.jpg)
ທ່ານຮອງລັດຖະມົນຕີການຕ່າງປະເທດລັດເຊຍ Sergei Ryabkov
(ພາບປະກອບ: Sputnik/TTXVN)
(vovworld) - ຫຼຸດຜ່ອນການເຈລະຈາ, ເພີ່ມການປະເຊີນໜ້າ, ແລະ ການປະທະກັນໃນບັນຫາຕ່າງໆ, ນັບແຕ່ການເຄື່ອນໄຫວແກ່ງແຍ້ງດ້ານການທະຫານຢູ່ ຊີຣີ, ບັນຫາເອີລົບຕາເວັນອອກ ແລະ ບັນດາການບຸກໂຈມຕີທາງເຄືອຂ່າຍອິນເຕີແນດ, ການພົວພັນເຄັ່ງຕຶງລະຫວ່າງ ລັດເຊຍ - ອາເມລິກາ…ເບິ່ງຄືວ່າຍັງບໍ່ທັນຢຸດຕິເທື່ອ. ການປະເຊີນໜ້າລະຫວ່າງສອງປະເທດມະຫາອຳນາດ ພວມຍູ້ການສູ້ຮົບຢູ່ ຊີຣີໃຫ້ຕົກເຂົ້າສູ່ສະພາບບໍ່ມີທາງອອກ.
ຄວາມເຄັ່ງຕຶງນັບມື້ນັບເພີ່ມຂຶ້ນ, ການປະທະກັນໃນຫຼາຍບັນຫາ ທີ່ ບໍ່ສາມາດຊອກຫາທັດສະນະລວມໃນບັນຫາ ຊີຣີ ໄດ້, ອັນໄດ້ພາໃຫ້ຫາງ ສຽງສາກົນວິຕົກກັງວົນຕໍ່ເລື່ອງ ລັດເຊຍ - ອາເມລິກາ ອາດຈະຕ້ອງປະເຊີນໜ້າໂດຍກົງ.
ຄວາມເຄັ່ງຕຶງປິນຂັ້ນໄດ
ໃນການຜັນແປລ່າສຸດ, ອາເມລິກາ ໃຫ້ຮູ້ພວມພິຈາລະນາບັນດາສິ່ງທີ່ຍັງຄົງຄ້າງເຊິ່ງປະເທດນີ້ພວມປະສົບ ຈາກເລື່ອງ ລັດເຊຍ ບຸກໂຈມຕີທາງເຄືອຂ່າຍ ອິນເຕີແນດໃສ່ກຸ່ມການເມືອງ ອາເມລິກາ. ຄຽງຂ້າງນັ້ນ, ວໍຊິງຕັນ ສືບຕໍ່ກ່າວຫາ ວັງແກຼມລິນ ໜູນຫຼັງການເລືອກຕັ້ງຢູ່ ອາເມລິກາ ເຊິ່ງພວມກ້າວເຂົ້າສູ່ໄລຍະສຸດທ້າຍ. ການກະທຳນີ້ໄດ້ຮັບການສະແດງອອກຢ່າງແຮງກວ່າ ພາຍຫຼັງທີ່ຂໍ້ຕົກລົງຢຸດຍິງຢູ່ ຊີຣີ ຖືກຍົກເລີກ. ບັນດາເຈົ້າໜ້າທີ່ ອາເມລິກາ ຍັງຮຽກຮ້ອງວ່າ ຕ້ອງສືບສວນ ອັນທີ່ເອີ້ນວ່າ “ໂທດສົງຄາມ“ ທີ່ລັດເຊຍໄດ້ກໍ່ຂຶ້ນຢູ່ Aleppo. ວໍຊິງຕັນ ກໍ່ພວມຊັ່ງຊາເລື່ອງຈັດວາງບັນດາມາດຕະການລົງໂທດໃໝ່ຕໍ່ ລັດເຊຍ.
ສ່ວນ ມົດສະກູ ຍັງຄົງເດັດດຽວປະຕິເສດເລື່ອງແຊກແຊງເຂົ້າໃນການເລືອກຕັ້ງປະທານາທິບໍດີຢູ່ ອາເມລິກາ. ເພື່ອໂຕ້ຕອບຄືນຕໍ່ຝ່າຍຕາເວັນຕົກ, ມົດສະກູ ໄດ້ຢຸດຕິສົນທິສັນຍາກ່ຽວກັບຄວາມສະຫງົບປອດໄພດ້ານນິວຄະເລຍກັບ ວໍຊິງຕັນ ໂດຍບັງເອີນ, ດ້ວຍສາຍເຫດທີ່ວ່າ, ການນາບຂູ່ຈາກຝ່າຍ ອາເມລິກາ ນັບມື້ນັບເພີ່ມຂຶ້ນ. ນອກນັ້ນ ກຸ່ມປະສົມລູກສອນໄຟ Iskanda ກໍ່ໄດ້ຮັບການຜັນຂະຫຍາຍຢູ່ມໍ່ກັບເຂດຊາຍແດນຕິດກັບ NATO ຢູ່ ເອີລົບ. ຫວ່າງແລ້ວນີ້, ທ່ານເອກອັກຄະລັດຖະທູດ ລັດເຊຍ ປະຈຳ ອາເມລິກາ Sergey Kislyak ຍອມຮັບວ່າ, ການພົວພັນລະຫວ່າງ ລັດເຊຍ - ອາເມລິກາ ພວມຢູ່ໃນໄລຍະຮ້າຍແຮງທີ່ສຸດ ນັບແຕ່ສົງຄາມເຢັນມາຮອດປະຈຸບັນ, ແລະ ວໍຊິງຕັນ ພວມປະຕິບັດບາດກ້າວຕ່າງໆທີ່ບໍ່ສະໜິດສະໜົມກັບ ລັດເຊຍ, ອັນໄດ້ບັງຄັບໃຫ້ປະເທດນີ້ຕ້ອງສະແດງໃຫ້ເຫັນຄວາມແຂງກະດ້າງຂອງຕົນ.
