(vovworld)- ວັນທີ 7/4, ໃນບົດປາໄສກ່າວທີ່ກອງປະຊຸມສະໄຫມສາມັນເທື່ອທີ 11 ສະພາແຫ່ງຊາດຊຸດທີ 13 ກໍຄືໃນການແລກປ່ຽນກັບນັກຂ່າວ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຢືນຢັນບາງຫນ້າທີ່ຈຸດສຸມບຸລິມະສິດໃນໄລຍະຈະມາເຖິງຂອງລັດຖະບານ. ນີ້ກໍແມ່ນບັນດາບັນຫາຊື່ງສະມາຊິກສະພາແຫ່ງຊາດຫລາຍທ່ານຍົກອອກ ເມື່ອເຕື້ອງເຖິງບັນດາສິ່ງທ້າທາຍຂອງອົງການອຳນາດບໍລິຫານ. ແກ້ໄຂບັນດາສິ່ງທ້າທາຍນີ້ແມ່ນມີຄວາມໝາຍສຳຄັນສຳລັບພື້ນຖານເສດຖະກິດ, ຊີວິດການເປັນຢູ່ຂອງປະຊາຊົນກໍຄືການພັດທະນາຂອງປະເທດຊາດໃນໄລຍະ 5 ປີຈະມາເຖິງ.
ບັນດາສະມາຊິກໃນລັດຖະບານ
|
ບາງບັນຫາຈຸດສຸມໃນການຊີ້ນຳບໍລິຫານ ຊື່ງທ່ານນາຍົກລັດຖະມົນຕີ ຫງວຽນຊວນຟຸກ ເຕື້ອງເຖິງ ນັ້ນແມ່ນຮັກສາເສດຖະກິດມະຫາພາກເປັນປົກກະຕິ, ຊຸກຍູ້ການເຕີບໂຕ, ສຸມໃສ່ປະຕິຮູບດ້ານບໍລິຫານ, ປະຕິບັດການປ້ອງກັນ ຕ້ານການສໍ້ລາດບັງຫລວງ, ການຟຸມເຟືອຍຢ່າງຂ້ຽວຂາດ, ເດັດດ່ຽວ, ຢືດໝັ້ນຕໍ່ສູ້ປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງຊາດຢ່າງໝັ້ນຄົງ, ສຸມໃສ່ເຮັດໃຫ້ຊີວິດການເປັນຢູ່ຂອງປະຊາຊົນຢູ່ເຂດປະສົບກັບໄພທຳມະຊາດ, ໄພແຫ້ງແລ້ງ, ນ້ຳທະເລຊືມເຂົ້າເປັນປົກກະຕິ.
ຊຸກຍູ້ການເຕີບໂຕເສດຖະກິດຕໍ່ຫນ້າກຳລັງດັນເມື່ອເຊື່ອມໂຍງ
ຮັກສາເສດຖະກິດມະຫາພາກເປັນປົກກະຕິ, ຊຸກຍູ້ການເຕີບໂຕເສດຖະກິດ ແມ່ນຫນ້າທີ່ທຳອິດຊື່ງທ່ານນາຍົກລັດຖະມົນຕີໄດ້ເຕື້ອງເຖິງ. ຄວາມຈິງໃຫ້ເຫັນວ່າ ການເຄື່ອນໄຫວບໍລິຫານຂອງລັດຖະບານ ອາຍຸການໃຫມ່ ແມ່ນຖືກວາງອອກໃນສະພາບເສດຖະກິດຫວຽດນາມ ເຊື່ອມໂຍງນັບມື້ນັບເລິກເຊິ່ງ ກວ້າງຂວາງ. ເສດຖະກິດຫວຽດນາມ ຖືກຜົນສະທ້ອນຢ່າງງ່າຍດາຍຈາກບັນດາການຜັນແປຂອງເສດຖະກິດສັງຄົມໂລກ. ທ່ານ ເຈີນຮ່ວາງເງິນ, ສະມາຊິກສະພາແຫ່ງຊາດ ນະຄອນ ໂຮ່ຈິມີນ ຖືວ່າ:
“ຍ້ອນການເຊື່ອມໂຍງຢ່າງເລິກເຊິ່ງກວ້າງຂວາງ ສະນັ້ນ ການແກ້ງແຍ້ງລະຫວ່າງປະເທດຕ່າງໆແມ່ນຂ້ຽວຂາດທີ່ສຸດ. ບັນດາປະເທດກໍພວມຕັ້ງຫນ້າປັບປຸງສະພາບແວດລ້ອມແຫ່ງການດຳເນີນທຸລະກິດ ຕາມທິດດີສຸດ ສະນັ້ນ ລັດຖະບານ ຄວນເອົາໃຈໃສ່ເຖິງມາດຕະການປະກອບສ່ວນເພີ່ມສະມັດຕະພາບແຮງງານ. ຄຽງຄູ່ກັບປັດໄຈສະພາບແວດລ້ອມແຫ່ງການລົງທຶນດຳເນີນທຸລະກິດ, ການຈັດຕັ້ງການຜະລິດ ການຄຸ້ມຄອງຊັບພະຍາກອນມະນຸດນັ້ນ ປັດໄຈປ່ຽນໃຫມ່, ກົນຈັກອຸປະກອນເຕັກໂນໂລຊີທັນສະໄຫມກໍແມ່ນບັນຫາສຳຄັນທີ່ສຸດ. ແຕ່ ວິສາຫະກິດຫວຽດນາມ ລົງທຶນເຂົ້າຂົງເຂດວິທະຍາສາດ ເຕັກໂນໂລຊີ ຍັງຈຳກັດຢູ່. ສະນັ້ນ ລັດຖະບານ ຄວນສະຫງວນບ້ວງເງິນຫນູນຊ່ວຍເພື່ອໃຫ້ວິສາຫະກິດສາມາດສຳຜັດກັບແຫລ່ງເງິນລົງທຶນໃຫ້ຂົງເຂດວິທະຍາສາດ ເຕັກໂນໂລຊີ.”
ດ້ວຍສັນຍາການຄ້າເສລີ 16 ສະບັບ ໄດ້ ແລະ ພວມເຈລະຈາ, ຫວຽດນາມ ກາຍເປັນສະມາຊິກຕັ້ງຫນ້າ, ຂະຫຍັນຂັນເຄື່ອນໃນພື້ນຖານເສດຖະກິດທົ່ວໂລກ. ເຖິງຢ່າງໃດກໍຕາມ, ປັດໃຈໄດ້ຮັບຖືວ່າແມ່ນກຳລັງຫນູນ, ແມ່ນໃຈກາງຂອງກຳລັງຄວາມສາມາດແກ້ງແຍ້ງແຫ່ງຊາດ, ພວມຢືນຢູ່ຕໍ່ຫນ້າກຳລັງດັນໃຫຍ່. ໃນສະພາບການນັ້ນ ຄວນເອົາໃຈໃສ່ເຖິງວິສາຫະກິດພາກເອກະຊົນ. ທ່ານ ຟ້າມຈ້ອງເຍີນ, ສະມາຊິກສະພາແຫ່ງຊາດ ແຂວງ ບີງເຢືອງ ໃຫ້ຂໍ້ສັງເກດວ່າ:
“ມະຕິກອງປະຊຸມໃຫຍ່ຄັ້ງທີ XII ຂອງພັກ ໄດ້ມີບາດກ້າວພັດທະນາໃຫມ່ ກ່ຽວກັບຄວາມຮັບຮູ້ຕໍ່ບົດບາດເສດຖະກິດເອກະຊົນ ແລະ ໄດ້ຮັບການຕີລາຄາສູງຈາກຫາງສຽງພາຍໃນ ແລະ ຕ່າງປະເທດເປັນຈຳນວນຫລວງຫລາຍ, ນັ້ນແມ່ນ ຮັບຮູ້ເສດຖະກິດເອກະຊົນ ແມ່ນກຳລັງຫນູນສຳຄັນໃນການພັດທະນາຂອງປະເທດຊາດ. ລັດຖະບານກໍຢືນຢັນ ຈະສ້າງທຸກເງື່ອນໄຂສະດວກເພື່ອພັດທະນາວິສາຫະກິດຫວຽດນາມ ຢ່າງແຮງ, ເປັນຕົ້ນແມ່ນວິສາຫະກິດເອກະຊົນ ແມ່ນກຳລັງຫນູນຍົກສູງກຳລັງແກ້ງແຍ້ງ ແລະ ລັກສະນະເປັນເຈົ້າຂອງພື້ນຖານເສດຖະກິດ.”
