(vovworld) - ການເລືອກຕັ້ງ ດູມາແຫ່ງຊາດ (ສະພາຕ່ຳລັດເຊຍ) ຫາກໍ່ໄດ້ຮັບການຈັດຕັ້ງສຳເລັດຜົນດ້ວຍໄຊຊະນະແມ່ນຂຶ້ນກັບພັກກຳອຳນາດປະເທດລັດເຊຍ ເອກະພາບ. ເຖິງວ່າຖືກດຳເນີນໄປພາຍຫຼັງບັນດາເຫດການ ແລະ ຄວາມຫຍຸ້ງຍາກ ທີ່ລັດເຊຍ ຕ້ອງຜ່ານຜ່າ, ແຕ່ພັກນີ້ຍັງຄົງຍາດໄດ້ຄວາມໄວ້ວາງໃຈສູງຈາກຜູ້ມີສິດເລືອກຕັ້ງ. ໄຊຊະນະຂອງພັກປະເທດລັດເຊຍ ເອກະພາບ ກໍ່ຊ່ວຍເປີດຊ່ອງທາງໃຫ້ທ່ານປະທານາທິບໍດີ Vladimir Putin ໄດ້ຮັບການໄຊຊະນະຄັ້ງທີ 4 ໃນການເລືອກຕັ້ງປີ 2018.
ປະທານາທິບໍດີ ລັດເຊຍ Vladimir Putin ພາຍຫຼັງການເລືອກຕັ້ງໃນວັນທີ 18/9.
(ພາບ:AFP/TTXVN) |
ດ້ວຍຈຳນວນບັດສະໜັບສະໜູນກ່ວາ 54%, ຫຼາຍກ່ວາພັກຢື່ນອັນດັບ 2 ແມ່ນພັກກອມມູນິດ ສະຫະພັນລັດເຊຍ (KPRF) ທີ່ຍາດໄດ້ບັດສະໜັບສະໜູນພຽງກ່ວາ 13% ນັ້ນ, ພັກປະເທດລັດເຊຍ ເອກະພາບຂອງທ່ານ ປະທານາທິບໍດີ V.Putin ຍາດໄດ້ໄຊຊະນະໃນການເລືອກຕັ້ງດູມາແຫ່ງຊາດ, ໝາຍຄວາມວ່າສະພາຕ່ຳ ລັດເຊຍ ຊຸດທີ 7, ດັ່ງນັ້ນ, ພັກຂອງປະທານາທິບໍດີ Putin ຍາດໄດ້ 343 ທີ່ນັ່ງໃນສະພາແຫ່ງຊາດເຊິ່ງລວມມີສະມາຊິກ 450 ທ່ານ.
ໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນ
ການເລືອກຕັ້ງຄັ້ງນີ້ຖືກດຳເນີນໄປໃນສະພາບການພື້ນຖານເສດຖະກິດ ລັດເຊຍ ພວມຊຸດໂຊມຢ່າງໜັກໜ່ວງຍ້ອນຄຳສັ່ງລົງໂທດຂອງຝ່າຍຕາເວັນຕົກ ກ່ຽວຂ້ອງເຖິງວິກິດການ ຢູແກຼນ, ບັ້ນຮົບການທະຫານຢູ່ ຊີຣີ. ແຕ່ເຖິງຢ່າງໃດກໍ່ຕາມ, ບັນດາຄວາມຫຍຸ້ງຍາກດ້ານເສດຖະກິດທີ່ ລັດເຊຍ ພວມປະເຊີນໜ້າເກືອບຄືວ່າບໍ່ສົ່ງຜົນສະທ້ອນເຖິງທ່າທີກະທົບຈາກສະຕິຂອງປະຊາຊົນເມື່ອອັດຕາຜູ້ສະໜັບສະໜູນທ່ານ Putin ຍັງຢູ່ໃນລະດັບສູງຢູ່. ບັນດາມາດຕະການຂວ້ຳບາດໄດ້ສົ່ງຜົນສະທ້ອນບໍ່ພຽງແຕ່ເຖິງວົງການເຈົ້າຂຸນມຸນນາຍ ເທົ່ານັ້ນ ຫາກຍັງສົ່ງຜົນສະທ້ອນເຖິງສາມັນຊົນອງລັດເຊຍ ອີກດ້ວຍ, ແຕ່ເຖິງຢ່າງໃດກໍ່ຕາມ, ທຸກໆຄົນລ້ວນແຕ່ຖືວ່າ, ນີ້ແມ່ນການບຸກໂຈມຕີເພື່ອເລັ່ງໃສ່ເຂົາເຈົ້າເອງ ຫາກບໍ່ແມ່ນອຳນາດການປົກຄອງ. ທ່ານປະທານາທິບໍດີ Putin ຕາງໜ້າໃຫ້ “ສັນຍາລັກແຫ່ງຄວາມສາມັກຄີ” ທົ່ວປວງຊົນລັດເຊຍ. ຊາວ ລັດເຊຍ ມີຄວາມເອກອ້າງທະນົງໃຈຕໍ່ທ່ານ Putin ຄືດັ່ງຄວາມເອກອ້າງທະນົງໃຈຕໍ່ປະເທດຊາດ. ເວົ້າແບບອື່ນ, ຄວາມໄວ້ເນື້ອເຊື່ອໃຈຕໍ່ທ່ານ Putin ບໍ່ຕິດພັນກັບບັນດາການປ່ຽນແປງຂອງຊີວິດປະຈຳວັນ.
ທ່ານ Putin, ອາຍຸ 63 ປີ, ຜູ້ທີ່ກຳອຳນາດເປັນເວລາ 17 ປີໃນຖານະຕຳແໜ່ງເປັນປະທານາທິບໍດີ ຫຼື ນາຍົກລັດຖະມົນຕີ ລັດເຊຍ. ຜູ້ມີສິດເລືອກຕັ້ງເກືອບທັງໝົດຖືວ່າ: ຍາກທີ່ຈະມີຜູ້ໃດມີຄວາມສາມາດຢ່າງພຽງພໍເພື່ອແທນໃຫ້ທ່ານ Putin ໄດ້ແລະ ເຂົາເຈົ້າມີຄວາມເປັນຫ່ວງວ່າ ປະເທດ ລັດເຊຍ ຈະກັບຄືນສູ່ໄລຍະສັບສົນຄືໃນຊຸມປີ 1990 ພາຍຫຼັງການລົ້ມລະລາຍຂອງ ສະຫະພາບ ໂຊວຽດ ຖ້າຫາກໄລຍະກຳອຳນາດຂອງທ່ານສິ້ນສຸດລົງ. ທ່ານ Putin ມີແຜນນະໂຍບາຍເພີ່ມທະວີຄວາມວັດທະນາຖາວອນປະເທດຊາດ. ຄວາມອຶດຫິວທຸກຍາກຖືກຫລຸດລົງ, ຄົນຊັ້ນກາງພັດທະນາ, ຄວາມສາມາດໃຊ້ຈ່າຍກໍ່ເພີ່ມຂຶ້ນ. ຊ້ຳບໍ່ໜຳ, ໃນແນວຄວາມຄິດຂອງປະຊາຊົນລັດເຊຍ, Crimea ແມ່ນຄວາມສະຫງ່າອົງອາດ ແລະ ຄວາມເອກອ້າງທະນົງໃຈຂອງຊາດ, ເຊິ່ງແມ່ນສະຖານທີ່ກອງທັບລາດຊະວົງ ລັດເຊຍ ໄດ້ຕໍ່ສູ້ຕ້ານບັນດາກຳລັງ ອັງກິດ, ຝຣັ່ງ ແລະ ຕວກກີ ໃນສະຕະວັດທີ 19. ດັ່ງນັ້ນ, ປະຊາຊົນ ລັດເຊຍ ບໍ່ຮຽກຮ້ອງການນຳປ່ຽນແປງທັດສະນະສຳລັບສະພາບການ ຢູແກຼນ ແລະ ສືບຕໍ່ຕັ້ງຄວາມໄວ້ເນື້ອເຊື່ອໃຈຕໍ່ການນຳຂອງປະເທດຊາດ.
