(vovworld) - ໃນຈຳນວນສະມາຊິກສະພາແຫ່ງຊາດຊຸດທີ 14 494 ທ່ານນັ້ນ, ມີ 317 ທ່ານເປັນຄັ້ງທຳອິດທີ່ໄດ້ເຂົ້າຮ່ວມກອງປະຊຸມຂອງສະພາແຫ່ງຊາດ. ເຂົາເຈົ້າລ້ວນແຕ່ສະແດງຄວາມເອກອ້າງທະນົງໃຈເມື່ອໄດ້ຮັບຄວາມໄວ້ວາງໃຈຈາກຜູ້ມີສິດເລືອກຕັ້ງ ແລະ ຖືນີ້ແມ່ນໜ້າທີ່ຄວາມຮັບຜິດຊອບອັນໃຫຍ່ຫຼວງສຳລັບຕົນເອງ ເມື່ອຜູ້ມີສິດເລືອກຕັ້ງໄດ້ຝາກຝັງແນວຄິດຈິດໃຈຄວາມມຸ່ງຫວັງເຖິງກອງປະຊຸມຂອງສະພາແຫ່ງຊາດ.
ທ່ານ ຮ່ວາງວັນເກື່ອງ, ສສຊ ນະຄອນ ຮ່າໂນ້ຍ
ການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ 14 ແລະ ສະມາຊິກສະພາປະຊາຊົນທຸກຂັ້ນອາຍຸການ 2016 – 2021 ໃນວັນທີ 22/5/2016 ໄດ້ເລືອກຕັ້ງສະມາຊິກສະພາແຫ່ງຊາດ 494 ທ່ານ. ສສຊ ຊຸດທີ 13 ໄດ້ຮັບການເລືອກຕັ້ງຄືນໃໝ່ໃນຊຸດທີ 14 ແມ່ນ 160 ທ່ານ, ສສຊ ເຂົ້າຮ່ວມກອງປະຊຸມຂອງສະພາແຫ່ງຊາດເປັນຄັ້ງທຳອິດແມ່ນ 317 ທ່ານ, ນອກຈາກນັ້ນຍັງມີ ສສຊ ເຄີຍເປັນ ສສຊ ບັນດາຊຸດກ່ອນ.
ເປັນກຽດ ແລະ ເອກອ້າງທະນົງໃຈ
ສຳລັບບັນດາ ສສຊ ຄົນໃໝ່ແລ້ວ, ການເຂົ້າຮ່ວມກອງປະຊຸມຂອງສະພາແຫ່ງຊາດແມ່ນຄວາມເປັນກຽດອັນໃຫຍ່ຫຼວງ. ທ່ານນາງ ຟ້າມທິມິງຮ່ຽນ, ສສຊ ແຂວງ ຟູ໋ອຽນ, ໄດ້ແບ່ງປັນຄວາມຮູ້ສຶກເອກອ້າງທະນົງໃຈເມື່ອໄດ້ຮັບຄວາມໄວ້ວາງໃຈຈາກຜູ້ມີສິດເລືອກຕັ້ງເລືອກຕັ້ງເປັນ ສສຊ. ຕາມທ່ານນາງແລ້ວ, ໝາກຜົນຂອງການເລືອກຕັ້ງໄດ້ສະແດງໃຫ້ເຫັນຄວາມມຸ່ງຫວັງຂອງຜູ້ມີສິດເລືອກຕັ້ງກ່ຽວກັບບັນດາການປະກອບສ່ວນຂອງທ່ານນາງໃຫ້ແກ່ທ້ອງຖິ່ນໃນໄລຍະຈະມາເຖິງ. ໃນຂະນະນັ້ນ, ທ່ານນາງ ຈ້ຽວທິຮ່ວຽນ, ສສຊ ແຂວງ ອຽນບ໋າຍ, ເຊິ່ງແມ່ນໜຶ່ງໃນຈຳນວນຜູ້ໄດ້ຮັບການເລືອກຕັ້ງເປັນ ສສຊ ມີອາຍຸນ້ອຍທ່ີສຸດ. ທ່ານນາງແບ່ງປັນຄວາມເປັນກຽດເມື່ອໄດ້ກາຍເປັນ ສສຊ, ໄດ້ຮັບຄວາມໄວ້ວາງໃຈເລືອກຕັ້ງຈາກປະຊາຊົນດ້ວຍອັດຕາສູງ 86,52% ແຕ່ພ້ອມກັນນັ້ນແມ່ນຄວາມຮັບຜິດຊອບອັນໜັກໜ່ວງ, ຍ້ອນນັບແຕ່ນີ້ຮອດໝົດອາຍຸການ 5 ປີຂອງສະພາແຫ່ງຊາດຊຸດທີ 