ປະທານາທິບໍດີ ເກຼັກ Karolos Papoulias
( ພາບຈາກອີນເຕີແນດ )
(vovworld) - ໃນລະຫວ່າງວັນທີ 13-14/5, ປະທານາທິບໍດີ ເກຼັກ Karolos Papoulias ຕ້ອງມີການເຈລະຈາກັບການນຳ 3 ພັກທີ່ນຳໜ້າໃນການເລືອກຕັ້ງກ່ອນກຳນົດເວລາຢູ່ປະເທດນີ້ ກໍ່ຄືບັນດາພັກອື່ນໆ ເພື່ອຕົກລົງກ່ຽວກັບການສ້າງຕັ້ງລັດຖະບານປະສົມ. ແຕ່ເຖິງຢ່າງໃດກໍ່ຕາມ, ຄວາມມານະພະຍາຍາມຂອງທ່ານປະທານາທິບໍດີ Karolos Papoulias ຍາກທີ່ຈະປະຕິບັດໄດ້, ເມື່ອພັກຕ່າງໆພັດມີທັດສະນະທີ່ແຕກຕ່າງກັນກ່ຽວກັບນະໂຍບາຍປະຢັດທີ່ຮ້າຍແຮງ ເຊິ່ງ ອາແທນ ພວມນຳໃຊ້. ສິ່ງດັ່ງກ່າວໝາຍຄວາມວ່າ ເກຼັກ ອາດຈະຕ້ອງຈັດການເລືອກຕັ້ງຄືນໃໝ່, ແລະ ເກຼັກ ອາດຈະຕ້ອງແຍກອອກຈາກພາກພື້ນທີ່ນຳໃຊ້ສະກຸນເງິນລວມຂອງເອີລົບ, ຍິ່ງກວ່ານັ້ນ, ສະພາບດັ່ງກ່າວອາດຈະສົ່ງຜົນສະທ້ອນບໍ່ໜ້ອຍເຖິງສະຫະພາບເອີລົບ.
ເລື່ອງປະທານາທິບໍດີ ເກຼັກ ຕ້ອງເປັນປະທານການເຈລະຈາກັບພັກການເມືອງຕ່າງໆ ເພື່ອສ້າງຕັ້ງລັດຖະບານປະສົມນັ້ນ ໄດ້ສະແດງໃຫ້ເຫັນວ່າ ສະພາບການເມືອງທີ່ບໍ່ມີທາງອອກພວມເກີດຂຶ້ນຢ່າງຮ້າຍແຮງຢູ່ປະເທດນີ້. ນີ້ຖືກຖີວ່າແມ່ນຄວາມມານະພະຍາຍາມສຸດທ້າຍ ເພື່ອຊ່ວຍໃຫ້ ເກຼັກ ບໍ່ຕ້ອງຈັດຕັ້ງການເລືອກຕັ້ງຄືນໃໝ່ໃນເດືອນ 6 ຈະມາເຖິງ. ສາຍເຫດທີ່ພາໃຫ້ສະພາບການເມືອງຕົກເຂົ້າສູ່ສະພາບອັນຮ້າຍແຮງຄືດັ່ງກ່າວ, ນັ້ນແມ່ນຍ້ອນປະທານພັກປະສົມຝ່າຍຊ້າຍ Syriza Alexis Tsipra ເຊິ່ງແມ່ນໜຶ່ງໃນ ສາມພັກທີ່ຍາດໄດ້ຈຳນວນບັດສະໜັບສະໜູນຫຼາຍສຸດໃນການເລືອກຕັ້ງສະພາແຫ່ງຊາດກ່ອນນີ້ 1 ສັບປະດາ, ໄດ້ເດັດດ່ຽວປະຕິເສດບໍ່ເຂົ້າຮ່ວມລັດຖະບານໃດໆທີ່ມີແນວຄວາມຄິດຈະປະຕິບັດບັນດາຂໍ້ມາດຕາໃນສັນຍາກູ້ຊ່ວຍການເງິນສາກົນທີ່ສະຫງວນໃຫ້ແກ່ ອາແທນ. Syriza ຢາກໃຫ້ ເກຼັກ ຕ້ອງຖອນອອກຈາກຂໍ້ຕົກລົງກູ້ຊ່ວຍສະພາບລົ້ມລະລາຍ ເຊິ່ງປະເທດນີ້ໄດ້ລົງນາມກັບສະຫະພາບເອີລົບ (EU) ແລະ ກອງທຶນເງິນຕາສາກົນ (IMF) ເມື່ອປີ 2010. ຕາມໝາກຜົນແຫ່ງການເຕີບໂຕທາງດ້ານເສດຖະກິດຂອງ ເກຼັກ ໃນໄລຍະມໍ່ໆມານີ້ ອາດສາມາດເຂົ້າໃຈໄດ້ວ່າ ເປັນຫຍັງ Syriza ພັດມີປະຕິກິລິຍາຄືແນວນັ້ນ. ຕາມຕົວເລກສະຖິຕິແລ້ວ, ໃນ 2 ປີແຫ່ງການນຳໃຊ້ນະໂຍບາຍປະຢັດ, ພື້ນຖານເສດຖະກິດ ເກຼັກ ບໍ່ໄດ້ຮັບການຈະເລີນເຕີບໂຕ, ຫາກຖືກຊຸດໂຊມອີກດ້ວຍ. ປີ 2012, ຂອບຂະໜາດເສດຖະກິດ ເກຼັກ ອາດສືບຕໍ່ຖືກຮັດແຄບລົງຕື່ມອີກ 6% ແລະ ບໍ່ສາມາດເຕີບໂຕໄດ້ໃນປີຈະມາເຖິງ, ຊ້ຳບໍ່ໜຳ ເກຼັກ ພຽງແຕ່ມີເງິນພໍດີໃຫ້ແກ່ການຈ່າຍເງິນເດືອນ ແລະ ເບ້ຍບຳນານຈົນຮອດທ້າຍເດືອນ 6 ເທົ່ານັ້ນ. ໃນຂະນະນັ້ນ, ອັດຕາສ່ວນຫວ່າງງານໃນເດືອນ 2 ໄດ້ເພີ່ມຂຶ້ນເຖິງລະດັບ 21,7%. ຜູ້ມີສິດເລືອກຕັ້ງ ເກຼັກ ຖືວ່າ, ຍ້ອນມາດຕະການປະຢັດໂດຍ EU ຈັດວາງໃຫ້ແກ່ບັນດາສະມາຊິກນັ້ນ ໄດ້ເຮັດໃຫ້ສະພາບການຢູ່ ເກຼັກ ນັບມື້ນັບຫຍຸ້ງຍາກຍິ່ງຂຶ້ນ.
ໄປຄຽງຄູ່ກັບຄວາມສາມາດດຳເນີນການເລືອກຕັ້ງຄັ້ງໃໝ່, ນັກສັງເກດການຫຼາຍທ່ານໃຫ້ຂໍ້ສັງເກດວ່າ, ເລື່ອງບໍ່ທັນມີລັດຖະບານສາມັກຄີພວມກໍ່ຄວາມສ່ຽງໃຫ້ແກ່ບ້ວງເງິນ ກູ້ຊ່ວຍທີ 2 ເຊິ່ງ EU ສະຫງວນໃຫ້ ເກຼັກ, ໃນຂະນະທີ່ບໍ່ມີຫຍັງສາມາດຮັບປະກັນໄດ້ວ່າ ປະເທດນີ້ຈະປະຕິບັດບັນດາເງື່ອນໄຂທີ່ໄດ້ລົງນາມກັບ ສະຫະພາບ ເອີຣົບ ແລະ ກອງທຶນເງິນ ຕາສາກົນ. ສິ່ງນີ້ກໍໝາຍຄວາມວ່າ ເກັຼກ ມີໄພທີ່ຕ້ອງອອກຈາກເອີໂຮໂຊນ. ຖ້າຫາກກໍລະນີນີ້ເກີດຂື້ນ, ບໍ່ສະເພາະແຕ່ ເກຼັກ ຕ້ອງຍອມ ຮັບສະພາບສະກຸນເງິນ ພາຍໃນປະເທດຖືກຕົກລາຄາ, ໄພເງິນເຟ້ີເພີ່ມ ຂື້ນສູງ ແລະ ຈີດີພີຫຼຸດລົງໃນລະດັບສອງຕົວເລກ ເທ່ົານັ້ນ, ຫາກບັນດາປະ ເທດນຳໃຊ້ສະກຸນເງິນ ເອີໂຣ ກໍຈະຖືກຜົນສະທ້ອນທາງ ດ້ານເສດຖະກິດ, ການເງິນ ແລະ ສັງຄົມອີກດ້ວຍ. ບໍ່ຈຳເປັນຕ້ອງພິສູດຍາກ, ສະກຸນເງິນເອີໂຣ ຈະຖືກກົດດັນໃນການແລກປ່ຽນ ຢູ່ຕະຫຼາດອາຊີ ໃນວັນທີ່ 14 ເດືອນ ພຶດສະພາ, ເມື່ອບັນດານັກລົງທຶນພວມຕິດຕາມ ການຜັນແປໃນການສ້າງ ຕ້ັງລັດຖະບານ ຢູ່ ເກັຼກ. ໃນການແລກປ່ຽນໃນຕອນ ບ່າຍ ທີ່ຕະຫຼາດ ໂຕກຽວ, ສະກຸນເງິນ ເອີໂຣ ຫຼຸດລົງ 1,2888 USD ແລະ 103, 07 ເຢັນ, ເມື່ອທຽບກັບ 1,2921 ແລະ 103,26 ເຢັນ ທີ່ ນິວຢອກ ໃນທ້າຍອາທິດຜ່ານມາ. ນັກຊ່ຽວຊານເສດຖະກິດ DAISUKE KARAKAMA ຢູ່ MIZUHO Corporate Bank ພັດໃຫ້ຂ້ໍສັງເກດວ່າ, ສະກຸນເງິນເອີໂຣສາດມາດຫຼຸດລົງ ຕ່ຳກວ່າ 1,24 usd ແລະ 100 ເຢັນ ຖ້າຫາກພັກຝ່າຍຊ້າຍຄັດຄ້ານ ບັນດາມາດຕະການ ຮັດເຂັມຂັດ ຢູ່ ເກັຼກໄດ້ຮັບໄຊຊະນະຢ່າງຂາດຂັ້ນໃນການເລືອກຕັ້ງຄືນໃຫມ່. ສະພາບການເມືອງທີ່ບໍ່ມີທາງອອກໃນເກຼັກ ໄດ້ເຮັດໃຫ້ນັກລົງທຶນຕະຫຼາດຮຸ້ນຂາຍບັນດາຊັບສິນທີ່ມີຄວາມສ່ຽງ, ເຮັດໃຫ້ ສະກຸນເງິນ ໂດລາ ອົດສະຕາລີ ຕົກຄ່າລົງເທົ່າກັບເງິນ ໂດລາສະຫະລັດ ເປັນຄັ້ງທຳອິດ ນັບແຕ່ ເດືອນທັນວາປີ 2011.
ທຸກສິ່ງທຸກຢ່າງທີ່ພວມເກີດຂື້ນຢູ່ ເກັຼກ ໃນອາທິດທີ່ຜ່ານມາສະແດງໃຫ້ເຫັນວ່າ: ການແກ້ໄຂສະພາບການເມືອງທີ່ບໍ່ມີທາງອອກຢູ ເກຼັກ ແມ່ນຫຍຸ້ງຍາກຫຼາຍ, ແລະ ປະເທດນີ້ຕ້ອງປະເຊີນໜ້າກັບສາພາບບໍ່ອາດສ້າງຕ້ັງລັດຖະບານປະສົມ, ເຊິ່ງສາຍເຫດແມ່ນຍ້ອນບັນດາຄວາມບໍ່ລົງລອຍການລະຫວ່າງບັນດາພັກຝ່າຍ ການເມືອງທີ່ກ່ຽວຂ້ອງ