(vovworld) - ການແລກປ່ຽນຄວາມເຫັນ, ແບ່ງປັນບົດຮຽນພຶດຕິກຳຕົວຈິງກ່ຽວກັບບົດບາດຂອງແມ່ຍິງ, ພິເສດແມ່ນສະມາຊິກສະພາແຫ່ງຊາດເພດຍິງ (ສສຊເພດຍິງ) ໃນການປະຕິບັດຍຸດທະສາດແຫ່ງຊາດກ່ຽວກັບຄວາມສະເຫມີພາບລະຫວ່າງ ຍິງຊາ ຍ, ເພີ່ມທະວີຄວາມເຂົ້າໃຈ, ຍົກສູງບົດບາດຂອງ ສສຊ ເພດຍິງ ແມ່ນຈຸດປະສົງຂອງກອງປະຊຸມສຳມະນາສາກົນ “ ຫນ່ວຍ ສສຊ ເພດຍິງ ກັບຍຸດທະສາດແຫ່ງຊາດກ່ຽວກັບຄວາມສະເຫມີພາບລະຫວ່າງ ຍິງ ຊາຍ ຖືກຈັດຂຶ້ນຢູ່ນະຄອນທະເລ ຍາຈາງ ແຂວງ ແຄງຮວ່າ ໃນທ້າຍເດືອນ 7/2012 ຜ່ານມາ.
ກອງປະຊຸມສຳມະນາ ຫນ່ວຍ ສສຊ ເພດຍິງ
ພາບ: internet |
ກອງປະຊຸມສຳມະນາສາກົນ “ຫນ່ວຍ ສສຊ ເພດຍິງ ກັບຍຸດທະສາດແຫ່ງຊາດກ່ຽວກັບຄວາມສະເຫມີພາບລະຫວ່າງ ຍິງຊາຍ” ໂດຍກຳມາທິການບັນດາບັນຫາສັງຄົມຂອງສະພາແຫ່ງຊາດ, ຫນ່ວຍ ສສຊ ເພດຍິງ ຫວຽດນາມ ສົມທົບກັບໂຄງການພັດທະນາສະຫະປະຊາຊາດ (ສປຊ) ປະຈຳຫວຽດນາມ ຈັດຕັ້ງຂຶ້ນ. ມີຜູ້ແທນກວ່າ 84 ທ່ານ ທີ່ມາຈາກ 10 ປະເທດ ຄື: ມາເລເຊຍ, ການາດາ, ສເກົາຫລີ, ກຳປູເຈຍ, ອິນໂດເນເຊຍ, ລາວ, ຈີນ, ສະວິດ, ໄທ, ຫວຽດນາມ ແລະ ຜູ້ຕາງຫນ້າອົງການຈັດຕັ້ງສາກົນເຂົ້າຮ່ວມກອງປະຊຸມດັ່ງກ່າວ.
ທີ່ກອງປະຊຸມສຳມະນາ, ສສຊ ເພດຍິງ ຂອງບັນດາປະເທດໄດ້ແລກປ່ຽນບົດຮຽນ ແລະ ຂໍ້ລິເລີ່ມກ່ຽວກັບການປະຕິບັດຍຸດທະສາດກ່ຽວກັບຄວາມສະເຫມີພາບລະຫວ່າງ ຍິງຊາຍ ລະຫວ່າງບັນດາປະເທດທີ່ມີຫຼາຍຈຸດຄ້າຍຄືກັນທາງດ້ານວັດທະນະທຳ, ການເມືອງ, ກົດໝາຍ ຫລື ມີຜົນງານກ່ຽວກັບຄວາມສະເຫມີພາບລະຫວ່າງຍິງຊາຍ. ທ່ານນາງ ບຸນຍົງ ບຸບຜາ ຮອງປະທານກຳມາທິການການຕ່າງປະເທດ ລາວ, ຫົວຫນ້າຫນ່ວຍ ສສຊ ເພດຍິງ ລາວ ປະກອບຄຳເຫັນວ່າ:
ສຽງທ່ານນາງ ບຸນຍົງ ບຸບຜາ
