ເກັບກູ້ລູກລະເບີດ
ພາບ:internet
|
(vovworld) - ທ່ານນາຍົກລັດຖະມົນຕີຫວຽດນາມ ຫາກໍ່ປະກາດໃຊ້ຂໍ້ຕົກລົງອະນຸມັດແຜນການປະຕິບັດໂຄງການເຄື່ອນໄຫວແຫ່ງຊາດກ່ຽວກັບການແກ້ໄຂຜົນຮ້າຍຢ້ອນຫລັງລູກລະເບີດພາຍຫລັງສົງຄາມໄລຍະແຕ່ນີ້ຮອດປີ 2015. ຈຸດໝາຍຂອງແຜນການແມ່ນລະດົມ ແລະ ນຳໃຊ້ທຸກແຫລ່ງກຳລັງຢູ່ພາຍໃນ ແລະ ຕ່າງປະເທດ ປະສິດທິຜົນ ເພື່ອຫລຸດຜ່ອນ, ກ້າວໄປເຖິງການແກ້ໄຂຜົນຮ້າຍຢ້ອນຫລັງຈາກລູກລະເບີດພາຍຫລັງສົງຄາມແບບຍືນຍົງ, ຮັບປະກັນຄວາມປອດໄພໃຫ້ແກ່ຊີວິດການເປັນຢູ່, ການດຳເນີນຊີວິດຂອງປະຊາຊົນ, ຊ່ວຍເຫລືອຜູ້ປະສົບເຄາະຮ້າຍຈາກລູກລະເບີດເຈືອຈານເຂົ້າກັບວົງຄະນາຍາດເປັນຢ່າງດີ. ຈຳນວນເງິນສະຫງວນໃຫ້ແກ່ແຜນການດັ່ງກ່າວແມ່ນ 14.000 ຕື້ດົ່ງ ເພື່ອຜັນຂະຫຍາຍປະຕິບັດບັນດາໂຄງການຫນູນຊ່ວຍຜູ້ປະສົບເຄາະຮ້າຍຈາກລູກລະເບີດເຈືອຈານເຂົ້າກັບວົງຄະນາຍາດ, ໂຄສະນາ, ສຶກສາໃຫ້ປະຊາຊົນໃນການປ້ອງກັນ ແລະ ຫລີກລ້ຽງອຸປະຕິເຫດຈາກລູກລະເບີດ, ປະຕິບັດບັນດາແຜນການເກັບກູ້ລະເບີດບໍ່ທັນແຕກໃນເນື້ອທີ່ດິນປະມານ 500.000 ເຮັກຕາ ເພື່ອຮັບໃຊ້ການພັດທະນາເສດຖະກິດສັງຄົມ.