຂ້າພະເຈົ້າຄິດວ່າ, ນັ້ນແມ່ນທິດທາງ ເຊິ່ງພວກເຮົາຄວນສົມທົບກັນ ແລະມານະພະຍາຍາມເພື່ອບັນລຸໄດ້ໃນໄລຍະຈະມາເຖິງ”