ໂອກາດໃຫ້ວິສາຫະກິດ ຫວຽດນາມສົ່ງອອກຜະ ລິດຕະພັນກະເສດ, ສິນໃນນ້ຳໄປອີຢີບ
(ພາບ: vov)
(vovworld)–ວັນທີ 10/11, ຄະນະຜູ້ແທນສົ່ງເສີມການຄ້າຂອງກະຊວງອຸດສາຫະ ກຳການຄ້າຫວຽດນາມ ສົມທົບກັບຫ້ອງການການຄ້າກາຍໂຣ ແລະ ສະຖານທູດຫວຽດນາມ ປະຈຳອີຢີບ ຈັດກອງປະຊຸມສຳມະນາແນະນຳກ່ຽວກັບຕະຫຼາດກໍ່ຄືບັນດາກາລະໂອກາດດຳເນີນທຸລະກິດດ້ານຜະລິດຕະພັນກະເສດ, ສິນໃນນ້ຳຫວຽດນາມ.
ຜູ້ຕາງໜ້າຂອງກຸ່ມບໍລິສັດ ແລະ ບໍລິສັດການຄ້າອີຢີບເກືອບ 30 ແຫ່ງມີໜ້າຢູ່ ກອງປະຊຸມສຳມະນາ ໄດ້ສະແດງໃຫ້ເຫັນຄວາມປາດຖະໜາຢາກຊອກຫາບັນດານັກຜະລິດ ແລະ ບໍລິສັດສົ່ງອອກທີ່ມີອິດທິພົນຊື່ສຽງ, ພ້ອມທັງເພີ່ມທະວີການນຳເຂົ້າບັນດາຜະລິດຕະພັນກະເສດ, ສິນໃນນ້ຳຈາກຫວຽດນາມ ຄື: ປາແຊເຢັນ, ໝາກພິກໄທ, ໝາກມ່ວງຫິມະພານ, ຢາງພາລາ…ໃນໂອກາດນີ້, ບາງວິສາຫະກິດໄດ້ສະເໜີຕໍ່ກະຊວງອຸດສາຫະກຳການຄ້າ ແລະ ບັນດາກະຊວງຂະແໜງການທີ່ກ່ຽວຂ້ອງຂອງຫວຽດນາມ ຕ້ອງຄວບຄຸມຄຸນນະພາບຜະລິດຕະພັນກະເສດໃຫ້ເປັນຢ່າງດີ, ພ້ອມທັງປັບໄໝລົງໂທດບັນດາວິສາຫະກິດພາຍໃນປະເທດມີການສໍ້ໂກງການຄ້າຢ່າງເຂັ້ມງວດ ເພື່ອແນໃສ່ເຮັດໃຫ້ສະພາບແວດລ້ອມແຫ່ງການດຳເນີນທຸລະກິດລະຫວ່າງສອງປະເທດມີຄວາມປອດໄສ./.