(vovword)- ພາຍຫລັງການເລືອກຕັ້ງຂອງຝ່າຍຄ້ານແຍກຕົວຢູ່ພາກຕາເວັນອອກ, ສະພາບການ ຢູແກຼນ ມີຜັນແປຫລາຍຢ່າງທີ່ອັນຕະລາຍ, ຍາກທີ່ຄາດຄະເນໄດ້. ບັນດາການກະທຳຈາກອຳນາດການປົກຄອງ ກີແອບຄື: ປະກາດຄຳສັ່ງຈັດສົ່ງກຳລັງທະຫານເຖິງພາກຕາເວັນອອກ, ຍົກເລີກຂໍ້ກຳນົດພິເສດ, ຢຸດຕິການເບີກຈ່າຍງົບປະມານໃຫ້ແກ່ບັນດາເຂດທວງເອົາເອກະລາດ.. ພວມຍູ້ປະເທດນີ້ອາດຈະຕົກເຂົ້າສູ່ສະພາບເສິກກາງເມືອງ.
ປະທານາທິບໍດີ Petro Poroshenko ມີຄວາມເປັນຫ່ວງກັງວົນພາຍຫຼັງການເລືອກຕັ້ງ
(ພາບ: Bloomber)
|
ພາຍຫລັງການລັດຖະປະຫານເມື່ອເດືອນ 2 ຢູ່ ຢູແກຼນ, ລັດຂະຫນານນາມເອງ Donetsk ແລະ Lugansk ໄດ້ຮັບການສ້າງຕັ້ງຂຶ້ນ, ແມ່ນການກະທຳພາໄປເຖິງການປີນຂັ້ນໄດຂອງວິກິດການຢູແກຼນ. ຫລັງຈາກນັ້ນ 2 ເດືອນ, ອຳນາດການປົກຄອງ ໄດ້ປຸກລະດົມບັ້ນຮົບການທະຫານຕ້ານຄືນບັນດາຜູ້ສະຫນັບສະຫນູນເອກະລາດຂອງເຂດນີ້. ມີກົດໝາຍພິເສດສະບັບຫນຶ່ງໃຫ້ແກ່ເຂດ Donbass ລວມມີ: Donetsk ແລະ Lugansk ໄດ້ຮັບການຮັບຮອງເອົາຈາກສະພາແຫ່ງຊາດ ຢູແກຼນ ເມື່ອວັນທີ 16/9, ພາຍຫລັງສັນຍາຢຸດຍິງ ເມື່ອວັນທີ 5/9 ລະຫວ່າງ Kiev ແລະ ບັນດາຜູ້ສະຫນັບສະຫນູນເອກະລາດຢູ່ພາກຕາເວັນອອກ ຢູແກນ. ຕາມນັ້ນແລ້ວ ເຂດ Donbass ໄດ້ຮັບປະກັນສິດນຳໃຊ້ພາສາ ລັດເຊຍ ຫລືບໍ່ວ່າພາສາໃດ ແລະ ຄາດວ່າ ຈະດຳເນີນການເລືອກຕັ້ງທ້ອງຖິ່ນໃນວັນທີ 7/12. ກົດໝາຍສະບັບນີ້ ກໍກຳນົດວ່າ ບັນດາການເລືອກຕັ້ງທ້ອງຖິ່ນປະຕິບັດຖືກຕ້ອງຕາມກົດໝາຍ ຢູແກຼນ ຈະດຳເນີນໄປຢູ່ບັນດາເຂດນີ້ໃນເດືອນ 12. ເຖິງຢ່າງໃດກໍຕາມ, ບັນດາປະເທດຂະຫນານນາມເອງ ໄດ້ຈັດຕັ້ງການເລືອກຕັ້ງຄັ້ງຕ່າງໆເພື່ອເລືອກຕັ້ງການນຳ ແລະ ສະພາແຫ່ງຊາດໃຫ້ສະເພາະຕົນເອງໃນວັນທີ 2/11.