ຍູ້ສົງຄາມຢູ່ຊີຣີເຂົ້າສູ່ສະພາບບໍ່ມີທາງອອກ
ພາຍຫຼັງການເຈລະຈາກ່ຽວກັບການປະທະກັນຢູ່ ຊີຣີ ລະຫວ່າງລັດຖະມົນຕີການຕ່າງປະເທດ 2 ປະເທດ ລັດເຊຍ ແລະ ອາເມລິກາ ໃນວັນທີ 15/10 ບໍ່ມີຄວາມຄືບໜ້ານັ້ນ, ວັນທີ 17/10, ລັດເຊຍ ໄດ້ປະກາດໂດຍບັງເອີນໂດຍໃຫ້ຮູ້ວ່າ ກຳລັງທັງໝົດຂອງປະເທດນີ້ ແລະ ທະຫານລັດຖະບານ ຊີຣີ ຈະຢຸດຍິງໃນໄລຍະເວລາສັ້ນໆຢູ່ນະຄອນ Aleppo ໃນວັນທີ 20/10. ຄຳສັ່ງຢຸດຍິງນີ້ແກ່ຍາວເປັນເວລາ 8 ຊົ່ວໂມງ, ເພື່ອສ້າງເງື່ອນໄຂໃຫ້ສາມັນຊົນເຄື່ອນຍ້າຍ, ອົບພະຍົບຄົນເຈັບຢ່າງເສລີ ແລະ ຮັບປະກັນໃຫ້ບັນດາມືປືນຖອນອອກ. ເຖິງຢ່າງໃດກໍ່ຕາມ, ກົງກັນຂ້າມກັບການຄາດຄະເນ, ຄຳຕັດສິນຢຸດຍິງພຽງລຳພັງຝ່າຍດຽວຂອງ ລັດເຊຍ ບໍ່ໄດ້ຮັບການຊົມເຊີຍຈາກ ອາເມລິກາ ແລະ ຝ່າຍຕາເວັນຕົກ ເມື່ອຕຳນິຕິຕຽນຄຳສັ່ງຢຸດຍິງເປັນເວລາພຽງ 8 ຊົ່ວໂມງເທົ່ານັ້ນ ບໍ່ສາມາດຖືເປັນມາດຕະການ ແລະ ໄລຍະເວລານີ້ບໍ່ພຽງພໍໃຫ້ແກ່ການຂົນສົ່ງສິນຄ້າໜູນຊ່ວຍເຖິງບ່ອນມີຄວາມຕ້ອງການໄດ້.
ໃນຂະນະນັ້ນ, ໃນສະຖານທີ່ຕົວຈິງ, ສົງຄາມຢູ່ ຊີຣີ ຍັງດຳເນີນໄປຢ່າງດຸເດືອດ. ໄລ່ສະເພາະໃນ 24 ຊົ່ວໂມງຜ່ານມາ, ໄດ້ມີການບຸກໂຈມຕີດ້ວຍປືນໃຫຍ່ 49 ຄັ້ງອັນໄດ້ກໍ່ຄວາມບາດເຈັບລົ້ມຕາຍຢ່າງຫລວງຫຼາຍ. ອາເມລິກາ ກ່າວປະນາມອຳນາດການປົກຄອງ ຊີຣີ ແລະ ສະຫະພັນ ລັດເຊຍ ໄດ້ວາງລະເບີດໃສ່ບັນດາສະຖານທີ່ຂອງສາມັນຊົນ ແລະ ຝ່າຍຄ້ານປະກອບອາວຸດ. ແທນທີ່ນັ້ນ, ດາມາກຸດ ແລະ ມົດສະກູ ເນັ້ນໜັກວ່າ: ເຂົາເຈົ້າພຽງແຕ່ບຸກໂຈມຕີໃສ່ບັນດາຖານທີ່ໝັ້ນ ຂອງພວກກໍ່ການຮ້າຍ, ພ້ອມທັງກ່າວຫາ ວໍຊິງຕັນ ບໍ່ໄດ້ກໍ່ຄວາມກົດດັນ ສ້າງເງື່ອນໄຂໃຫ້ກຳລັງຝ່າຍຄ້ານສະຫງ່ຽມຄ່ຽມຄົມຈັດແບ່ງຊາຍແດນຢ່າງຈະແຈ້ງກັບພວກກໍ່ການຮ້າຍ.
