(vovworld)- ໃນຕະຫລອດ 70 ປີແຫ່ງການສ້າງຕັ້ງ ແລະ ພັດທະນາ, ສະພາແຫ່ງຊາດຫວຽດນາມ ໄດ້ສຳເລັດພາລະບົດບາດສ້າງກົດໝາຍສຳເລັດຜົນ, ສ້າງພື້ນຖານດ້ານການເມືອງນິຕິກຳສຳຄັນ, ຮັບໃຊ້ພາລະກິດສ້າງລັດແຫ່ງອຳນາດນິຕິບັນຍັດຫວຽດນາມ ສັງຄົມນິຍົມ ຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ. ໝາກຜົນຂອງວຽກງານສ້າງກົດໝາຍຂອງສະພາແຫ່ງຊາດ ກໍໄດ້ປະກອບສ່ວນສຳຄັນເຂົ້າໃນການພັດທະນາຂອງປະເທດຊາດ ແລະ ເຊື່ອມໂຍງເຂົ້າກັບສາກົນ.
ການສ້າງກົດໝາຍແມ່ນຫນຶ່ງໃນ 3 ພາລະບົດບາດສຳຄັນຂອງສະພາແຫ່ງຊາດ ຫວຽດນາມ, ຄຽງຄູ່ກັບພາລະບົດບາດຕິດຕາມກວດກາ ແລະ ຕັດສິນບັນດາບັນຫາສຳຄັນຂອງປະເທດຊາດ. ສະພາແຫ່ງຊາດ ດ້ວຍບົດບາດແມ່ນອົງການປະຕິບັດອຳນາດນິຕິບັນຍັດ ມີຫນ້າທີ່ກໍ່ສ້າງ, ປະກາດໃຊ້ລັດຖະທຳມະນູນ ແລະ ຫັນບັນດາຂໍ້ກຳນົດຂອງລັດຖະທຳມະນູນເປັນລະບົບບັນດາກົດໝາຍເປັນລະອຽດ, ທັນການ ຕອບສະຫນອງບັນດາຄວາມຮຽກຮ້ອງຕ້ອງການຂອງກິດຈະການສ້າງລັດແຫ່ງອຳນາດນິຕິບັນຍັດ, ເສີມຂະຫຍາຍປະຊາທິປະໄຕ, ເຄົາລົບ, ຮັບປະກັນສິດທິມະນຸດ, ສິດພົນລະເມືອງ, ປະຕິຮູບລະບອບນະໂຍບາຍເສດຖະກິດການຕະຫລາດ ແລະ ເຊື່ອມໂຍງເຂົ້າກັບສາກົນ.
ກອງປະຊຸມສະໄຫມສາມັນເທື່ອທີ 6 ສະພາແຫ່ງຊາດຫວຽດນາມ
ຊຸດທີ 13
|
ຄວາມປະທັບໃຈກ່ຽວກັບຈຳນວນເອກະສານນິຕິກຳໄດ້ຮັບການປະກາດໃຊ້
70 ປີຜ່ານມາ, ສະພາແຫ່ງຊາດ ໄດ້ປະຕິບັດພາລະບົດບາດສ້າງລັດຖະທຳມະນູນ, ສ້າງກົດໝາຍເປັນຢ່າງດີ. ນັບແຕ່ເມື່ອສະພາແຫ່ງຊາດຊຸດທີ 1 ມາຮອດປະຈຸບັນ, ສະພາແຫ່ງຊາດ ໄດ້ປະກາດໃຊ້ ລັດຖະທຳມະນູນ 5 ສະບັບ, 387 ປະມວນກົດໝາຍ, ກົດໝາຍ, ປະກາດໃຊ້ 628 ມະຕິ ແລະ 220 ລັດຖະບັນຍັດ. ທ່ານຮອງປະທານສະພາແຫ່ງຊາດ ອວງຈູລືວ ໃຫ້ຂໍ້ສັງເກດວ່າ:
“ນີ້ແມ່ນບັນດາຕົວເລກເປັນຫນ້າຊື່ນຊົມ, ແມ່ນພື້ນຖານດ້ານການເມືອງນິຕິກຳສຳຄັນ, ສະແດງໃຫ້ເຫັນພູມປັນຍາ, ຄວາມສຸດຈິດສຸດໃຈ ແລະ ນຳ້ໃຈຄວາມຮັບຜິດຊອບສຸງຂອງບັນດານັກສ້າງກົດໝາຍ, ສ່ອງແສງເຈດຈຳນົງ, ຄວາມມຸ່ງມາດປາດຖະຫນາຂອງປະຊາຊົນໃນການກໍ່ສ້າງ ແລະ ສ້າງລະບົບກົດໝາຍໃຫ້ການພັດທະນາພື້ນຖານປະຊາທິປະໄຕ ສັງຄົມນິຍົມສົມບູນແບບ, ຮັບໃຊ້ພາລະກິດສ້າງລັດແຫ່ງອຳນາດນິຕິບັນຍັດ ສັງຄົມນິຍົມ ຫວຽດນາມ, ກິດຈະການສ້າງສາ, ປົກປັກຮັກສາ, ພັດທະນາປະເທດຊາດ ແລະ ເຊື່ອມໂຍງເຂົ້າກັບສາກົນ.