ອຳນາດການປົກຄອງ ຢູແກຼນ ໄດ້ກ່າວປະນາມບັນດາການເລືອກຕັ້ງດັ່ງກ່າວ ແລະ ຖືວ່າແມ່ນຜິດກົດໝາຍ. ອາເມລິກາ, ອີຢູ ແລະ ນາໂຕ ກໍຖະແຫລງ ບໍ່ຍອມຮັບໝາກຜົນການເລືອກຕັ້ງຂອງກຳລັງທວງເອົາເອກະລາດຢູ່ພາກຕາເວັນອອກ ຢູແກຼນ.
ກ່າວຫາ, ຖີ້ມໂທດໃສ່ກັນ
ພາຍຫລັງໝາກຜົນການເລືອກຕັ້ງເມື່ອວັນທີ 2/11, ປະທານາທິບໍດີ Petro Poroshenko ໄດ້ກ່າວຫາກຳລັງທວງເອົາແຍກຕົວເປັນເອກະລາດຢູ່ພາກຕາເວັນອອກ ໄດ້ລະເມີດສັນຍາຢຸດຍິງ ພ້ອມທັງເຊັນລັດຖະດຳລັດ ຍົກເລີດກົດໝາຍກ່ຽວກັບການມອບຂໍ້ກຳນົດພິເສດໃຫ້ແກ່ບັນດາເຂດພາກຕາເວັນອອກ. ໃນການກະທຳຫນຶ່ງໄດ້ຮັບຖືວ່າ: “ຖອກນ້ຳມັນໃສ່ແປວໄຟ”, ປະທານາທິບໍດີ Petro Poroshenko ອອກຄຳສັ່ງໃຫ້ແກ່ບັນດາຜູ້ບັນຊາການທະຫານ ຈັດສົ່ງກຳລັງທະຫານຕື່ມອີກເພື່ອປົກປັກຮັກສາບັນດາຕົວເມືອງຢູ່ພາກຕາເວັນອອກ ກ່ອນທີ່ການບຸກໂຈມຕີຂອງກຳລັງແຍກຕົວອອກຖືກດຳເນີນ. ກ່ອນຫນ້ານັ້ນ ອຳນາດການປົກຄອງ ກີແອບ ກໍຖະແຫລງຊົ່ວຄາວວ່າ ຢຸດຕິການເບີກຈ່າຍງົບປະມານໃຫ້ແກ່ບັນດາເຂດທວງເອົາເອກະລາດ ຢູ່ສອງແຂວງ Donetsk ແລະ Lugansk. ປະຈຸບັນ ບັນດາເຂດນີ້ໂດຍແມ່ນກຳລັງທວງເອົາເອກະລາດຄວບຄຸມ ພວມຕ້ອງການງົບປະມານຈາກສູນກາງ.
ໃນຂະນະນັ້ນ. ການນຳກຳລັງແຍກຕົວກໍໄດ້ກ່າວຫາອຳນາດການປົກຄອງກີແອບ ທີ່ໄດ້ລວງລະເມີດຢ່າງເປີດແປນຕໍ່ສັນຍາສັນຕິພາບເມືອ່ໂຈະການນຳໃຊ້ “ກົດໝາຍສະພາວະພິເສດ” ໃຫ້ແກ່ພາກຕາເວັນຕົກ. ການນຳກຳລັງແຍກຕົວຖືວ່າ ການຮັບຮອງເອົາບັນດາຮ່າງກົດໝາຍໄດ້ເປັນເອກະພາບໃນຈຸດເວລາກ່ອນນັ້ນ ແມ່ນພັນທະຂອງກີແອບ. ເພາະສະນັ້ນ, ການກະທຳຂອງກີແອບນີ້ ກໍມີຄວາມໝາຍເຊັ່ນດຽວກັນກັບສັນຍາ Minsk ຊຶ່ງໄດ້ຖືກຍົດເລີກ. ກ່ອນໜ້ານັ້ນ, ອຳນາດການປົກຄອງ Donetsk ແລະ Lugansk ກໍຖືວ່າ ປະທານາທິບໍດີ Poroshenko ໂດ້ຖອນບາງຂໍ້ມາດຕາຂອງສັນຍາ, ພ້ອມທັບຢືນຢັນວ່າ ຈະບໍ່ກະທຳຕາມເຈດຈຳນົງຂອງອຳນາດການປົກຄອງສູນກາງ.
ໄພອັນຕະລາຍຕົກເຂົ້າສູ່ວິກິດການຢ່າງຮ້າຍແຮງກວ່າ.