14, ທ່ານນາງ ພ້ອມກັບບັນດາ ສສຊ ຄົນອື່ນໆຈະເປັນຕົວແທນໃຫ້ແກ່ປະຊາຊົນຢູ່ບັນດາອົງການມີສິດອຳນາດສູງສຸດຂອງປະເທດຊາດ. ທ່ານ ຮ່ວາງວັນເກື່ອງ, ສສຊ ນະຄອນ ຮ່າໂນ້ຍ, ຮັບຮູ້ໄດ້ຄວາມຮັບຜິດຊອບອັນໃຫຍ່ຫຼວງເພື່ອສົມກັບຄວາມເຊື່ອໝັ້ນ, ຄວາມມຸ້ງຫວັງຂອງຜູ້ມີສິດເລືອກຕັ້ງເຊິ່ງໄດ້ຝາກຝັງໃນບັດເລືອກຕັ້ງແຕ່ລະບັດ:
“ເມື່ອໄດ້ຮັບການເລືອກຕັ້ງເປັນ ສສຊ ແມ່ນຄວາມເບີກບານມ່ວນຊື່ນອັນໃຫຍ່ຫຼວງ ຍ້ອນນັ້ນແມ່ນຄວາມເຊື່ອໝັ້ນ, ຄວາມໄວ້ເນື້ອເຊື່ອໃຈຂອງຜູ້ມີສິດເລືອກຕັ້ງ. ເມື່ອເຂົ້າຮ່ວມກອງປະຊຸມຂອງສະພາແຫ່ງຊາດ ຂ້າພະເຈົ້າຍິ່ງເຫັນໄດ້ຄວາມຮັບຜິດຊອບ, ໜ້າທີ່ອັນສຳຄັນຂອງຕົນຕໍ່ບັນດາສິ່ງທີ່ຜູ້ມີສິດເລືອກຕັ້ງມີເຊື່ອໝັ້ນ ແລະ ຝາກຝັງໃຫ້. ຂ້າພະເຈົ້າ ກໍ່ຄືບັນດາ ສສຊ ຄົນອື່ນໆ ລ້ວນແຕ່ເຫັນວ່າຕົນເອງຕ້ອງປະຕິບັດໜ້າທີ່ດ້ວຍຄວາມຕັດສິນໃຈສູງສຸດ, ດ້ວຍພຸມປັນຍາ, ຄວາມສຸດຈິດສຸດໃຈເພື່ອປະກອບເຂົ້າໃນບັນດາລັດຖະນະໂຍບາຍມີຜົນປະໂຫຍດທີ່ສຸດໃຫ້ແກ່ປະຊາຊົນ.”
ທ່ານນາງ ຟ້າມມິງຮ່ຽນ, ສສຊ ແຂວງ ຟູ໋ອຽນ
ຄວາມຮັບຜິດຊອບອັນໃຫຍ່ຫຼວງນັບແຕ່ວາລະປະຊຸມຄັ້ງທຳອິດ
ທີ່ວາລະປະຊຸມນີ້, ສະພາແຫ່ງຊາດໄດ້ສະຫງວນເວລາ 6 ວັນເພື່ອພິຈາລະນາ, ຕັດສິນກ່ຽວກັບວຽກງານການຈັດຕັ້ງ, ບຸກຄະລາກອນຂັ້ນສູງຂອງ ສະພາແຫ່ງຊາດ, ລັດ, ລັດຖະບານຕາມຂໍ້ກຳນົດຂອງລັດຖະທຳມະນູນ ແລະ ກົດໝາຍ. ສະພາແຫ່ງຊາດຮັບຟັງ ແລະ ປຶກສາຫາລືສະພາບແຫ່ງການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານຂອງລັດໃນ 6 ເດືອນຕົ້ນປີ 2016, ບັນດາມາດຕະການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານຂອງລັດໃນ 6 ເດືອນທ້າຍປີ 2016. ສະພາແຫ່ງຊາດກໍ່ຈະພິຈາລະນາ, ຮັບຮອງເອົາໂຄງການສ້າງກົດໝາຍ, ລັດຖະບັນຍັດ ປີ 2017 ແລະ ປັບປຸງໂຄງການສ້າງກົດໝາຍ, ລັດຖະບັນຍັດປີ 2016, ໂຄງການເຄື່ອນໄຫວຕິດຕາມກວດກາຂອງສະພາແຫ່ງຊາດປີ 2017. ນີ້ແມ່ນບັນດາເນື້ອໃນສຳຄັນທີ່ສຸດ.
