ໃນລາຍການມື້ນີ້ ພວກເຮົາຂໍຕອບບາງຄຳຖາມຂອງທ່ານຜູ້ຟັງຜູ້ອ່ານຝາກມາລາຍການຂອງພວກເຮົາໃນອາທິດຜ່ານມາ.
ເພື່ອນສຸດສາຄອນ ນັກສຶກສາມະຫາວິທະຍາໄລແຫ່ງຊາດລາວ ໄດ້ໂທລະສັບມາລາຍການໂດຍຖາມວ່າ: ໃນຊຸມເດືອນທ້າຍປີ 2013 ນີ້, ຢູ່ຫວຽດນາມ ມີເຫດການພົ້ນເດັ່ນໃດແດ?
ເພື່ອນສຸດສາຄອນ ນັກສຶກສາມະຫາວິທະຍາໄລແຫ່ງຊາດລາວ ໄດ້ໂທລະສັບມາລາຍການໂດຍຖາມວ່າ: ໃນຊຸມເດືອນທ້າຍປີ 2013 ນີ້, ຢູ່ຫວຽດນາມ ມີເຫດການພົ້ນເດັ່ນໃດແດ?
ພິທີສະເຫຼີມສະຫຼອງວັດການປະວັດ
ເດືອນສິງຫາ 19/8 ແລະ ວັນຊາດທີ 2/9
(ພາບ:tcdulichtphcm.vn)
ພວກເຮົາຂໍຕອບຄຳຖາມຂອງເພື່ອນສຸດສາຄອນວ່າ: ໃນໄລຍະຜ່ານມາ, ຢູ່ຫວຽດນາມ ໄດ້ຈັດພິທີສະເຫຼີມສະຫຼອງ 68 ປີແຫ່ງວັນການປະວັດເດືອນສິງຫາສຳເລັດຜົນ (19/8/1948-19/8/2013) ແລະ ໃນເວລາໃກ້ໆນີ້ ຫວຽດນາມ ຈະຈັດພິທີສະເຫຼີມສະຫຼອງວັນຊາດຫວຽດນາມ ຄືວັນທີ 2/9-1945-2/9/2013. ສະເພາະ VOV ຂອງພວກຂ້າພະເຈົ້າ ຍັງມີວັນສຳຄັນ ນັ້ນແມ່ນສະເຫຼີມສະຫຼອງວັນສ້າງຕັ້ງ ຄືວັນທີ 7/9/1945-7/9/2013. ໃນເດືອນ 10/2013 ນະຄອນຫຼວງຮ່າໂນ້ຍ ຂອງພວກຂ້າພະເຈົ້າຈະສະເຫຼີມສະຫຼອງ 59 ປີແຫ່ງວັນປົດປ່ອຍຄືວັນທີ 10/10/1954-10/10/2013, ວັນທີ 20/11 ແມ່ນວັນຄູແຫ່ງຊາດຫວຽດນາມ ສ່ວນວັນທີ 22/12 ແມ່ນວັນສ້າງຕັ້ງກອງທັບ ປຊຊ ຫວຽດນາມ ຄົບຮອບ 69 ປີ (22/12/1944-22/12/2013)….ໃນໂອກາດບັນດາເຫດການນີ້, VOV ຂອງພວກຂ້າພະເຈົ້າ ຈະໃຫ້ຂ່າວຕ່າງໆທີ່ກ່ຽວຂ້ອງ ແລະ ມີບັນດາບົດວິຈານຕາມແຕ່ລະຫົວເລື່ອງ.
ໃນອາທິດທີ່ຜ່ານມາ, ພວກເຮົາໄດ້ຮັບຈົດໝາຍຈາກເພື່ອນອາວອນຈິດ ຢູ່ແຂວງໄຊຍະບູລີ ໂດຍຢາກຮູ້ວ່າ: ປະຈຸບັນ, ວິທະຍຸກະຈາຍສຽງຫວຽດນາມ ພາກພາສາລາວມີນັກຂ່າວ, ບັນນາທິການ, ໂຄສົກ…ທັງໝົດຈັກຄົນ? ມີຊື່ແນວໃດ ແລະ ລາຍການມີໂຄສົກເປັນຄົນລາວບໍ່?
ເພື່ອນອາວອນຈິດທີ່ຮັກແພງ, ປະຈຸບັນ, ວິທະຍຸກະຈາຍສຽງຫວຽດນາມ ພາກພາສາລາວ ມີນັກຂ່າວ, ບັນນາທິການ, ໂຄສົກ…ທັງໝົດ 6 ຄົນ ຊື່ງຮັບຜິດຊອບບັນດາວຽກງານຄື: ຂຽນຂ່າວ, ບົດ ແລະ ແປເປັນພາສາລາວ, ເປັນໂຄສົກ… ນັ້ນແມ່ນບັນດາອ້າຍເອື້ອຍ: ຕວຽດມາຍ, ຫງວຽນຮ່ວາຍ, ໝີ້ບີ່ງ, ແອງດາວ, ຢ້ຽວຮົ່ງ ແລະ ມິງດຶກ. ລາຍການຂອງພວກເຮົາຍັງມີຜູ້ຮ່ວມງານຜູ້ໜຶ່ງເປັນຄົນລາວ ຊື່ງຮັບຜິດຊອບວຽກງານກວດແກ້ຂ່າວ, ບົດ ແລະ ເປັນໂຄສົກ, ນັ້ນແມ່ນອ້າຍຜາດອນ ອິນສະແຫວງ ປະຈຸບັນພວມຮຽນຕໍ່ປະລິນຍາເອກຢູ່ມະຫາວິທະຍາໄລວັດທະນະທຳຮ່າໂນ້ຍ.
