ຕອນເຊົ້າວັນທີ 26/12, ກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 11 ໄດ້ໄຂຂຶ້ນຢູ່ຮ່າໂນ້ຍ. ທີ່ກອງປະຊຸມຄັ້ງນີ້, ຄະນະບໍລິຫານງານສູນກາງພັກກອມມູນິດຫວຽດນາມໄດ້ພິຈາລະນາ, ຕົກລົງແຜນຮ່າງທີ່ຮີບດ່ວນຈຳນວນໜຶ່ງ ກ່ຽວກັບການກໍ່ສ້າງພັກໃນສະພາບການປະຈຸບັນ, ປຶກສາຫາລື, ປະກອບຄຳເຫັນກ່ຽວກັບແຜນຮ່າງກໍ່ສ້າງລະບົບພື້ນຖານໂຄງລ່າງຢ່າງຄົບຊຸດ, ຮັບໃຊ້ໃຫ້ແກ່ພາລະກິດຫັນເປັນປະເທດເປັນອຸດສາຫະກຳ, ທັນສະໄໝໄລຍະ 2011 – 2020…
ກ່າວປາໄສໄຂກອງປະຊຸມ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ໋ຈ້ອງຊີ້ແຈງວ່າ: ກອງປະຊຸມໃຫຍ່ຄັ້ງທີ່ 11 ຂອງພັກໄດ້ຮັບຮອງເອົາຍຸດທະສາດພັດທະນາເສດຖະກິດ - ສັງຄົມໄລຍະ 2011 – 2020 ໃນນັ້ນກຳນົດ 3 ບຸກທະລຸຍຸດທະສາດ ນັ້ນແມ່ນສ້າງສຳເລັດລະບອບເສດຖະກິດການຕະຫຼາດກຳນົດທິດສັງຄົມນິຍົມ, ພັດທະນາແຫຼ່ງຊັບພະຍາກອນມະນຸດ ແລະ ກໍ່ສ້າງພື້ນຖານໂຄງລ່າງຄົບຊຸດ. ກ່ຽວກັບແຜນຮ່າງຮີບດ່ວນຈຳນວນໜຶ່ງໃນພາລະກິດກໍ່ສ້າງພັກໃນປະຈຸບັນ, ທ່ານເລຂາທິການໃຫຍ່ ຫງວຽນຟູ໋ຈ້ອງຢືນຢັນວ່າ:
“ກົມການເມືອງສະເໜີໃຫ້ສູນກາງ ເລືອກ 3 ບັນຫາອັນຮີບດ່ວນທີ່ຄວນປະຕິບັດໃນທັນທີ ດ້ວຍຄວາມປາດຖະໜາຢາກບັນລຸໄດ້ບັນດາໝາກຜົນອັນລະອຽດ, ເພື່ອປັບປຸງຄວາມເຊື່ອໝັ້ນຂອງພະນັກງານສະມາຊິກພັກ ແລະ ປະຊາຊົນ. ນັ້ນແມ່ນ,, ຍູ້ໃຫ້ຖອຍໄປ ແລະ ສະກັດກັ້ນສະພາບການຊຸດໂຊມກ່ຽວກັບຄຸນນະທາດການເມືອງ, ຄຸນສົມບັດໃນການດຳລົງຊີວິດຂອງພະນັກງານສະມາຊິກພັກຈຳນວນບໍ່ໜ້ອຍ, ພິເສດແມ່ນພະນັກງານການນຳ, ບໍລິຫານທຸກຂັ້ນ. ກໍ່ສ້າງພະນັກງານນຳພາບໍລິຫານ, ພິເສດແມ່ນຂັ້ນສູນກາງ, ຕອບສະໜອງຄວາມຮຽກຮ້ອງຕ້ອງການຂອງພາລະກິດຫັນເປັນປະເທດອຸດສາຫະກຳ, ທັນສະໄໝ ແລະ ເຊື່ອມໂຍງເຂົ້າກັບສາກົນ. ທີ່ 3 ແມ່ນຕ້ອງກຳນົດຄວາມຮັບຜິດຊອບ, ສິດອຳນາດຂອງບັນດາຜູ້ນຳໜ້າອຳນາດການປົກຄອງ ແລະ ບັນດາການພົວພັນກັບຄະນພັກອົງການຫົວໜ່ວຍຢ່າງຈະແຈ້ງ”.