ສ້າງລະບົບກົດໝາຍຕາມທິດລວງເລິກ
ຄຽງຄູ່ກັບບັນດາການປ່ຽນໃຫມ່, ປັບປຸງ ເພື່ອເພີ່ມຈຳນວນເອກະສານນິຕິກຳ ຊື່ງໄດ້ຮັບການຮັບຮອງເອົາທີ່ກອງປະຊຸມແຕ່ລະເທື່ອ, ໃນວິວັດການສ້າງຕັ້ງ ແລະ ພັດທະນາ, ສະພາແຫ່ງຊາດ ຫວຽດນາມ ມານະພະຍາຍາມຢ່າງບໍ່ຢຸດຢັ້ງ ເພື່ອຍົກສູງຄຸນນະພາບສ້າງກົດໝາຍ. ເນື້ອໃນບັນດາຮ່າງກົດໝາຍໄດ້ຮັບການຮັບຮອງເອົາແມ່ນອຸດົມສົມບູນ, ປັບປຸງບັນດາຂົງເຂດຕ່າງກັນຂອງຊີວິດສັງຄົມ ຈາກການສືບຕໍ່ກໍ່ສ້າງ ແລະ ສ້າງກົງຈັກລັດໃຫ້ສົມບູນແບບ ຕາມການກຳນົດທິດສ້າງລັດແຫ່ງອຳນາດນິຕິບັນຍັດສັງຄົມນິຍົມຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ ຕະຫລອດຮອດການສືບຕໍ່ປ່ຽນໃຫມ່ ແລະ ສ້າງກົນໄກ ແລະ ເຄື່ອງມືການຄຸ້ມຄອງລັດກ່ຽວກັບບັນດາຂົງເຂດເສດຖະກິດ, ວັດທະນະທຳ, ການສຶກສາ, ວິທະຍາສາດເຕັກໂນໂລຊີ, ການປ້ອງກັນຊາດປ້ອງກັນຄວາມສະຫງົບ ແລະ ການຕ່າງປະເທດໃຫ້ສົມບູນແບບ.
ທາງດ້ານວິຊາການສ້າງກົດໝາຍ ກໍໄດ້ຮັບຄວາມເອົາໃຈໃສ່ເປັນພິເສດຈາກສະພາແຫ່ງຊາດ, ຄ່ອຍໆຈຳກັດສະພາບການພາຍຫລັງກົດໝາຍໄດ້ຮັບການປະກາດໃຊ້ຕ້ອງລໍຖ້າດຳລັດ ແລະ ເອກະສານແນະນຳຈຶ່ງເຂົ້າສູ່ຊີວິດຕົວຈິງ. ສາດສະດາຈານ, ດຣ ເຈີນງອກເດື່ອງ, ອະດີດຮອງຫົວຫນ້າຫ້ອງວ່າການສະພາແຫ່ງຊາດ ຖືວ່າ:
“ກ່ຽວກັບຄຸນນະພາບໄດ້ຮັບການຍົກສູງຂຶ້ນຫລາຍທີ່ສຸດ, ພິເສດ ກົດໝາຍໄດ້ສ່ອງແສງເຖິງຄວາມຮຽກຮ້ອງຕ້ອງການພຶດຕິກຳຕົວຈິງໃນຊີວິດ, ສອດຄອ່ງກັບພຶດຕິກຳຕົວຈິງຂອງປະເທດຊາດ, ຮັບເອົາ ແລະ ມີການຄັດເລືອກບັນດາຄຸນຄ່າກ້າວຫນ້າຂອງມວນມະນຸດ. ສະນັ້ນ ເບິ່ງລວມແລ້ວ ບັນດາກົດໝາຍໄດ້ຮັບການປະກາດໃຊ້ ຕ້ອງຕອບສະຫນອງຄວາມຮຽກຮ້ອງຕ້ອງການຂອງຊີວິດຢ່າງທັນການ.”
