(vovworld)-ກອງປະຊຸມວົງແຄບລັດຖະມົນຕີເສດຖະກິດ ອາຊຽນ ເພື່ອຊຸກຍູ້ວຽກງານກະກຽມໃຫ້ແກ່ການສ້າງຕັ້ງປະຊາຄົມ ອາຊຽນ (AEC) ຫາກໍ່ອັດລົງໃນວັນທີ 1/3 ພາຍຫລັງປະຊຸມມາເປັນເວລາ 3 ມື້ ຢູ່ ມາເລເຊຍ. ນະທີ່ນີ້, ບັນດາລັດຖະມົນຕີເສດຖະກິດ ອາຊຽນ ໄດ້ເຫັນດີນຳກັນ ຫັນການສ້າງຕັ້ງປະຊາຄົມເສດຖະກິດອາຊຽນ ໃຫ້ປະກົດຜົນເປັນຈິງ ພ້ອມທັງສິ້ນສຸດການເຈລະຈາສັນຍາຄູ່ຮ່ວມມືເສດຖະກິດຮອບດ້ານພາກພື້ນ RCEP ໃນທ້າຍປີ 2015. ເປັນຫນ້າສົນໃຈ, ໃນຈຳນວນບັນດາສະມາຊິກ ອາຊຽນ, ປະຈຸບັນ ຫວຽດນາມ ນອນໃນຈຳນວນບັນດາປະເທດນຳຫນ້າກ່ຽວກັບການສຳເລັດບັນດາຄຳໝັ້ນສັນຍາສ້າງຕັ້ງປະຊາຄົມ ອາຊຽນ.
ບັນດາລັດຖະມົນຕີເສດຖະກິດ ອາຊຽນ ທີ່ກອງປະຊຸມ AEC
ພາບ:TTXVN
|
ປະຊາຄົມເສດຖະກິດ ອາຊຽນ (AEC) ໄດ້ຮັບການສ້າງຕັ້ງຂຶ້ນຈາກຖະແຫລງການ “ວິໄສທັດ ອາຊຽນ 2020” ຊື່ງໄດ້ຮັບການລົງນາມໃນປີ 1997, ເມື່ອ ອາຊຽນ ສະເຫລີມສະຫລອງ 30 ປີແຫ່ງການສ້າງຕັ້ງ. ຈຸດໝາຍຕົ້ນຕໍຂອງ AEC ແມ່ນສ້າງຕະຫລາດເປັນເອກະພາບໃນທົ່ວພາກພື້ນ ອາຊຽນ ໃນທ້າຍປີ 2015, ໃນນັ້ນ ສິນຄ້າ, ບໍລິການ, ເງິນລົງທຶນ ແລະ ແຮງງານສາມາດຍົກຍ້າຍຢ່າງເສລີ. ສຳລັບຫວຽດນາມ, ຕາມຜູ້ຊ່ຽວຊານເສດຖະກິດຫລາຍທ່ານແລ້ວ, ການກະທົບພາຍຫລັງເຂົ້າຮ່ວມ AEC ສາມາດຊ່ວຍໃຫ້ GDP ຂອງຫວຽດນາມ ເພີ່ມຂຶ້ນຕື່ມອີກ 3,5%.
ເຂົ້າຮ່ວມຢ່າງຕັ້ງຫນ້າ, ເປັນເຈົ້າການ
ປີ 2015 ໄດ້ຮັບຖືວ່າ ແມ່ນປີບານພັບສຳລັບກິດຈະການສ້າງຕັ້ງປະຊາຄົມ ອາຊຽນ. ມາຮອດປະຈຸບັນ, ອາຊຽນ ພວມສຸມໃສ່ຫັນ AEC ໃຫ້ປະກົດຜົນເປັນຈິງ ໃນທ້າຍປີ 2015 ດ້ວຍປະລິມານວຽກງານສຳເລັດເກືອບ 90%.
