ສິ່ງທີ່ກີດຂວາງຢ່າງໃຫຍ່ຫຼວງສຳລັບສັນຍານິວເຄຼຍທີ່ໄດ້ຮັບການລົງນາມລະຫວ່າງອີຣານກັບກຸ່ມ P5+1 , ສຸດທ້າຍກໍຖືກຍົກເລີກເມື່ອບໍ່ດົນມານີ້. ປະທານາທິບໍດີອາເມລິກາ Barak Obama ໄດ້ຮັບການສະໜັບສະໜູນໂດຍຈຳເປັນຈາກບັນດາສະມາຊິກສະພາແຫ່ງຊາດສັງກັດພັກສາທາລະນະຝ່າຍຄ້ານ. ດ້ວຍໄຊຊະນະນີ້, ປະທານາທິບໍດີອາເມລິກາ Barak Obama ໄດ້ສ້າງຂີດໝາຍຕື່ມອີກກ່ຽວກັບຜົນສຳເລັດໃນອາຍຸການທີ 2 ຂອງຕົນ, ໃນເບື້ອງຕົ້ນ ໄດ້ສ້າງພື້ນຖານໃຫ້ແກ່ຜູ້ສືບທອດຕຳແໜ່ງ ປະທານາທິບໍດີອາເມລິກາ ດ້ວຍບັນດານະໂຍບາຍໄລຍະຍາວ.
ປະທານາທິບໍດີອາເມລິກາ Barak Obama |
ບໍ່ຮອດ 16 ເດືອນອີກ, ປະທານາທິບໍດີອາເມລິກາ Barak Obama ຈະອອກຈາກທຳນຽບຂາວຢ່າງເປັນທາງການ, ຊຶ່ງເປັນສິ້ນສຸດພາລະກຳ 8 ປີລວມ 2 ອາຍຸການເປັນປະທານາທິບໍດີທີ່ເຕັມໄປດ້ວຍຄວາມລຳບາກ ແລະ ທົດສອບຫຼາຍປະການ. ຂີດໝາຍແຫ່ງຜົນສຳເລັດດີທີ່ສຸດຊຶ່ງ ປະທານາທິບໍດີອາເມລິກາ Barak Obama ບັນລຸມາໄດ້, ນັ້ນແມ່ນການຟື້ນຟູເສດຖະກິດ, ພ້ອມທັງຮັກສາທີ່ຕັ້ງບົດບາດເປັນການນຳຂອງປະເທດມະຫາອຳນາດອັນດັບໜຶ່ງໃນໂລກ.
ບັນດາຄະແນນບວກໃນອາຍຸການທີ 2
ນັບແຕ່ເລີ່ມເຂົ້າເຮັດວຽກໃນອາຍຸການທີ 2, ປະທານາທິບໍດີອາເມລິກາ Barak Obama ໄດ້ນຳແຜນການ ຟື້ນຟູເສດຖະກິດ ແລະ ປະຕິຮູບສັງຄົມເຂົ້າໃນທີ່ຕັ້ງສຳຄັນແຖວໜ້າ, ສຸມແຫຼ່ງກຳລັງຕົ້ນຕໍໃຫ້ແກ່ການແກ້ໄຂບັນດາບັນຫາຢູ່ພາຍໃນປະເທດ ແລະ ຫຼຸດຜ່ອນຄ່າໃຊ້ຈາຍດ້ານການປ້ອງກັນຊາດ. ໜຶ່ງໃນບັນດາຜົນງານໃຫຍ່ກວ່າໝູ່ໃນອາຍຸການທີ 2 ຂອງປະທານາທິບໍດີອາເມລິກາ Barak Obama, ນັ້ນແມ່ນການນຳພື້ນຖານເສດຖະກິດກັບຄືນສູ່ສະພາບພັດທະນາປົກກະຕິ. ຕາມການສະຖີຕິຄັ້ງຫຼ້າສຸດແລ້ວ, ການເຕີບໂຕດ້ານເສດຖະກິດຂອງອາເມລິກາບັນລຸ 