ຫວຽດນາມ ແມ່ນຫນຶ່ງໃນບັນດາປະເທດມີອັດຕາສ່ວນ ສສຊ ເພດຍິງ ສູງໃນພາກພື້ນ ແລະ ໃນໂລກ, ບັນລຸລະດັບສະເລ່ຍ 24%, ໃນຂະນະນັ້ນ ປະຈຸບັນຢູ່ໃນໂລກ ຈຳນວນ ສສຊ ເພດຍິງກວມປະມານ 19,3%, ອາຊີ ກວມປະມານ 18%. ຄຸນນະພາບ ຂອງ ສສຊ ຍິງ ຫວຽດນາມ ກໍນັບມື້ນັບໄດ້ຮັບການຍົກສູງຂຶ້ນ ແລະ ສວມບົດບາດຕັ້ງຫນ້າໃນບັນດາກຳມາທິການຂອງສະພາແຫ່ງຊາດ. ເມື່ອເຕື້ອງເຖິງ ສະພາບການປະຕິບັດຄວາມສະເຫມີພາບລະຫວ່າງຍິງຊາຍ ແລະ ບັນດາສິ່ງທ້າທາຍທີ່ພວມວາງອອກໃນວຽກງານຄວາມສະເຫມີພາບລະຫວ່າງຍິງຊາຍ,ທ່ານນາງ Truong Thi Mai, ຫົວຫນ້າກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດ ຫວຽດນາມ, ປະທານຫນ່ວຍ ສສຊ ເພດຍິງຫວຽດນາມ ຍົກຄຳເຫັນວ່າ:
“ບັນຫາຫນຶ່ງອີກທີ່ວາງອອກໃນປະຈຸບັນນັ້ນແມ່ນ ຍັງມີຮົ້ວກີດຂວາງສຳລັບແມ່ຍິງທີ່ເຂົ້າຮ່ວມວຽກງານການເມືອງ, ພິເສດ ຢູ່ ປະເທດ ອາຊີຈຳນວນຫນຶ່ງຍັງມີຂໍ້ຈຳກັດໃນຄວາມຮັບຮູ້, ຍ້ອນວັດທະນະທຳມີຈຸດພິເສດສະເພາະ, ສະນັ້ນ ເລື່ອງສ້າງຕັ້ງກົນໄກເພື່ອໃຫ້ແມ່ຍິງເຂົ້າຮ່ວມວຽກງານການເມືອງໄດ້ຫລາຍກວ່າ ແມ່ນສິ່ງຈຳເປັນທີ່ສຸດ. ບັນຫາທີ່ວາງອອກ ນັ້ນແມ່ນ ປະຈຸບັນ ແມ່ຍິງກວມ 50% ຈຳນວນແຮງ ງານ, ສະນັ້ນ ຕ້ອງເຮັດແນວໃດເພື່ອສາມາດຮັບປະກັນຄວາມດຸນດຽງລະຫວ່າງຍິງຊາຍໃນການເຂົ້າຮ່ວມການເຄື່ອນໄຫວວຽກງານການເມືອງ, ຕ້ອງສູ້ຊົນເພື່ອບັນລຸໃຫ້ໄດ້ຈຸດໝາຍສສຊເພດຍິງກວມ 30% ໃນສະພາແຫ່ງຊາດ.”
ຜູ້ແທນ ສສຊ ເພດຍິງ ລາວ ແລະ ກຳປູເຈຍ ເຂົ້າຮ່ວມກອງປະຊຸມ
ພາບ: internet |
ຕ່າງຫນ້າ ສສຊ ເພດຍິງ ອິນໂດເນເຊຍ, ທ່ານນາງ Gutis Kanjeng Ratu Hemas ຮອງປະທານສະຖາບັນຕາງຫນ້າເຂດ, ຂຶ້ນກັບສະພາສູງ ອິນໂດເນເຊຍ ໄດ້ແບ່ງປັນບົດຮຽນຂອງ ອິນໂດເນເຊຍ ເພື່ອແນໃສ່ຍົກສູງຄວາມຮູ້ ແລະ ຄວາມຊຳນານງານໃນນິຕິບັດຍັດ, ສ້າງແຜນງົບປະມານສະຫງວນໃຫ້ແກ່ຄວາມສະເຫນີ ພາບລະຫວ່າງຍິງຊາຍ ແລະ ຕິດຕາມກວດກາ ການປະສານສົມທົບລະຫວ່າງເພດຜ່ານບັນດາຂໍ້ລິເລີ່ມ.