ຮັບປະກັນລັກສະນະໝັ້ນຄົງໃນການພັດທະນາກະສິກຳ ໃນສະພາບເຊື່ອມໂຍງເຂົ້າກັບເສດຖະກິດໂລກ ກໍແມ່ນຄວາມຮຽກຮ້ອງຕ້ອງການສຳຄັນທີ່ວາງອອກ ເພາະວ່າ ຂົງເຂດກະສິກຳເຖິງວ່າປະກອບພຽງປະມານ 17% - 19% GDP ຂອງພື້ນຖານເສດຖະກິດ ແຕ່ຕິດພັນກັບ 70% ຈຳນວນພົນລະເມືອງທີ່ດຳລົງຊີວິດຢູ່ເຂດຊົນນະບົດ. ຕາມທ່ານ ເລກົງດິ໋ງ, ສະມາຊິກສະພາແຫ່ງຊາດ ແຂວງ ລອງອານ ແລ້ວ, ການພັດທະນາຂະແຫນງກະສິກຳ ຕ້ອງຕອບສະຫນອງໃຫ້ໄດ້ 5 ຍຸດທະສາດພື້ນຖານ.
“ທີຫນຶ່ງ ແມ່ນເພີ່ມລັກສະນະແກ້ງແຍ້ງຂອງຜະລິດຕະພັນ ກ່ຽວກັບປະເພດ, ຂອບຂະຫນາດ, ລາຄາຜະລິດຕະພັນ. ທີສອງ ແກ້ໄຂຈຸດອ່ອນຂອງການຜະລິດກະສິກຳຫວຽດນາມເທື່ອລະກ້າວ ນັ້ນແມ່ນຜະລິດກະແຈກກະຈາຍ, ຄຸນນະພາບບໍ່ສະໝ່ຳສະເຫມີ. ທີສາມ ພິຈາລະນາບັນດາຮູບການ ແລະ ຂອບຂະຫນາດຂອງບັນດາຂະແຫນງການບໍ່ມີລັກສະນະແກ້ງແຍ້ງໃນສະພາບເຊື່ອມໂຍງເພື່ອມີບັນດາການກຳນົດທິດ ແລະ ນະໂຍບາຍເໝາະສົມກວ່າ. ທີສີ່ ຕ້ອງມີຍຸດທະສາດຈະແຈ້ງສຳລັບການແບ່ງປະເພດບັນດາຜະລິດຕະພັນກະເສດ. ທີຫ້າ ຕ້ອງມີມາດຕະການຍົກສູງຄວາມສາມາດຂອງຊາວກະສິກອນໃນການຄຸ້ມຄອງກະສິກຳດ້ວຍຂອບຂະຫນາດເປັນລວມສູນ.”
ປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນຕິດພັນກັບການພັດທະນາເສດຖະກິດທະເລ.
ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນ: ລັດຖະບານ ຈະເດັດດ່ຽວ, ຢືດໝັ້ນຕໍ່ສູ້ປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງຊາດຢ່າງໝັ້ນຄົງ. ນີ້ແມ່ນຫນ້າທີ່ສັກກະລະບູຊາ. ຕາມສະມາຊິກສະພາແຫ່ງຊາດຫລາຍທ່ານແລ້ວ, ເພື່ອປະຕິບັດຫນ້າທີ່ນີ້ ຄວນມີບັນດາມາດຕະການຄົບຊຸດໃນທຸກດ້ານຄື: ການເມືອງ, ເສດຖະກິດ, ການຕ່າງປະເທດ, ການປ້ອງກັນຊາດ, ພິເສດ ແມ່ນການສົມທົບລະຫວ່າງເສດຖະກິດທະເລກັບການປ້ອງກັນຊາດ. ທ່ານນາງ ຫງວຽນທິຟຸກ, ສະມາຊິກສະພາແຫ່ງຊາດ ແຂວງບີງທ້ວນ ຖືວ່າ:
“ສະເຫນີລັດຖະບານ ຈົ່ງເອົາໃຈໃສ່ເຖິງບັນດາມາດຕະການ, ການພັດທະນາເສດຖະກິດທະເລຕິດພັນກັບການປົກປັກຮັກສາອະທິປະໄຕທະເລໝູ່ເກາະຂອງປະເທດຊາດ, ຕີລາຄາລະອຽດການຜັນຂະຫຍາຍແຜນນະໂຍບາຍຫນູນຊ່ວຍຊາວປະມົງຕໍ່ກຳປັ່ນເຮືອໃຫມ່ເພື່ອອອກຝັ່ງຫາປາ, ສືບຕໍ່ຍູ້ແຮງການລົງທຶນເພື່ອແກ້ໄຂສະພາບການນ້ຳທະເລຊືມເຂົ້າ, ກໍ່ສ້າງເຂດປອດໄພເພື່ອໃຫ້ກຳປັ່ນເຮືອເຂົ້າທຽບທ່າເມືີ່ອຖືກລົມພາຍຸ, ຍົກລະດັບລະບົບຄົມມະນາຄົມ ແລະ ບັນດາກິດຈະກຳປ້ອງກັນຕົວຢູ່ບັນດາເກາະ.”
