ໄທ:ປະທານພັກເພື່ອໄທລາອອກຈາກຕຳແໜ່ງ
ທ່ານ ຈາຣຸພົງ ເຣືອງສຸວັນ
(ພາບ: Thai PBS)
(vovworld) – ວັນທີ 20/6, ທ່ານຮອງເລຂາທິການໃຫຍ່ຊົ່ວຄາວຂອງພັກ ເພື່ອໄທ ຈາວາລິດ ວິໃຈຢ້າສຸດ, ໃຫ້ຮູ້ວ່າ: ທ່ານ ຈາຣຸພົງ ເຣືອງສຸວັນ ໄດ້ລາອອກຈາກຕຳແໜ່ງເປັນປະທານພັກນີ້. ທ່ານ ຈາຣຸພົງ, ອະດີດລັດຖະມົນຕີກະຊວງພາຍໃນ ໄທ, ປະກາດເລື່ອງລາອອກຈາກຕຳແໜ່ງໃນຈົດໝາຍສະບັບໜຶ່ງ, ໃນນັ້ນໄດ້ເວົ້າວ່າ ທ່ານຢາກລາອອກຈາກຕຳແໜ່ງຢ່າງເປັນທາງການໃນວັນທີ 22/5, ເຊິ່ງແມ່ນວັນດຳເນີນການກໍ່ກໍ່ລັດຖະປະຫານຂອງກອງທັບ ໄທ. ທ່ານ ຈາວາລິດ ໃຫ້ຮູ້ວ່າ: ໄດ້ຮັບຈົດໝາຍສະບັບນີ້ໃນວັນທີ 16/6.
ນັບແຕ່ພາຍຫຼັງການລັດຖະປະຫານ, ທ່ານ ຈາຣຸພົງ ໄດ້ຫຼົບໜີ ແລະ ປະຕິເສດການສະເໜີຕົວຕໍ່ອຳນາດການປົກຄອງການທະຫານເມື່ອຖືກຮຽກຕົວ. ສານທະຫານ ບັງກອກ ໄດ້ອອກຄຳສັ່ງຕາມລາສຳລັບທ່ານ ຈາຣຸພົງ ກໍ່ຄື 6 ບຸກຄົນທີ່ບໍ່ປະຕິບັດການຮຽກຕົວຂອງອຳນາດການປົກຄອງການທະຫານ ໄທ. ທ່ານ ຈາວາລິດ ໃຫ້ຮູ້ວ່າ: ການລາອອກຈາກຕຳແໜ່ງຂອງທ່ານ ຈາຣຸພົງ ກໍ່ເຮັດໃຫ້ຄະນະບໍລິຫານງານຂອງພັກເພື່ອໄທ ຖືກຍຸບເລິກ. ພັກນີ້ກໍ່ບໍ່ສາມາດເລືອກຕັ້ງຄະນະບໍລິຫານງານຊຸດໃໝ່ຍ້ອນວ່າອຳນາດການປົກຄອງການທະຫານຫ້າມບັນດາພັກຝ່າຍເຄື່ອນໄຫວດ້ານການເມືອງ.