“ພວກຂ້າພະເຈົ້າປາດຖະຫນາວ່າ ບັນດາກອງປະຊຸມສຳມະນາກ່ຽວກັບຄວາມສະເຫມີພາບລະຫວ່າງ ຍິງຊາຍ ຈະໄດ້ຮັບການຈັດຕັ້ງຂຶ້ນຢ່າງແຂງແຮງຢູ່ແຕ່ລະປະເທດ. ຕາມຂ້າພະເຈົ້າແລ້ວ, ດ້ວຍການສະຫນັບສະຫນູນ ແລະ ຊ່ວຍເຫລືອຂອງອົງການ UNDP, ຕ້ອງເຮັດແນວໃດເພື່ອເພີ່ມທະວີຄວາມສະເຫມີພາບລະຫວ່າງຍິງຊາຍ ບໍ່ພຽງແຕ່ປະຕິບັດຢູ່ສະເພາະແຕ່ລະປະເທດເທ່ົານັ້ນ ຫາກຄວນໃຫ້ຂ່າວ, ຮ່ວມມືລະຫວ່າງບັນດາປະເທດ, ຕາມຂໍ້ລິເລີ່ມ ແລະ ແຜນການດຳເນີນງານທີ່ພວມໄດ້ຮັບການປະຕິບັດ. ພິເສດ ເລື່ອງ ຫວຽດນາມ ຈັດຕັ້ງກອງປະຊຸມສຳມະນາຄັ້ງນີ້ຢູ່ນະຄອນ ຍາຈາງ ແມ່ນດີທີ່ສຸດ. ນີ້ແມ່ນໂອກາດເພື່ອເພີ່ມທະວີເຄືອຂ່າຍຂໍ້ມູນຂ່າວສານລະຫວ່າງບັນດາປະເທດ ແລະ ລະຫວ່າງບັນດາຫນ່ວຍ ສສຊ ເພດຍິງ.”
ທີ່ກອງປະຊຸມສຳມະນາ, ຜູ້ແທນຂອງອົງການ Iknow Politics, ຫ້ອງວ່າ UNDP ພາກພື້ນ ອາຊີປາຊີຟີກ ກໍໄດ້ລາຍງານບັນດາຫົວເລື່ອງສະເພາະທີ່ກ່ຽວຂ້ອງເຖິງເລື່ອງນຳໃຊ້ສົນທິສັນຍາກ່ຽວກັບການລົບລ້າງທຸກຮູບການຈຳແນກການປະພຶດສຳລັບແມ່ຍິງ ແລະ ບັນດາເປົ້າໝາຍພັດທະນາສະຫັດສະວັດໃນວິວັດການສ້າງກົດໝາຍ ແລະ ລາຍງານການປະຕິບັດ ແລະ ເປີດກວ້າງເຄືອຂ່າຍຂໍ້ມູນຂ່າວສານລະຫວ່າງຫນ່ວຍ ສສຊ ເພດຍິງຂອງບັນດາປະເທດ.
ຜ່ານການປຶກສາຫາລື, ກອງປະຊຸມສຳມະນາຫນ່ວຍ ສສຊ ຍິງກັບຍຸດທະສາດແຫ່ງຊາດກ່ຽວກັບຄວາມສະເຫມີພາບລະຫວ່າງຍິງຊາຍ ໄດ້ປະກອບສ່ວນຊ່ວຍບັນດາຜູ້ແທນເຂົ້າຮ່ວມຍົກສູງຄວາມຊຳນານງານໃນການໄຈ້ແຍກ, ຮັບຮູ້ກ່ຽວກັບເພດ, ປະສານສົມທົບລະຫວ່າງເພດກໍຄືລະບຽບການປະສານສົມທົບລະຫວ່າງເພດ. ນີ້ແມ່ນເວທີ, ແມ່ນສະຖານທີ່ເຕົ້າໂຮມສຽງເວົ້າຂອງ ສສຊ ເພດຍິງ, ຊ່ວຍເຂົາເຈົ້າມີກຳລັງແຮງພຽງພໍ, ມີຄວາມໝັ້ນໃຈໃນການເຂົ້າຮ່ວມຮຽບຮຽງເອກະສານດ້ານກົດໝາຍ, ເພີ່ມທະວີບົດທີ່ຕັ້ງບາດຂອງ ສສຊ ເພດຍິງ ໃນການເຄື່ອນໄຫວຕ່າງໆຂອງສະພາແຫ່ງຊາດບັນດາປະເທດ ອາຊຽນ ຕາມບັນດາມະຕິຂອງ AIPA./.