3,7% ໃນໄຕມາດທີ 2, ອັດຕາການວ່າງງານຫຼຸດລົງເຫຼືອພຽງ 5,1% ໃນຂະນະທີ່ເງິນເຟີ້ຫຼຸດລົງຫຼາຍພໍສົມຄວນ. ໃນຂົງເຂດປະຕິຮູບສັງຄົມ, ກໍມີບັນດາການປ່ຽນແປງກ່ຽວກັບນະໂຍບາຍຄົນເຂົ້າເມືອງ, ສ້າງວຽກເຮັດງານທຳໃຫ້ຊາວໜຸ່ມ, ປະກັນສຸຂະພາບ. ໜຶ່ງໃນບັນດາການປະຕິຮູບຢ່າງເລິກເຊິ່ງກ້ວາງຂວາງທີ່ສຸດ, ແມ່ນຕ້ອງເວົ້າເຖິງກົດໝາຍວ່າດ້ວຍການເບິ່ງແຍງສຸຂະພາບ. ນີ້ໄດ້ຮັບຖືວ່າ ແມ່ນການປະຕິຮູບຄັ້ງໃຫຍ່ສຸດໃນລະບົບ ການເບິ່ງແຍງສຸຂະພາບຂອງອາເມລິການັບຕັ້ງແຕ່ປີ 1965 ເປັນຕົ້ນມາ, ອັນໄດ້ນຳໂອກາດທີ່ດີເພື່ອຊົມໃຊ້ການບໍລິການການແພດມາສູ່ປະຊາຊົນທີ່ຂຶ້ນກັບຊົນຊັ້ນມີລາຍຮັບຕ່ຳໃນສັງຄົມ.
ສຳລັບນະໂຍບາຍການຕ່າງປະເທດ, ໂດຍມີຄວາມແຕກຕ່າງກັບ ປະທານາທິບໍດີອາເມລິກາສະໄໝກ່ອນ ທີ່ເຄີຍມີຖະແຫຼງການທີ່ຫ້າວຫັນກ່ຽວກັບແຜນນະໂຍບາຍນຳໃຊ້ກຳລັງແຮງຂອງອາເມລິກາ ແນໃສ່ເຮັດໃຫ້ໂລກປ່ຽນແປງ, ໃນອາຍຸການທີ 2, ປະທານາທິບໍດີອາເມລິກາ Barak Obama ພັດຮັກສາທັດສະນະຂອງອາເມລິກາ ແມ່ນຕ້ອງຫັນທິດສູ່ພາຍໃນປະເທດ ແທນທີ່ສິ້ນເປືອງກຳລັງແຮງເພື່ອແກ້ໄຂບັນດາບັນຫາຂອງໂລກ. ເພາະສະນັ້ນ, ການຢຸດຕິສົງຄາມຢູ່ອີຣັກ, ອາບການິສຖານ ແມ່ນນອນໃນສິ່ງຮັບບຸລິມະສິດອັນດັບໜຶ່ງຂອງປະທານາທິບໍດີ Barak Obama . ໂດຍໄດ້ຍຶດໝັ້ນທັດສະນະ ແນວທາງການທູດຂອງອາເມລິກາ, ປະທານາທິບໍດີອາເມລິກາ Barak Obama ອີດເທື່ອໜຶ່ງໄດ້ປະສົບຜົນສຳເລັດໃນການບັນລຸສັນຍານິວເຄຼຍຄັ້ງປະຫວັດສາດກັບອີຣານ, ອັນໄດ້ໄຂໄລຍະຮ່ວມມືໃໝ່ກັບປະເທດຢູ່ຕາເວັນອອກກາງທີ່ຮັ່ງມີດ້ານຊັບພະຍາກອນນ້ຳມັນນີ້.