ເພື່ອປະຕິບັດບົດບາດ, ໜ້າທີ່ຮັບຜິດຊອບຂອງ ສສຊ, ທ່ານ ເຈີ່ນວັນຣ໋ອນ, ສສຊ ແຂວງຫວີງລອງ, ໃຫ້ຮູ້ວ່າ ໄດ້ຄົ້ນຄ້ວາໂຄງການເຮັດວຽກຂອງ ສະພາແຫ່ງຊາດຢ່າງລະອຽດ, ກຳແໜ້ນສະພາບການຕົວຈິງຢູ່ທ້ອງຖິ່ນເພື່ອນຳສຽງເວົ້າ, ຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງຢູ່ເຂດທົ່ງພຽງແມ່ນ້ຳຂອງ ເຖິງເວທີປາໄສສະພາແຫ່ງຊາດ:
“ຂ້າພະເຈົ້າກໍ່ໄດ້ກຳນົດແຕ່ຫົວທີວ່າເມື່ອມີໂຄງການດຳເນີນການພົບປະກັບຜູ້ມີສິດເລືອກຕັ້ງ, ຕ້ອງມີການກະກຽມຄືແນວນັ້ນເພື່ອມີຄວາມຮັບຜິດຊອບ ແລະ ຄວາມຕັດສິນໃຈຕໍ່ບັນດາບັນຫາທີ່ຕົນວາງອອກ. ຂ້າພະເຈົ້າເອງຕັດສິນໃຈປະຕິບັດໜ້າທີ່ເຊິ່ງສະພາແຫ່ງຊາດໄດ້ວາງອອກເປັນຢ່າງດີ. ຄະນະ ສສຊ ແຂວງ ຫວີງລອງ ແລະ ຂ້າພະເຈົ້າເອງມີຄວາມສົນໃຈເຖິງຫຼາຍບັນຫາ. ສຳລັບບັນຫາສ້າງກົດໝາຍຕ້ອງເອົາໃຈໃສ່ເປັນພິເສດ.”
ເມື່ອສະແດງທັດສະນະກ່ຽວກັບໜຶ່ງໃນບັນດາໜ້າທີ່ຈຸດສຸມຂອງກອງປະຊຸມສະໄໝສາມັນຄັ້ງນີ້ແມ່ນວຽກງານບຸກຄະລາກອນ, ທ່ານນາງ ຟ້າມມິງຮ່ຽນ, ສສຊ ແຂວງ ຟູ໋ອຽນ, ໃຫ້ຮູ້ວ່າ:
“ຂ້າພະເຈົ້າຕາງໜ້າໃຫ້ປະຊະຊົນເພື່ອເລືອກຕັ້ງ, ກ່ອນອື່ນໝົດຕ້ອງມີຕັ້ງຄວາມເຊື່ອໝັ້ນວ່າບັນດາຜູ້ທີ່ໄດ້ຮັບຄວາມໄວ້ວາງໃຈເລືອກຕັ້ງໃນຄັ້ງນີ້ຈະມີບັນດາການມຕັດສິນ, ມີການຊີ້ນຳນຳພາຢ່າງສະຫຼາດສ່ອງໄສ, ຖືຕົນເອງເປັນປະຊາຊົນ, ເຂົ້າໃຈປະຊາຊົນ ແລະ ຕອບສະໜອງຄວາມມຸ່ງຫວັງຂອງປະຊາຊົນ, ພິເສດແມ່ນວຽກງານພັດທະນາເສດຖະກິດສັງຄົມ.”
ທ່ານ ຈ້ຽວເທ໋ຮູ່ງ, ສສຊ ແຂວງ ເລີ່ມດົ່ງ, ໃຫ້ຮູ້ວ່າ:
“ການເຄື່ອນໄຫວຂອງສະພາແຫ່ງຊາດຊຸດທີ 13 ໄດ້ນຳມາໃຫ້ຜົນສຳເລັດຫຼາຍຢ່າງ. ສຳລັບ ສສຊ ຊຸດທີ 14, ນີ້ແມ່ນສິ່ງທ້າທາຍ ແລະ ພວກຂ້າພະເຈົ້າຈະສືບທອດ, ຮັບເອົາທຸກໆວຽກງານທີ່ຍັງເຫຼືອຂອງຊຸດທີ 13, ເພື່ອເຮັດແນວໃດບັນລຸໝາກຜົນດີທີ່ສຸດ.”
ໃນບົດກ່າວປາໄສໄຂກອງປະຊຸມຄັ້ງປະຖົມມະເລີກສະພາແຫ່ງຊາດຊຸດທີ 14, ວັນທີ 20/7, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຢັ້ງຢຶນວ່າ: ບັນດາ ສສຊ ຫາກໍ່ໄດ້ຮັບການເລືອກຕັ້ງຈະແມ່ນແຫຼ່ງກຳລັງແຮງ ແລະ ກຳລັງໜູນອັນໃຫຍ່ຫຼວງເພື່ອໃຫ້ສະພາແຫ່ງຊາດຊຸດທີ 14 ສູ້ຊົນປະຕິບັດສຳເລັດບັນດາໜ້າທີ່ທີ່ປະຊາຊົນໄດ້ມອບໝາຍໃຫ້.
ຜູ້ມີສິດເລືອກຕັ້ງຫວັງວ່າດ້ວຍລະດັບຄວາມຮູ້, ກຳລັງຄວາມສາມາດປະຕິບັດງານ, ຄວາມສະໜິດຕິດພັນຢ່າງໃກ້ຊິດກັບປະຊາຊົນ, ບັນດາ ສສຊ ເວົ້າລວມ ແລະ ສສຊ ຄົນໃໝ່ເວົ້າສະເພາະຈະປະຕິບັດສິດອຳນາດ, ຄວາມຮັບຜິດຊອບຂອງ ສສຊ ຢ່າງມີປະສິດທິຜົນ, ສົມກັບນາມມະຍົດເປັນຜູ້ແທນຂອງ ປະຊາຊົນ.