ທ່ານປະທານປະເທດເຈືອງເຕີນຊາງ
ພາບ: TTXVN
|
ຮຽນປະຊາຊົນ ແລະ ນັກຮົບໃນທົ່ວປະເທດ!
ເນື່ອງໃນໂອກາດລະດູບານໃຫມ່ປີມະແມ 2015, ຂ້າພະເຈົ້າຂໍສົ່ງຄຳຢື້ຢາມຖາມຂ່າວ, ພອນໄຊອັນປະເສີດທີ່ສຸດມາຍັງປະຊາຊົນ, ນັກຮົບໃນທົ່ວປະເທດ ແລະ ຊາວຫວຽດນາມ ອາໄສຢູ່ຕ່າງປະເທດ. ອວຍພອນໃຫ້ທຸກຄອບຄົວ, ທຸກຄົນມີຄວາມຜາສຸກ ແລະ ປະສົບຜົນສຳເລັດ.
ປີ 2014, ປະຊາຊົນ ແລະ ນັກຮົບໃນທົ່ວປະເທດ ໄດ້ສາມັກຄີກັນ, ເປັນຈິດຫນຶ່ງໃຈດຽວ, ຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ຮັກສາສັນຕິພາບ, ສະຖຽນລະພາບທາງດ້ານການເມືອງ ສັງຄົມຢ່າງໝັ້ນຄົງ, ພັດທະນາເສດຖະກິດ ວັດທະນະທຳ, ຍູ້ແຮງການເຄື່ອນໄຫວພົວພັນກັບຕ່າງປະເທດ ແລະ ເຊື່ອມໂຍງເຂົ້າກັບສາກົນ… ນັ້ນແມ່ນບັນດາໝາກຜົນເປັນຫນ້າຮັບຮູ້ ແລະ ຍ້ອງຍໍສັນລະເສີນ, ປະກອບສ່ວນເຮັດໃຫ້ບັນຍາກາດຕ້ອນຮັບລະດູບານໃຫມ່ປີມະແມນີ້ ເບິກບານມ່ວນຊື່ນກວ່າ.
ປີ 2015, ພວກເຮົາຕ້ອງສືບຕໍ່ເສີມຂະຫຍາຍບັນດາໝາກຜົນ, ແກ້ໄຂບັນດາຂໍ້ຈຳກັດຂອງປີເກົ່າ, ຍາດແຍ່ງທຸກກາລະໂອກາດ, ຄວາມສະດວກ, ຜ່ານຜ່ານທຸກຄວາມຫຍຸ້ງຍາກ, ສິ່ງທ້າທາຍໃຫມ່, ສູ້ຊົນບັນລຸບັນດາຄາດໝາຍ, ຫນ້າທີ່ພັດທະນາເສດຖະກິດ ສັງຄົມໄລຍະ 5 ປີ (2011-2015) ຢູ່ໃນລະດັບສູງສຸດ; ຕັດສິນໃຈຮັກສາເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖ້ວນເຂດທະເລ, ໝູ່ເກາະຂອງປະເທດຊາດ ແລະ ສະພາບແວດລ້ອມສັນຕິພາບ, ສະຖຽນລະພາບໄວ້ຢ່າງໝັ້ນຄົງ ເພື່ອພັດທະນາປະເທດຊາດ; ຍູ້ແຮງວຽກງານກໍ່ສ້າງພັກ, ລັດ ແລະ ນັບທັງລະບົບການເມືອງໃຫ້ປອດໄສ, ໝັ້ນຄົງເຂັ້ມແຂງ, ຕໍ່ສູ້ຢ່າງແຮງ, ສະກັດກັ້ນ, ຍູ້ການສໍ້ລາດບັງຫລວງ, ການຟຸມເຟືອຍ, ອາດຍາສິດ ແລະ ການເຊື່ອມທາດເສຍຄຸນກ່ຽວກັບແນວຄິດ, ຄຸນສົມບັດ, ແບບແຜນການດຳລົງຊີວິດໃນພະນັກງານ, ສະມາຊິກພັກ, ລັດຖະກອນພາກສ່ວນຫນຶ່ງໃຫ້ຖອຍໄປ, ປະກອບສ່ວນເຂົ້າໃນຜົນສຳເລັດຂອງກອງປະຊຸມໃຫຍ່ອົງຄະນະພັກທຸກຂັ້ນ, ກ້າວໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ.
ເສີມຂະຫຍາຍນ້ຳໃຈຮັກຊາດຢ່າງແຮງກ້າ ແລະ ຄວາມເອກອ້າງທະນົງໃຈຂອງຊາດ, ພວກເຮົາຕ້ອງປະຕິບັດລັດຖະທຳມະນູນປີ 2013ຢ່າງເຂັ້ມງວດ, ປະຕິບັດປະຊາທິປະໄຕຢ່າງກວ້າງຂວາງ, ເພີ່ມທະວີລະບຽບວິໄນ, ເປີດເຜີຍ, ໂປ່ງໃສ, ຍູ້ແຮງກິດຈະການປ່ຽນໃຫມ່ຢ່າງຮອບດ້ານ, ຄົບຊຸດ, ສ້າງບຸກຄະລີກກະພາບ, ພູມປັນຍາ, ກຳລັງຄວາມສາມາດ ແລະ ຄວາມຮັບຜິດຊອບຂອງພົນລະເມືອງ, ນຳປະເທດຊາດພັດທະນາຢ່າງແຮງ ແລະ ໝັ້ນຄົງ, ສູ້ຊົນກາຍເປັນປະເທດອຸດສະຫະກຳຕາມທິດທັນສະໄຫມ, ປະຊາຊົນມີຊີວິດອີ່ມໜຳສຳລານ, ເສລິພາບແລະ ມີຄວາມຜາສຸກ, ທັງປະເທດກ້າວຂຶ້ນພ້ອມກັບຍຸກສະໄຫມ.
ຂ້າພະເຈົ້າຂໍອວຍພອນປີໃຫມ່ແຫ່ງຄວາມສາມັກຄີ, ປ່ຽນໃຫມ່ ແລະ ນຳເອົາຫລາຍສິ່ງທີ່ດີງາມມາໃຫ້ປະເທດຊາດຫວຽດນາມ ທີ່ຮັກແພງຂອງພວກເຮົາ, ມາໃຫ້ປະຊາຊົນ, ນັກຮົບແຕ່ລະຄົນໃນທົ່ວປະເທດ ແລະ ຊາວຫວຽດນາມ ອາໄສຢູ່ຕ່າງປະເທດ.