ເຫດຫານຫັນການພົວພັນກັບກູບາເປັນປົກກະຕິ ກໍໄດ້ຮັບຖືວ່າ ແມ່ນບາດກ້າວສືບຕໍ່ໄປໃຫ້ແກ່ບັນດາຜົນສຳເລັດຂອງ ປະທານາທິບໍດີອາເມລິກາ Barak Obama ກ່ຽວກັບແນວທາງການຕ່າງປະເທດ, ເພີ່ມຄວາມໃວ້ເນື້ອເຊື່ອໃຈໃນອາຍຸການທີ 2 ຂອງປະທານາທິບໍດີ Barak Obama.
ສ້າງບັນດາຂີດໝາຍເປັນຮູບປະທຳພາຍຫຼັງອອກຈາກທຳນຽບຂາວ
ພ້ອມກັນນັ້ນ, ທ່ານປະທານາທິບໍດີ B.Obamad ກໍໄດ້ສ້າງຂີດໝາຍ ດ້ວຍບັນດາຜົນງານດ້ານການຕ່າງປະເທດສຳຄັນອື່ນໆຄື: ບັນລຸໄດ້ສິດເຈລະຈາໄວຂອງສະພາແຫ່ງຊາດ ເພື່ອກ້າວໄປເຖິງການລົງນາມສັນຍາຄູ່ຮ່ວມມືເສດຖະກິດຂ້າມປາຊີຟິກ (TPP), ມານະພະຍາຍາມດຳເນີນບັ້ນຮົບຕ້ານກຳລັງລັດອິດສະລານ (IS) ອ້າງຊື່ເອງ ຫລື ປັບປຸງບັນດາສາຍພົວພັນກັບປະເທດພັນທະມິດຂອງ ອາເມລິກາ, ປັບປຸງສາຍພົວພັນກັບໂລກ ອິດສະລານ. ບໍ່ວ່າຜົນສຳເລັດຢ່າງໃດ ໃນຈຳນວນຜົນງານດັ່ງກ່າວແມ່ນນ້ອຍ. ໃນໄລຍະສຸດທ້າຍຂອງອາຍຸການປະທານາທິບໍດີ, ທ່ານ B.Obamad ໄດ້ປະຕິບັດບັນດາຄຳໝັ້ນສັນຍາຂອງຕົນ ເມື່ອຂຶ້ນກຳອຳນາດ ຍ້ອນມີນະໂຍບາຍຍືດໝັ້ນ: ພ້ອມແລ້ວຈະເຈລະຈາ, ນັບທັງກັບບັນດາກຳລັງມີຄວາມບໍ່ລົງລອຍກັນດ້ານທັດສະນະ ແລະ ເປັນປໍລະປັກກັບ ອາເມລິກາ.
ມາຮອດປະຈຸບັນ, ເຖິງວ່າຍັງມີຄວາມເຫັນບໍ່ລົງລອຍກັນຫລາຍຢ່າງ ກ່ຽວກັບບັນດາຜົນງານດ້ານນະໂຍບາຍຂອງປະທານາທິບໍດີ B.Obamad ກໍຕາມ, ແຕ່ບໍ່ມີໃຜອາດຈະປະຕິເສດວ່າ: ນະໂຍບາຍການຕ່າງປະເທດນີ້ ໄດ້ນຳມາເຊິ່ງຜົນປະໂຫຍດອັນໃຫຍ່ຫລວງໃຫ້ອຳນາດການປົກຄອງ ອາເມລິກາ. ທ່ານປະທານາທິບໍດີ B.Obamad ໄດ້ປະກອບສ່ວນຢ່າງບໍ່ໜ້ອຍເພື່ອຊ່ວຍອາເມລິກາ ຮັກສາທີ່ຕັ້ງບົດບາດເປັນການນຳຂອງໂລກ, ຮັກສາພາບພົດເປັນປະເທດມະຫາອຳນາດສຳຄັນ ແລະ ຮັ່ງມີທີ່ສຸດໃນໂລກ. ບັນດາຜົນງານນີ້ສ້າງບັນດາຂີດໝາຍເປັນຮູບປະທຳ ຊຶ່ງທ່ານ B.Obamad ປະໄວ້ພາຍຫລັງຂຶ້ນກຳອຳນາດໃນ 2 ອາຍຸການ.