(vovworld)- ໃນລາຍການມື້ນີ້ ພວກເຮົາຂໍຕອບບາງຄຳຖາມຂອງທ່ານຜູ້ຟັງຜູ້ອ່ານຝາກມາລາຍການຂອງພວກເຮົາໃນອາທິດຜ່ານມາ.
ໃນອາທິດຜ່ານມາ, ລາຍການພາກພາສາລາວ ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍຈາກເພື່ອນສຸກສະຫວັນ, ຖາວອນ ຢູ່ແຂວງບໍ່ແກ້ວ, ເພື່ອນພອນປະສົງ, ແກ້ວມານີ ຢູ່ແຂວງອຸດົມໄຊ… ແລະ ບັນດາເພື່ອນຜູ້ອ່ານຜູ້ຟັງຢູ່ແຂວງຫຼວງພະບາງ, ຊຽງຂວາງ …ຊື່ງໄດ້ສົ່ງຄຳອວຍພອນອັນປະເສີດທີ່ສຸດມາຍັງບັນດານັກຂ່າວ, ນັກບັນນາທິການລາຍການພາກພາສາລາວ, ວິທະຍຸກະຈາຍສຽງຫວຽດນາມ ເນື່ອງໃນໂອກາດບຸນປີໃໝ່ປະຈຳຊາດຫວຽດນາມ, ປີ ມະເມຍ 2014. ຕາງໜ້າໃຫ້ຜູ້ຈັດທຳລາຍການ, ພວກເຮົາຂໍຂອບອົກຂອບໃຈບັນດາອາລົມຈິດທີ່ພວກເພື່ອນສະຫງວນໃຫ້ພວກເຮົາ ແລະ ອວຍພອນໃຫ້ພວກເພື່ອນຈົ່ງມີຂຸຂະພາຍແຂງແຮງ, ປະສົບຜົນສຳເລັດໃນໜ້າທີ່ວຽກງານ!
.jpg)
(ພາບປະກອບ: commons.wikimedia.org)
ເພື່ອນອຸໄທລັດ ຢູ່ໂທລະພາບແຫ່ງຊາດລາວ ແບ່ງປັນວ່າ: ເພື່ອນມັກທີ່ສຸດບັນດາລາຍການກະຈາຍສຽງ ອອກອາກາດໃນໂອກາດບຸນປີໃໝ່ປະຈຳຊາດຫວຽດນາມ ຜ່ານມາ, ພິເສດແມ່ນລາຍການວັດທະນະທຳ, ຜ່ານນັ້ນ, ເພື່ອນສາມາດເຂົ້າໃຈຕື່ມອີກກ່ຽວກັບຮີດຄອງປະເພນີຂອງບັນດາຊົນເຜົ່າຫວຽດນາມ ຄື: ການຄະລຳໃນບຸນເຕັດ, ບັນດາງານບຸນປະເພນີຂອງຫວຽດນາມ, ຄວາມໝາຍການບູຊາ….
ງານບຸນວັດເຮືອງ
(ພາບ: vi.wikipedia.org)
ເພື່ອນຄຳປ່ຽນ, ນັກສຶກສາມະຫາວິທະຍາໄລແຫ່ງຊາດລາວ ໄດ້ສົ່ງອີແມວມາລາຍການໂດຍຖາມວ່າ: ຢູ່ຫວຽດນາມ ມີຫຼາຍງານບຸນບໍ່? ບັນດາງານບຸນດຳເນີນໄປໃນຈຸດເວລາໃດໃນປີ ແລະ ເພື່ອນຢາກຮູ້ບາງງານບຸນພົ້ນເດັ່ນຂອງຫວຽດນາມ?
