(vovworld) – ວັນທີ 4/6, ເມື່ອລາຍງານກ່ຽວກັບສະພາບເສດຖະກິດ - ສັງຄົມແຂວງ ບິ່ງເຢືອງ, ທ່ານ ເຈີ່ນວັນຫຼຽວ, ຫົວໜ້າຄະນະຄຸ້ມຄອງບັນດາເຂດອຸດສາຫະກຳ ບິ່ງເຢືອງ, ໃຫ້ຮູ້ວ່າ: ປະຈຸບັນ, ມີກ່ວາ 80% ໃນຈຳນວນນັກຊ່ຽວຊານຕ່າງປະເທດ 2.650 ຄົນໄດ້ກັບຄືນເຮັດວຽກຢູ່ໂຮງງານແຫ່ງຕ່າງໆທີ່ມີເງິນລົງທຶນຕ່າງປະເທດຢູ່ບັນດາເຂດອຸດສາຫະກຳແຂວງ ບິ່ງເຢືອງ. ຕາມທ່ານ ຫຼຽວ ແລ້ວ, ປະຈຸບັນເກືອບ 100% ວິສາຫະກິດໄດ້ກັບຄືນສູ່ການເຄື່ອນໄຫວຜະລິດ ພາຍຫຼັງຜົນເສຍຫາຍຍ້ອນກຸ່ມຄົນບໍ່ດີກໍ່ຂຶ້ນໃນຕົ້ນເດືອນ 5 ຜ່ານມາ.
ກໍ່ທີ່ພິທີນີ້, ທ່ານ ເຈີ່ນວັນນາມ, ຮອງປະທານຄະນະກຳມະການ ປະຊາຊົນແຂວງ ບິ່ງເຢືອງ, ໃຫ້ຮູ້ວ່າ: ເຖິງວ່າປະສົມກັບຄວາມຫຍຸ້ງຍາກບໍ່ແມ່ນໜ້ອຍ ແຕ່ການເຕີບໂຕເສດຖະກິດຂອງແຂວງຍັງຢູ່ໃນລະດັບສູງຢູ່ ດ້ວຍມູນຄ່າການຜະລິດອຸດສາຫະກຳໃນ 5 ເດືອນຕົ້ນປີເພີ່ມຂຶ້ນເກືອບ 12% ເມື່ອທຽບໃສ່ໄລຍະດຽວກັນຂອງປີກາຍ, ວົງເງິນສົ່ງອອກບັນລຸເກືອບ 5,5 ຕື້ USD, ເພີ່ມຂຶ້ນ 11%, ປະກອບສ່ວນແກ້ໄຂວຽກເຮັດງານທຳໃຫ້ກຳມະກອນກ່ວາ 800.000 ຄົນ.