ຍັງມີສິ່ງທ້າທາຍຫຼາຍຢ່າງ
ແຕ່ບໍ່ສາມາດປະຕິເສດໄດ້ວ່າ: ຍ້ອນບັນດາຄວາມຫຍຸ້ງຍາກດ້ານເສດຖະກິດເອງໄດ້ເຮັດໃຫ້ໝາກຜົນຂອງການເລືອກຕັ້ງຄັ້ງນີ້ບໍ່ສູງປານໃດເມື່ອທຽບໃສ່ຈຳນວນບັດສະໜັບສະໜູນຂາດຂັ້ນໃນການເລືອກຕັ້ງເມື່ອປີ 2007. ຄຽງຄູ່ກັນນັ້ນ, ອັດຕາຜູ້ສະໜັບສະໜູນພັກກຳອຳນາດຢູ່ ລັດເຊຍ ໃນໄລຍະຜ່ານມາໄດ້ຫລຸດລົງໜ້ອຍໜຶ່ງ. ເຖິງວ່າ, ພັກປະເທດ ລັດເຊຍ ເອກະພາບເຖິງວ່ານຳໜ້າແຕ່ບັນລຸຈຳນວນບັດສະໜັບສະໜູນພຽງ 41,1% ເທົ່ານັ້ນ. ອາດເວົ້າໄດ້ວ່າ,
ປະເທດ ລັດເຊຍພວມກ້າວເຂົ້າສູ່ປີທີ 3 ຂອງການຊຸດໂຊມເສດຖະກິດທີ່ແກ່ຍາວ, ອັນໄດ້ເຮັດໃຫ້ຜູ້ມີສິດເລືອກຕັ້ງມີຄວາມຈົ່ງຈຽມກວ່າ. ຄວາມຈິງສະແດງໃຫ້ເຫັນວ່າ, ປີ 2015, ຍອດຜະລິດຕະພັນພາຍໃນ (GDP) ຂອງ ລັດເຊຍ ໄດ້ຫຼຸດລົງ 3,7% ແລະ ຄາດຄະເນວ່າມັນຈະສືບຕໍ່ຫຼຸດລົງອີກ 1,9% ໃນປີນີ້. ສາຍເຫດຕົ້ນຕໍແມ່ນຍ້ອນລາຄານຳ້ມັນ ແລະ ອາຍແກັສຖືກຫຼຸດລົງຢ່າງແຮງ. ໃນຂະນະນັ້ນ, ບັນດາຄຳສັ່ງລົງໂທດຂອງຝ່າຍຕາເວັນຕົກຍັງຄົງກະທົບຢ່າງແຮງເຖິງພື້ນຖານເສດຖະກິດ ລັດເຊຍ. ຕາມການສະຖິຕິ ແລ້ວ, ໃນໄລຍະ 2014 – 2017, ລັດເຊຍ ໄດ້ຂາດງົບປະມານ 600 ຕື້ USD ຍ້ອນບັນດາສາຍເຫດດັ່ງກ່າວ. ທະນາຄານໂລກກໍ່ໃຫ້ຮູ້ວ່າ, ລັດເຊຍພວມກ້າວເຂົ້າສູ່ໄລຍະ “ກົດໜ່ວງ“. ສະກຸນເງິນຣູບຖືກຕົກລາຄາແຮງ, ບັນດາມາດຕະການຂວຳ້ບາດຂອງຝ່າຍຕາເວັນຕົກພວມກີດຂວາງທະນາຄານຂອງ ລັດເຊຍ ສຳຜັດກັບຕະຫຼາດການເງິນຕ່າງປະເທດ.