ໄລຍະມໍ່ໆມານີ້, ເລື່ອງປະກາດໃຊ້ ລັດຖະທຳມະນູນປີ 2013, ວຽກງານສ້າງກົດໝາຍກ້າວເຂົ້າສູ່ໄລຍະໃຫມ່ ດ້ວຍການສ້າງຕັ້ງບັນດາພື້ນຖານດ້ານນິຕິກຳສຳຄັນໃຫ້ແກ່ການສືບຕໍ່ສ້າງ ແລະ ປັບປຸງລັດແຫ່ງອຳນາດນິຕິບັນຍັດຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ. ບົນພື້ນຖານນັ້ນ ການເຄື່ອນໄຫວສ້າງກົດໝາຍກວມເອົາທຸກຂົງເຂດຂອງຊີວິດສັງຄົມ. ຈາກການສ້າງກົດໝາຍກ່ຽວກັບການຈັດຕັ້ງ ແລະ ການເຄື່ອນໄຫວຂອງບັນດາລະບອບນະໂຍບາຍໃນລະບົບການເມືອງໃຫ້ສົມບູນແບບ, ກ່ຽວກັບການຮັບປະກັນສິດທິມະນຸດ, ສິດເສລີພາບ ປະຊາທິປະໄຕຂອງພົນລະເມືອງ, ລະບອບນະໂຍບາຍດ້ານເສດຖະກິດການຕະຫລາດຕາມການກຳນົດທິດສັງຄົມນິຍົມ. ສາດສະດາຈານ, ດຣ ເລມີງທົງ, ຮອງຫົວຫນ້າ ກຳມາທິການກົດໝາຍຂອງສະພາແຫ່ງຊາດ ໄດ້ຢືນຢັນວ່າ:
“ສະພາແຫ່ງຊາດໄດ້ປະກາດໃຊ້ກົດໝາຍຫລາຍສະບັບກ່ຽວກັບກົງຈັກລັດຄື ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍລັດຖະບານ, ກົດໝາຍວ່າດ້ວຍອົງການໄອຍະການປະຊາຊົນ, ກົດໝາຍວ່າດ້ວຍສານປະຊາຊົນ,ກົດໝາຍກ່ຽວຂ້ອງເຖິງສິດທິມະນຸດ, ສິດພົນລະເມືອງ, ແນວຄິດເຄົາລົບສິດທິມະນຸດ ແມ່ນແນວຄິດທະລຸລົງໃນບັນດາກົດໝາຍພົ້ນເດັ່ນຄື: ປະມວນກົດໝາຍແພ່ງ, ດຳເນີນຄະດີແພ່ງ, ກົດໝາຍອາຍາ, ກົດໝາຍດວ່າດ້ວຍການເຫລື້ອມໃສສາສະຫນາ…. ນອກນັ້ນ ບັນດາກົດໝາຍກໍສືບຕໍ່ສ້າງລະບອບນະໂຍບາຍເສດຖະກິດການຕະຫລາດຕາມການກຳນົດທິດສັງຄົມນິຍົມໃຫ້ສົມບູນແບບ.”
ວຽກງານສ້າງກົດໝາຍຂອງສະພາແຫ່ງຊາດ ໃນ 70 ປີຜ່ານມາ ບັນລຸໄດ້ບັນດາໝາກຜົນສຳຄັນ, ບໍ່ພຽງແຕ່ເຮັດໃຫ້ລະບົບກົດໝາຍເປັນຄົບຊຸດ, ຄົບຖ້ວນກວ່າເທົ່ານັ້ນ ຫາກຍັງປະກອບສ່ວນສຳຄັນເຂົ້າໃນການຮັບໃຊ້ພາລະກິດສ້າງລັດແຫ່ງອຳນາດນິຕິບັນຍັດສັງຄົມນິຍົມຫວຽດນາມ ແລະ ການເຊື່ອມໂຍງເຂົ້າກັບສາກົນ.