ເພື່ອນຄຳປ່ຽນ ແລະ ທ່ານຜູ້ຟັງຜູ້ອ່ານທີ່ເຄົາລົບ! ຕາມການສະຖິຕິແລ້ວ, ປະຈຸບັນ, ທົ່ວປະເທດຫວຽດນາມ ມີເກືອບ 8000 ງານບຸນ; ງານບຸນປະເພນີຂອງຫວຽດນາມ ເຄີຍດຳເນີນໃນລະດູບານໃໝ່ ແລະ ມີບາງງານບຸນຖືກຈັດຂຶ້ນໃນລະດູໃບໄມ້ຫຼົ່ນອີກ. ບັນດາດາງານບຸນຕົ້ນຕໍ່ຂອງຫວຽດນາມ ມີ: ບຸນປີໃໝ່ປະຈຳຊາດ, ບຸນເຂົ້າປະດັບດິນ ແລະ ບຸນວັນເພງເດືອນ 8, ນອກຈາກນັ້ນຍັງມີງານບຸນວິຫານຮຸ່ງ, ງານບຸນວິຫານເຈິ່ນ, ງານບຸນວິສາຂະບູຊາ, ງານບຸນຢອງ, ງານບຸນວັດເຮືອງ, ວັດບາຍດິງ, ງານບຸນອຽນຕື້…..
ໃນອາທິດທີ່ຜ່ານມາ, ພວກເຮົາໄດ້ຮັບຈົດໝາຍຈາກເພື່ອນແສງອາພອນ, ສົມເພດ, ຄຳໝັ້ນ ຢູ່ແຂວງຈຳປາສັກ ໂດຍຖາມກ່ຽວກັບບັນດານັກປະພັນຫວຽດນາມ ໄດ້ຮັບລາງວັນວັນນະຄະດີອາຊຽນ ແລະ ຂໍໃຫ້ລາຍການແນະນຳນັກປະພັນດີເດັ່ນຜູ້ໜຶ່ງ ກໍ່ຄືບົດປະພັນໄດ້ຮັບລາງວັນຂອງນັກປະພັນຜູ້ນັ້ນ. ພວກເຮົາຂໍຕອບຄຳຖາມຂອງພວກເພື່ອນຄືດັ່ງນີ້:
ບັນດານັກປະພັນຫວຽດນາມ ໄດ້ຮັບລາງວັນວັນນະຄະດີອາຊຽນ ແມ່ນ: ໂຕຫິ້ວ (1996), ມາວັນຄາງ (1998), ຫິ້ວຖິງ (1999), ຫງວຽນຂາຍ (2000), ຫງວຽນດຶກເມົ້າ (2001), ຫງວຽນກຽນ (2002), ບັ່ງຫວຽດ (2003), ໂດ້ຈູ (2004), ຟູຈ້າມ (2005), ເລວັນຖາວ (2006), ເຈິ່ນວັນຕວນ (2007), ຫງວໜງອກຕື (2008), ກາວຢຸຍເຊີນ (2009), ຫງວຽນເຍິດແອງ (2010), ຫງວຽນຈີຈຸງ (2011), ຈຸງຈຸງດິ້ງ (2012), ທາຍບາເລີ້ຍ (2013).