ຄຽງຂ້າງນັ້ນ, ຍັງມີການທ້າທາຍໜຶ່ງອີກ, ນັ້ນແມ່ນສິ່ງທີ່ຂ້ອງຄາໃນການພົວພັນກັບ ຢູແກຼນ ແລະ ອາເມລິກາ ພາຍຫຼັງການເລືອກຕັ້ງຢູ່ ລັດເຊຍ. ຕ້ອງເຕື້ອງເຖິງສິ່ງທີ່ໜ້າສົນໃຈນັ້ນແມ່ນການເລືອກຕັ້ງທີ່ມີການເຂົ້າຮ່ວມຂອງຊາວ Crimea, ພາຍຫຼັງທີ່ແຫຼມນີ້ຖືກໂອນເຂົ້າ ລັດເຊຍ ກ່ອນນີ້ 2 ປີ. ອາເມລິກາ ແລະ ຢູແກຼນ ລ້ວນແຕ່ອອກສຽງຄັດຄ້ານ ແລະ ຢືນຢັນບໍ່ຮັບຮອງລັກສະນະຖືກຕ້ອງຕາມກົດໝາຍຂອງການເລືອກຕັ້ງຢູ່ Crimea. ແນ່ນອນວ່າ, ເລື່ອງ ລັດເຊຍ ນຳໃຊ້ໝາກຜົນຢ່າງຖືກຕ້ອງຕາມກົດໝາຍດັ່ງກ່າວ, ແຫຼມ Crimea ຈະແມ່ນປັດໃຈກະຕຸກຊຸກຍູ້ບັນດາຄວາມຂັດແຍ່ງກັນທີ່ເຄີຍມີມາກັບ ອາເມລິກາ ແລະ ຢູແກຼນ. ເປັນທີ່ຈະແຈ້ງແລ້ວວ່າ, ຄວາມຂັດແຍ່ງກັນລະຫວ່າງສອງປະເທດເພີ່ມຂຶ້ນ ຈະເຮັດໃຫ້ວິວັດການແກ້ໄຂບັນຫາ ຢູແກຼນ ກໍ່ຄືບັນດາສຳເນົາທີ່ເຄັ່ງຮ້ອນທີ່ມີການເຂົ້າຮ່ວມຂອງທັງ ລັດເຊຍ ແລະ ອາເມລິກາ ຊັກຊ້າໄວ້ສ່ວນໃດສ່ວນໜຶ່ງ.
ບັນດາຄວາມຫຍຸ້ງຍາກໃນການພົວພັນພາຍໃນ ແລະ ຕ່າງປະເທດ ລ້ວນແຕ່ແມ່ນບັນດາການທ້າທາຍໃຫຍ່ສຳລັບປະເທດ ລັດເຊຍ. ນີ້ແມ່ນບັນດາຄວາມຫຍຸ້ງຍາກເຊິ່ງພັກກຳອຳນາດປະເທດ ລັດເຊຍ ເອກະພາບ ແລະ ປະທານາທິບໍດີ Putin ຈະຕ້ອງຜ່ານຜ່າໃນໄລຍະຈະມາເຖິງ. ເຮັດແນວໃດເພື່ອຊີ້ນຳນຳພາປະເທດ ລັດເຊຍໃຫ້ພົ້ນອອກຈາກຄວາມຫຍຸ້ງຍາກທາງດ້ານເສດຖະກິດ ເພື່ອກັບຄືນສູ່ສະພາບມີສະຖຽນລະພາບ, ນັ້ນແມ່ນບັນດາບັດທີ່ສະໜັບສະໜູນໃຫ້ແກ່ພັກ ລັດເຊຍ ເອກະພາບໃນປະຈຸບັນ. ຍ້ອນເຫດນັ້ນ, ເລື່ອງພັກກຳອຳນາດ ລັດເຊຍ ຍາດໄດ້ໄຊຊະນະຄັ້ງນີ້ ບໍ່ທັນແມ່ນໝາກຜົນສຸດທ້າຍ, ຫາກເປັນການເປີດຊ່ອງທາງທ້າທາຍໃໝ່ໃຫ້ອຳນາດການປົກຄອງຂອງປະທານາທິບໍດີ Putin.