ມາຮອດປະຈຸບັນ, ໃນກຸ່ມ ອາຊຽນ, ຫວຽດນາມ ໄດ້ຮັບການຕີລາຄາວ່າ ແມ່ນຫນຶ່ງໃນ 4 ປະເທດສະມາຊິກ ມີອັດຕາສ່ວນສຳເລັດບັນດາຄຳໝັ້ນສັນຍາໃນວິວັດການສັງລວມປະຕິບັດ AEC ດີທີ່ສຸດ. ຫວຽດນາມ ໄດ້ຫລຸດອັດຕາພາສີນຳເຂົ້າສິນຄ້າກວ່າ 10.000 ປະເພດໃຫ້ລົງຢູ່ໃນລະດັບ 0-5%, ກວມປະມານ 98% ປະເພດພາສີໃນຕາຕະລາງອັດຕາພາສີ. ທ່ານ ເລຈ້ຽວຢູງ, ຮອງຫົວຫນ້າກົມນະໂຍບາຍການຄ້າຫລາຍຝ່າຍ, ສັງກັດກະຊວງອຸດສາຫະກຳ ແລະ ການຄ້າ ຫວຽດນາມ ໃຫ້ຮູ້ວ່າ:
“ການເຂົ້າຮ່ວມເປັນເຈົ້າການ, ຕັ້ງຫນ້າຂອງຫວຽດນາມ ສະແດງໃຫ້ເຫັນຜ່ານຫລາຍຂໍ້ລິເລີ່ມກ່ຽວກັບການຫັນການຄ້າເປັນສະດວກ, ໄດ້ຮັບການປະຕິບັດກັບບັນດາປະເທດອາຊຽນ, ມີຄຸນປະໂຫຍດສຳຄັນ ແລະ ມີຜົນປະໂຫຍດໃຫ້ແກ່ພື້ນຖານເສດຖະກິດ. ຕົວຢ່າງຄື ກົນໄກພາສີປະຕູດຽວ. ປະຈຸບັນ ຫວຽດນາມ ພວມຜັນຂະຫຍາຍກົນໄກພາສີປະຕູດຽວ, ກ້າວໄປເຖິງຜັນຂະຫຍາຍກົນໄກພາສີປະຕູດຽວຂອງ ອາຊຽນ ສ້າງເງື່ອນໄຂສະດວກໃຫ້ແກ່ການເຄື່ອນໄຫວຂາອອກຂາເຂົ້າ. ຫລືກົນໄກສ້າງຄວາມສະດວກໃຫ້ແກ່ການເຄື່ອນໄຫວວິສາຫະກິດຄື: ສ້າງໃບຢັ້ງຢືນຕົ້ນກຳເນີດດ້ວຍຕົນເອງ. ເບິ່ງລວມແລ້ວ, ພວກເຮົາບັນລຸໄດ້ 90% ຄຳມໝັ້ນສັນຍາປະຕິບັດໃນອາຊຽນ.”
ຍາດແຍ່ງກາລະໂອກາດ,ຜ່ານຜ່າສິ່ງທ້າທາຍ
ມີຜູ້ຊ່ຽວຊານເສດຖະກິດຫລາຍທ່ານໃຫ້ຂໍ້ສັງເກດວ່າ: ເລື່ອງຕັ້ງຫນ້າ ແລະ ເປັນເຈົ້າການເຂົ້າຮ່ວມ AEC ຈະນຳມາເຊິ່ງບັນດາຜົນປະໂຫຍດອັນໃຫຍ່ຫລວງໃຫ້ແກ່ຫວຽດນາມ. ນັ້ນແມ່ນການເຕີບໂຕເສດຖະກິດວ່ອງໄວກວ່າ, ສ້າງວຽກເຮັດງານທຳຫລາຍກວ່າ, ດຶງດູດການລົງທຶນໂດຍກົງຈາກຕ່າງປະເທດແຮງກວ່າ ຫລືກຳລັກຄວາມສາມາດການຜະລິດ ແລະ ລັກສະນະແກ້ງແຍ້ງຂອງພື້ນຖານເສດຖະກິດຈະດີກວ່າ. ກ່ຽວກັບການພົວພັນດ້ານເສດຖະກິດຂອງຫວຽດນາມ ກັບອາຊຽນ ເມື່ອທຽບໃສ່ກັບໂລກ ກໍຄືແງ່ຫວັງການຮ່ວມມືເສດຖະກິດ ອາຊຽນ, ເລື່ອງສ້າງຕັ້ງ AEC ຈະຊ່ວຍພື້ນຖານເສດຖະກິດ ຫວຽດນາມ ນັບມື້ນັບກຳນົດຢ່າງຈະແຈ້ງກວ່າ, ໝັ້ນຄົງກວ່າ ໃນໂຄງປະກອບລະບົບການຜະລິດລວມຂອງພາກພື້ນ. ເຖິງຢ່າງໃດກໍຕາມ, ຄຽງຄູ່ກັບກາລະໂອກາດ, ສິ່ງທ້າທາຍ ເມື່ອເຂົ້າຮ່ວມ AEC ຂອງຫວຽດນາມກໍ່ບໍ່ແມ່ນຫນ້ອຍ. ກ່ອນອື່ນໝົດແມ່ນຄວາມຜິດໂຕນກ່ຽວກັບລະດັບການພັດທະນາເມື່ອທຽບໃສ່ 6 ປະເທດ ອາຊຽນ ໃນພາກພື້ນ ແລະ ກຳລັງດັນແກ້ງແຍ້ງເມື່ອບັນດາປະເທດ ອາຊຽນ ຍົກເລີກຮົ້ວກີດຂວາງດ້ານພາສີ ແລະ ປອດພາສີ. ທ່ານ ເລຈ້ຽວຢູງ, ຮອງຫົວຫນ້າກົມນະໂຍບາຍດ້ານການຄ້າຫລາຍຝ່າຍ, ກະຊວງອຸດສາຫະກຳ ການຄ້າ ຫວຽດນາມ ໃຫ້ຮູ້ຕື່ມອີກວ່າ:
“ພວກເຮົາພວມເຂົ້າຮ່ວມຢ່າງຕັ້ງຫນ້າ, ເປັນເຈົ້າການ. ເຖິງຢ່າງໃດກໍຕາມ, ໃນວິວັດການດັ່ງກ່າວ ສິ່ງທ້າທາຍໃຫຍ່ສຸດແມ່ນວິວັດການແກ້ງແຍ້ງ, ເມື່ອເປີດປະຕູສິນຄ້າບໍລິການເສລີ, ວິສາຫະກິດຕ້ອງແກ້ງແຍ້ງຢ່າງແຮງກວ່າ. ນີ້ແມ່ນວິວັດທະນາການ, ຄຳໝັ້ນສັນຍາຂອງຫວຽດນາມ ບໍ່ແມ່ນຮອດປີ 2015 ຈຶ່ງຍົກອອກມາ ຊື່ງອົງການຄຸ້ມຄອງໄດ້ມີວິວັດທະນາການແລ້ວ. ອົງການຄຸ້ມຄອງລັດ ຄວນສ້າງສະພາບແວດລ້ອມແຫ່ງການດຳເນີນທຸລະກິດຢ່າງສະດວກ. ກ່ຽວກັບບັນດາວິສາຫະກິດ ຕ້ອງຊອກຮູ້, ຄົ້ນຄ້ວາ ເພື່ອມີຍຸດທະສາດດຳເນີນທຸລະກິດຍາວນານ ແລະ ເໝາະສົມ, ຍາດແຍ່ງບັນດາກາລະໂອກາດນຳມາໃຫ້.”
ມານພະຍາຍາມເຊື່ອມໂຍງເຂົ້າກັບເສດຖະກິດພາກພື້ນ
ມາຮອດປະຈຸບັນ, ຫວຽດນາມ ໄດ້ມີການກະກຽມນັບທັງບັນດາອົງການກ່ຽວຂ້ອງ ແລະ ວິສາຫະກິດ ເພື່ອເຂົ້າຮ່ວມ AEC ຢ່າງມີປະສິດທິຜົນ. ທ່ານ ຫງວຽນເກີມຕູ, ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຢືນຢັນວ່າ:
“ທີຫນຶ່ງ, ພວກເຮົາມານະພະຍາຍາມ ແລະ ສຳເລັດບັນດາມາດຕະການທີ່ໄດ້ຍົກອອກໃນແຜນການສັງລວມປະຊາຄົມເສດຖະກິດ ອາຊຽນ ຢ່າງມີປະສິດທິຜົນ. ທີສອງ ພວກເຮົາ ສືບຕໍ່ປະຕິບັດບັນດາຄຳໝັ້ນສັນຍາໃນ ອາຊຽນ, ຄຳໝັ້ນສັນຍາໃນອົງການການຄ້າໂລກ ແລະ ບັນດາຄຳໝັ້ນສັນຍາໃນໂຄງປະກອບເຊື່ອມໂຍງອື່ນເປັນຢ່າງດີ. ນີ້ຈະແມ່ນບາດກ້າວຊຸກຍູ້ຢ່າງແຮງໃຫ້ແກ່ການພັດທະນາເສດຖະກິດ ຂອງປະເທດຊາດ. ຜ່ານນັ້ນ ຫວຽດນາມ ມີພື້ນຖານອັນໝັ້ນແກ່ນ, ສືບຕໍ່ເຊື່ອມໂຍງຢ່າງ ເລິກເຊິ່ງ ກວ້າງຂວາງເຂົ້າກັບພື້ນຖານເສດຖະກິດໂລກສຳເລັດຜົນ.”
ໂດຍຮັບຮູ້ໄດ້ບັນດາກາລະໂອກາດກໍຄືສິ່ງທ້າທາຍ ຊ່ວຍໃຫ້ຫວຽດນາມ ກຳນົດຍຸດທະສາດຢ່າງຈະແຈ້ງ, ເຂົ້າຮ່ວມເປັນເຈົ້າການ, ຕັ້ງຫນ້າກວ່າ, ຮັບມືຢ່າງມີໄຫວພິບ ແລະ ມີປະສິດທິຜົນກວ່າເຂົ້າໃນວິວັດການສ້າງຕັ້ງ AEC. ປີ 2015 ແນ່ນອນວ່າເປັນຂີດໝາຍແຫ່ງບາດກ້າວພັດທະນາໃຫມ່ໃນການເຊື່ອມໂຍງເຂົ້າກັບເສດຖະກິດ ອາຊຽນ ຂອງຫວຽດນາມ.