ເພີ່ມບັນດາການເຄື່ອນໄຫວດ້ານການທະຫານ
ພ້ອມກັບບັນດາຄວາມບໍ່ລົງລອຍກັນຢ່າງເລິກເຊິ່ງ ກ່ຽວກັບວິວັດທະນາການສັນຕິພາບ ຢູ່ຊີຣີ, ລັດເຊຍ ແລະ ຝ່າຍຕາເວັນຕົກ ພວມດຳເນີນບັນດາການເຄື່ອນໄຫວ ເພີ່ມກຳລັງການທະຫານຢູ່ປະເທດນີ້. ໃນໄລຍະ 2,3 ວັນຜ່ານມາ ເຫຼົ່າທັບເຮືອລັດເຊຍ ໄດ້ສົ່ງບັນດາກຳປັ່ນລູກສອນໄຟຂະໜາດນ້ອຍ ແຕ່ມີກຳລັງບຸກໂຈມຕີແຮງທີ່ ຂື້ນກັບກັບກອງທັບເຮືອທະເລດຳ ເຖິງກຸ່ມສູ້ຮົບຂອງກອງທັບເຮືອນີ້ ທີ່ພວມຕັ້ງທັບ ຢູ່ເຂດທະເລເມດີແຕຣານາ, ຕິດກັບຝັ່ງທະເລຊີຣີ ຢ່າງລຽນຕິດ. ຫວ່າງແລ້ວນີ້ກະຊວງປ້ອງກັນປະເທດລັດເຊຍ ໄດ້ຢືນຢັນວ່າກຸ່ມລູກສອນໄຟປ້ອງກັນອາກາດ S-300 ໄດ້ຖືກສົ່ງໄປຍັງຊີຣີ ຢ່າງເປັນທາງການ, ເປັນຂີດໝາຍຄັ້ງທຳອິດ ທີ່ລັດເຊຍ ນຳເອົາລະບົບນີ້ອອກຈາກປະເທດ ວົງການນັກສັງເກດການ ໃຫ້ຂໍ້ສັງເກດວ່າ ເລື່ອງລັດເຊຍ ສົ່ງກຸ່ມປ້ອງກັນອາກາດ ທັນສະໄໝທີ່ສຸດຂອງໂລກ ໄປຍັງຊີຣີ ແມ່ນເປັນສານທີ່ສົ່ງເຖິງອາເມລິກາ, ດ້ວຍຄຳກ່າວເຕືອນຢ່າງແຮງວ່າ: ວໍຊິງຕັນ ຈະຖືກລົງໂທດ ຖ້າຫາກມີຄວາມຕັ້ງໃຈແຊກແຊງ ຕ້ານຄືນບັນດາການເຄື່ອນໄຫວ ຂອງຊີຣີ ຫຼື ລັດເຊຍ. ໃນຂະນະນັ້ນ, ຝ່າຍອາເມລິກາ ກໍ່ເຕື້ອງເຖິງ “ແຜນ B” ຫຼາຍເທື່ອ ໃນກໍລະນີວິວັດທະນາການສັນຕິພາບ ຊີຣີ ຕົກເຂົ້າສູ່ສະພາບບໍ່ມີທາງອອກ .ໃນການກະທຳໄດ້ຮັບຖືວ່າແມ່ນນອນຢູ່ໃນແຜນການນີ້, ອາລັບ, ຊາອຸດິ, ເຊິ່ງແມ່ນພັນທະມິດທີ່ສະໜິດສະໝົມ ຂອງອາເມລິກາ ໃນເຂດພາກຕາເວັນອອກກາງ, ຖະແຫຼງການວ່າພວມພິຈາລະນາວິທີການ ເພີ່ມແຫຼ່ງສະໜອງອາວຸດ ໃຫ້ກຳລັງຝ່າຍຄ້ານ ຢູ່ Aleppo, ຊີຣີ.
ຕາມບັນດານັກວິເຄາະແລ້ວ ການພົວພັນ ລະຫວ່າງ ລັດເຊຍ ແລະ ອາເມລິກາ, ພວມຊ້ອນແຝງໄພອັນຕະລາຍຫຼາຍຢ່າງ ທີ່ອາດຈະພາໄປເຖິງບັນດາສະຖານະການອັນຕະລາຍ. ເຖິງຢ່າງໃດກໍ່ຕາມ, ລັດເຊຍ ແລະ ອາເມລິກາ ດ້ວຍຜົນສະທ້ອນອັນກ້ວາງໃຫຍ່ ແນ່ນອນວ່າ: ຈຳເປັນຕ້ອງມີຄວາມເຄົາກັນສົມເປັນທີ່ຕັ້ງແມ່ນ ເປັນ 2 ປະເທດມະຫາອຳນາດ ໃນການສ້າງສັນຕິພາບໃຫ້ໂລກ.