ເປັນທີ່ຈະແຈ້ງວ່າ ເລື່ອງເດັດດຽວເດີນຕາມຄວາມມັກໃຫຍ່ໃຝ່ສູງແຍກຕົວເປັນເອກະລາດໂດຍບໍ່ຫົວຊາຕໍ່ການຄັດຄ້ານຂອງ 2 ລັດໂດຍຂະໜານນາມເອງຢູ່ພາກຕາເວັນອອກປະເທດນີ້ ພວມເຮັດໃຫ້ສະພາບການຢູແກຼນ ຕົກເຂົ້າສູ່ວິກິດການຢ່າງຮ້າຍແຮງກວ່າ. ບໍ່ພຽງແຕ່ເຊັ່ນນັ້ນ, ຄວາມບໍ່ລົງລອຍກັນກ່ຽວກັບທັດສະນະໃນການແກ້ໄຂວິກິດການຂອງບັນດາພັກການເມືອງທີ່ຍາດໄດ້ໄຊຊະນະໃນການເລືອກຕັ້ງສະພາແຫ່ງຊາດ ຢູແກຼນເມື່ອວັນທີ 26/10 ກໍພວມແມ່ນຮົ້ວກີດຂວາງທີ່ໃຫຍ່ຫຼວງຕໍ່ການສ້າງສ້າງພື້ນຖານສັນຕິພາບໃຫ້ແກ່ພາກຕາເວັນອອກ ຢູແກຼນ.
ພ້ອມກັນນັ້ນ, ເລື່ອງລັດເຊຍສະໜັບສະໜູນ ແລະ ຮັບຮູ້ການເລື່ອກຕັ້ງຂອງກຳລັງແຍກຕົວຢູ່ພາກຕາເວັນອອກ ຢູແກຼນໄດ້ເປັນການເພີ່ມຄວາມບໍ່ລົງລອຍກັນທີ່ຍັງຄົງຄ້າງບໍ່ພຽງແຕ່ລະຫວ່າງ ກີແອບ ແລະ ມົດສະກູໃນໄລຍະທີ່ຜ່ານມາເທົ່ານັ້ນ, ຫາກຍັງເຮັດໃຫ້ການຕໍ່ສູ້ດ້ານການທູດລະຫວ່າງລັດເຊຍ ແລະ ຝ່າຍຕາເວັນຕົກນັບມື້ນັບຮ້າຍແຮງກວ່າເກົ່າ.
ໄລະຍະປີໜຶ່ງ ນັບແຕ່ວິກິດການຢູແກຼນເກີດຂຶ້ນ ພາໄປເຖິງການລາອອກຈາກຕຳແໜ່ງຂອງປະທານາທິບໍດີ Viktor Yanukovych, ປະຊາຊົນຂອງປະເທດນີ້ ຫວັງຢາກເປີດໜ້າປະຫວັດສາດໃໝ່ເພື່ອຫຍັບມໍ່ເຂົ້າກັບເອີລົບກ່ວາເກົ່າ. ແຕ່ມາຮອດປະຈຸບັນ, ວິກິດການຢູແກຼນ ນັບມື້ນັບຕົກເຂົ້າສູ່ສະພາບບໍ່ມີທາງອອກ. ພື້ນຖານເສດຖະກິດທີ່ຊຸດໂຊມ, ການປະທະກັນດ້ວຍອາວຸດ ໄດ້ເຮັດໃຫ້ປະຊາຊົນພາກຕາເວັນອອກ ຢູແກຼນຕົກເຂົ້າສູ່ສະພາບຫຍຸ້ງຍາກລຳບາກທີ່ສຸດ ຍ້ອນບໍ່ມີວຽກເຮັດງານທຳ, ບໍ່ມີເບ້ຍບຳນານຫຼືເຄືຶ່ອງຂອງທີ່ຈຳເປັນອື່ນໆ. ແຕ່ສຳລັບບັນດາການຜັນແປໃນປະຈຸບັນ, ການຊອກຫາວິທີການແກ້ໄຂເພື່ອນຳປະເທດນີ້ຫຼຸດພົ້ນອອກຈາກວິກິດການນັ້ນ, ຍັງຄົງແມ່ນໜ້າທີ່ບໍ່ສາມາດປະຕິບັດໄດ້.