ນັກປະພັນ ຈຸງຈຸງດິ້ງ
(ພາບ: http://thethaovanhoa.vn)
ຕໍ່ໄປພວກເຮົາຂໍແນະນຳກັບທ່ານຜູ້ຟັງຜູ້ອ່ານກ່ຽວກັບນັກປະພັນ ຈຸງຈຸງດິ້ງ ຜູ້ໄດ້ຮັບລາງວັນວັນນະຄະດີອາຊຽນ ປີ 2012 ດ້ວຍບົດນາວະນິຍາຍ “ນັກຮົບສະໝໍລະພູມ“ ຊື່ງໄດ້ເລົ່າເລື່ອງກ່ຽວກັບບັນດານັກຮົບພາກເໜືອຫວຽດນາມ ທີ່ໄດ້ຂ້າມສາຍພູຫຼວງເຈື່ອງເຊີນ ເຂົ້າເຂດໄຕງວຽນ. ບົນເສັ້ນທາງອອກສູ່ສະໜາມຮົບ, ເຂົາເຈົ້າໝົດທຸກຄົນລ້ວນແຕ່ແມ່ນຄົນທີ່ໜຸ່ມແໜ້ນ, ດ້ວຍຄວາມຮັກ ແລະ ຄວາມໄຟ່ຝັນຂອງໄວໜຸ່ມ. ພາບພົດຂອງນັກຮົບໃນບົດປະພັນຂອງນັກປະພັນ ຈຸງຈຸງດິ້ງ ມີອາລົມຈິດ ຄວາມຮັກ, ຄວາມຮູ້ສຶກ, ນິດໃສໃຈຄໍທີ່ແຕກຕ່າງກັນ, ມີແຫຼ່ງກຳເນີດທີ່ແຕກຕ່າງກັນ ແຕ່ເມື່ອອອກສູ່ສະໜາມຮົບ, ເຂົາເຈົ້າພັດມີຄວາມອົ່ງອາດກ້າຫານ, ບໍ່ຍອມຈຳນົນ.
ນັກປະພັນທາຍບາເລີ້ຍ ຕີລາຄາວ່າ: ຜູ້ອ່ານຈະຖືກດູດດື່ມໃຈນັບແຕ່ແຖວໜັງສືທຳອິດ ຈົນຮອດຕົວໜັງສືສຸດທ້າຍຂອງນາວະນິຍາຍນີ້, ມັນສົມເປັນບົດປະພັນໄດ້ຮັບລາງວັນວັນນະຄະດີອາຊຽນ: ສຽງ
“ນັກປະພັນຈຸງຈຸງດິ້ງ ມີບັນດາບົດປະພັນທີ່ໄດ້ຮັບຄວາມຮູ້ການຈັກຈາກຜູ້ອ່ານຫຼາຍຄົນ, ທ່ານແມ່ນນັກປະພັນທີ່ມີຊື່ສຽງ, ມີບັນດາບົດປະພັນທີ່ມີເນື້ອໃນເລິກເຊິ່ງກ່ຽວກັບໄຕງວຽນ, ພິເສດແມ່ນບັນດາບົດປະພັນທີ່ຂຽນກ່ຽວກັບນັກຮົບໃນປາງສົງຄາມ. ທ່ານແມ່ນນັກປະພັນທີ່ມີຄວາມສາມາດ, ຫາຍາກຂອງພື້ນຖານວັນນະຄະດີຫວຽດນາມ“.
ປະຈຸບັນ, ນັກປະພັນຈຸງຈຸງດິ້ງ ແມ່ນກຳມະການຄະນະບໍລິຫານງານສະມາຄົມນັກປະພັນຫວຽດນາມ, ຜູ້ອຳນວຍການໂຮງພິມຈຳໜ່າຍສະມາຄົມນັກປະພັນ. ທ່ານແມ່ນນັກປະພັນວັນນະຄະດີໃຫ່ຍໃນຍຸກປະຈຸບັນ ຊື່ງເຄີຍໄດ້ຮັບລາງວັນວັນນະຄະດີລະດັບລັດປີ 2010.
ທ່ານຜູ້ຟັງຜູ້ອ່ານທີ່ເຄົາລົບ! ທີ່ກ່າວມາຂ້າງເທິງແມ່ນຄຳ ຂອງພວກເຮົາ ກ່ຽວກັບບາງບັນຫາທີ່ທ່ານສົນໃຈ. ຖ້າທ່ານຜູ້ໃດຢາກຊອກຮູ້ບັນຫາໃດ ກະລູນາຝາກຈົດໝາຍມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈ້ຽວຮ່າໂນ້ຍ- ເບີໂທ: 00844.38256631-ອີແມວ:Laovov@.yahoo.com. ຂໍຂອບໃຈ ທ່ານທີ່ໄດ້ຮັບຟັງ ແລະ ຊົມລາຍການຂອງພວກເຮົາ, ສະບາຍດີ!