ເດັດດ່ຽວປ້ອງກັນ, ຕ້ານການສໍ້ລາດບັງຫລວງ
ຕາມສະມາຊິກສະພາແຫ່ງຊາດຫລາຍທ່ານແລ້ວ, ການຕ້ານການສໍ້ລາດບັງຫລວງຕ້ອງມີເຈດຈຳນົງລວມ ແລະ ທ່ານນາຍົກລັດຖະມົນຕີ ໄດ້ຫັນສາບານຕົວ, ຄຳໝັ້ນໝາຍຂອງຕົນຕໍ່ຫນ້າປະຊາຊົນ ແລະ ປະເທດຊາດ ກ່ຽວກັບຄວາມຕັດສິນໃຈໃນການປ້ອງກັນ, ຕ້ານການສໍ້ລາດບັງຫລວງໃຫ້ປະກົດຜົນເປັນຈິງ. ທ່ານ ບູ່ຍແມ້ງຮຸ່ງ, ສະມາຊິກສະພາແຫ່ງຊາດ ແຂວງບິງເຟືອກ ຖືວ່າ: ໃນອາຍຸການນີ້ ສະພາແຫ່ງຊາດ ໄດ້ຮັບຮອງເອົາກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫລວງ ແລະກົດໝາຍວ່າດ້ວຍການປະຕິບັດການປະຢັດຕ້ານການຟຸມເຟືອຍ ແຕ່ການຜັນຂະຫຍາຍ ແລະ ປະຕິບັດຍັງບໍ່ທັນຂ້ຽວຂາດ. ການສໍ້ລາດບັງຫລວງບໍ່ຢຸດຕິໃນຂົງເຂດເສດຖະກິດ ເທົ່ານັ້ນ ຫາກແຜ່ລາມອອກສູ່ບັນດາຂົງເຂດອື່ນທີ່ມີຄວາມສະດຸ້ງໄວ, ບໍ່ສະເພາະ ຫາກມີການກ່ຽວພັນທີ່ໝັ້ນແກ່ນ. ຈາກສະພາບການດັ່ງກ່າວ, ລັດຖະບານ ຖືການປ້ອງກັນ, ຕ້ານການສໍ້ລາດບັງຫລວງ ການຟຸມເຟືອຍ ແມ່ນຫນ້າທີ່ພິເສດ ແລະ ຄວນມີບັນດາມາດຕະການຄົບຊຸດ, ຮອບດ້ານກວ່າ, ປະຕິບັດດ້ວຍຄວາມຕັດສິນໃຈກວ່າ. ຍິ່ງກວ່າເວລາໃດໝົດ, ລັດຖະບານ ຫວຽດນາມ ຖືການປ້ອງກັນ ຕ້ານການສໍ້ລາດບັງຫລວງ ການຟຸມເຟືອຍ ແມ່ນ ສັດຕູພາຍໃນ ແລະ ຕັດສິນໃຈປ້ອງກັນຕ້ານການສໍ້ລາດບັງຫລວງການຟຸ້ມເຟືອຍຄືຄວາມຕັດສິນໃຈປົກປັກຮັກສາອະທິປະໄຕປະເທດຊາດຂອງທັງຊາດ.
ໃນໄລຍະ 5 ປີຜ່ານມາ ຫວຽດນາມ ບັນລຸໄດ້ຜົນງານສຳຄັນຫລາຍຢ່າງໃນການພັດທະນາເສດຖະກິດສັງຄົມ. 5 ປີຈະມາເຖິງ ເຖິງວ່າ ປະສົບກັບຄວາມຫຍຸ້ງຍາກຫລາຍຢ່າງກໍຕາມ ແຕ່ດ້ວຍການເຫັນໄດ້ ບັນດາສິ່ງທ້າທາຍ ຢ່າງຈະແຈ້ງ, ຫາງສຽງເຊື່ອໝັ້ນວ່າ ລັດຖະບານອາຍຸການໃຫມ່ ຈະແມ່ນລັດຖະບານແຫ່ງການກະກຳ, ສືບຕໍ່ນຳປະເທດຊາດພັດທະນາແບບຍືນຍົງ.