ເພື່ອນຮົ່ງລວານ ກໍ່ແມ່ນຜູ້ທີ່ເຄີຍຮັບຟັງບັນດາລາຍການຂອງວິທະຍຸກະຈາຍສຽງຫວຽດນາມ ພາກພາສາລາວເປັນປະຈຳ, ເພື່ອນໃຫ້ຮູ້ວ່າ: ເພື່ອນມີຄວາມນິຍົມບັນດາລາຍການຄື: “ຊາຍຄາອາຊຽນ“ “ຊົນນະບົດໃໝ່“ “ຊີວິດສັງຄົມ“….ທີ່ສຸດ ແລະ ເພື່ອນໃຫ້ຮູ້ວ່າ: ນັບແຕ່ເມື່ອວິທະຍຸ ກະຈາຍສຽງຫວຽດນາມ ມີເວັບໄຊ, ເພື່ອນສາມາດຕິດຕາມບັນດາລາຍການທີ່ຕົນນິຍົມຢ່າງສະດວກສະບາຍກ່ວາ:
“ຢູ່ຫຼວງພະບາງ, ໃນຍາມອາກາດບໍ່ດີ, ການຮັບຟັງວິທະຍຸຍາກຫຼາຍ ແຕ່ເມື່ອລາຍການມີເວັບໄຊ ຂ້າພະເຈົ້າກໍ່ສາມາດຮັບຟັງຢ່າງສະດວກສະບາຍ, ງ່າຍດາຍ ແລະ ຮັບຟັງໃນບໍ່ວ່າຈຸດເວລາໃດໃນມື້. ຂ້າພະເຈົ້າມັກຟັງຂ່າວກ່ຽວກັບການເຄື່ອນໄຫວຂອງນັກສຶກສາລາວ ຢູ່ຫວຽດນາມ ແລະ ປາດຖະໜາວ່າ ລາຍການຈະໃຫ້ຂ່າວກ່ຽວກັບການເຄື່ອນໄຫວຂອງນັກສຶກສາຫວຽດນາມ ຢູ່ລາວ ຄືພວກຂ້າພະເຈົ້າ“.
ນັກກິລາ ຫງວຽນຕຽນມິງ
(ພາບ:vnbadminton.com)
ໃນອາທິດຜ່ານມາ, ເພື່ອນບູນເລີດ ຢູ່ແຂວງບໍລິຄຳໄຊ ໄດ້ຝາກຈົດໝາຍມາຍັງລາຍການໂຍຖາມວ່າ: ຂ້າພະເຈົ້າຮູ້ວ່າ, ຫວຽດນາມ ຫາກໍ່ໄດ້ຮັບລາງວັນໃນການແຂ່ງຂັນຕີດອກປີກໄກ່ໂລກ. ຂ້າພະເຈົ້າຢາກຮູ້ວ່າ: ຫວຽດນາມ ໄດ້ຮັບລາງວັນໃດ ແລະ ຊື່ຂອງນັກກິລານີ້ແມ່ນຫຍັງ? ປະຈຸບັນ, ນັກກິລາຜູ້ນີ້ຢືນອັນດັບໃດໃນຕາຕະລາງຈັດອັນດັບຂອງໂລກ?
ເພື່ອນບູນເລີດ ແລະ ທ່ານຜູ້ຟັງຜູ້ອ່ານທີ່ເຄົາລົບ!
ຫວ່າງແລ້ວນີ້, ນັກກິລາ ຫງວຽນຕຽນມິງ ຂອງຫວຽດນາມ ຍາດໄດ້ຫຼຽນທອງ ໃນການແຂ່ງຂັນຕີດອກປີກໄກ່ໂລກ ຈັດຂັ້ນຢູ່ປະເທດຈີນ. ຜົນງານດັ່ງກ່າວໄດ້ຊ່ວຍໃຫ້ ຫງວຽນຕຽນມິງ ຢືນອັນດັບທີ 5 ໃນຕາຕະລາງຈັດອັນດັບນັກກິລາຕີດອກປີກໄກ່ໂລກ. ກົມໃຫ່ຍກິລາກາຍະກຳຫວຽດນາມ ໄດ້ສະເໜີໃຫ້ລັດມອບຫຼຽນໄຊແຮງງານຊັ້ນ 1 ໃຫ້ແກ່ ຫງວຽນຕຽນມິງ.
ທ່ານຜູ້ຟັງຜູ້ອ່ານທີ່ເຄົາລົບ! ທີ່ກ່າວມາແມ່ນການຕອບບາງຄຳຖາມຂອງພວກເຮົາ ກ່ຽວກັບບາງບັນຫາທີ່ທ່ານສົນໃຈ. ຖ້າທ່ານຜູ້ໃດມີຄຳຖາມ ກະລູນາຟາກມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈ້ຽວຮ່າໂນ້ຍ- ເບີໂທ: 00844.38256631-ອີແມວ:Laovov@.yahoo.com. ຂໍຂອບໃຈ ທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ, ສະບາຍດີ!