(vovworld) - ປີ 2015, ແມ່ນປີພິເສດໃນການພົວພັນຫວຽດນາມ - ອາເມລິກາ, ເປັນຂີດໝາຍໄລຍະ 20 ປີ ແຫ່ງການສ້າງການພົວພັນທາງການທູດເປັນປົກກະຕິ ແລະ 40 ປີພາບຫຼັງທີ່ສົງຄາມຢູ່ຫວຽດນາມ ສິ້ນສຸດລົງ. ຍູ້ແຮງເລື່ອງຜັນຂະຫຍາຍການແກ້ໄຂຜົນຮ້າຍຢ້ອນຫຼັງຈາກສົງຄາມ, ໃນນັ້ນເອົາໃຈໃສ່ເປັນພິເສດເຖິງວຽກງານເກັບກູ້ລະເບີດບໍ່ທັນແຕກຫຼັງສົງຄາມ, ແມ່ນຈຸດສຸມແຫ່ງການຮ່ວມມືປ້ອງກັນຊາດລະຫວ່າງຫວຽດນາມ - ອາເມລິກາ ໃນປີ 2015.
ການນຳແຂວງກວາງຈີ້ໃຫ້ການຕ້ອນຮັບທ່ານນາງ
ລັດຖະມົນຕີຊ່ວຍວາການກະຊວງການຕ່າງປະເທດອາເມລິກາ Rose.E. Gottemoeller
ການຮ່ວມມືແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກຫຼັງສົງຄາມລະຫວ່າງຫວຽດນາມ - ອາເມລິກາ ໃນໄລຍະຜ່ານມາໄດ້ຮັບການຜັນຂະຫຍາຍຢ່າງຕັ້ງໜ້າ ແລະ ໄດ້ມີບາດກ້າວທີ່ເໝາະສົມ. ທັງສອງປະເທດໄດ້ສ້າງບັນດາຮູບແບບເຄື່ອນໄຫວທີ່ມີປະສິດທິຜົນສູງ. ເຖິງຢ່າງໃດກໍ່ຕາມ, ວຽກງານນີ້ຕ້ອງການແຫຼ່ງທຶນ ແລະ ແຫຼ່ງຊັບພະຍາກອນມະນຸດຢ່າງຫຼວງຫຼາຍ ກໍ່ຄືຮຽກຮ້ອງໃຫ້ມີຄວາມມານະພະຍາຍາມຮ່ວມມືໃນໄລຍະຍາວ.
ຍູ້ແຮງຄວາມຄືບໜ້າໃນການຮ່ວມມືເກັບກູ້ລະເບີດບໍ່ທັນແຕກ
ຕົ້ນເດືອນ 3/2015, ໃນການຢ້ຽມຢາມ ແລະ ເຮັດວຽກຢູ່ຫວຽດນາມ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາ, ຮັບຜິດຊອບໜ້າທີ່ກວດກາອາວຸດ ແລະ ຄວາມປອດໄພສາກົນ, ທ່ານນາງ Rese Gottemoeller ໄດ້ລົງກວດກາໂດຍກົງຢູ່ແຂວງກວາງຈີ້, ເຊິ່ງແມ່ນທ້ອງຖີ່ນທີ່ຖືກຜົນສະທ້ອນຢ່າງໜັກໜ່ວງທີ່ສຸດຍ້ອນລະເບີດບໍ່ທັນແຕກຫຼັງສົງຄາມ. ທ່ານນາງ Rese Gottemoeller ໄດ້ແບ່ງປັນວ່າ.
“ຂ້າພະເຈົ້າໄດ້ລົງກວດກາຕົວຈິງກ່ຽວກັບວຽກງານເກັບກູ້ລະເບີດບໍ່ທັນແຕກຫຼັງສົງຄາມ ແລະ ຂ້າພະເຈົ້າເອງກໍ່ເປັນຜູ້ກົດປຸ່ມທຳລາຍອາວຸດທີ່ອັນຕະລາຍນີ້. ຂ້າພະເຈົ້າໄດ້ມີໂອກາດພົບປະກັບຜູ້ປະສົບເຄາະຮ້າຍຈາກ ລະເບີດບໍ່ທັນແຕກຫຼັງສົງຄາມ, ຂ້າພະເຈົ້າກໍ່ໂອ້ລົມ ແລະ ເຂົ້າໃຈໄດ້ຄວາມເສຍຫາຍ, ມານະຈິດໃນການສ້າງຊີວິດຄືນໃໝ່ຂອງເຂົາເຈົ້າ ແລະຂ້າພະເຈົ້າເອງໄດ້ປູກຕົ້ນໄມ້ໃນເຂດດິນເກີດສົງຄາມເມື່ອກ່ອນນີ້, ຄືດັ່ງສານຢາກແກ້ໄຂຜົນຮ້າຍຢ້ອນຫຼັງຈາກສົງຄາມດ້ວຍສີຂຽວຂອງຕົ້ນໄມ້ນີ້“
ໃນການຢ້ຽມຢາມ, ທ່ານນາງ Rese Gottemoeller ກໍ່ໃຫ້ຮູ້ວ່າ, ໃນປີນີ້, ລັດຖະບນອາເມລິກາ ຈະອຸປະຖຳໃຫ້ຫວຽດນາມ 10 ລ້ານ USD, ໃນນັ້ນ ກວາງຈີ້ ໄດ້ຮັບ 8 ລ້ານ USD, ເພື່ອປະຕິບັດໂຄງການໃໝ່, ແນໃສ່ສ້າງສຸນຂໍ້ມູນບັນດາສະຖານທີ່ໄດ້ຮັບບຸລິມາສິດໃນການເກັບກູ້ລະເບີດບໍ່ທັນແຕກ, ຊ່ວຍວິວັດການເກັບກູ້ລະເບີດບໍ່ທັນແຕກຫຼັງສົງຄາມໃຫ້ບັນລຸປະສິດທິຜົນສູງກວ່າ.
ລະດົມທຸກແຫຼ່ງກຳລັງໃຫ້ວຽກງານເກັບກູ້ລະເບີດບໍ່ທັນແຕກຫຼັງສົງຄາມ
ພາຍຫຼັງສົງຄາມສິນສຸດລົງ, ຫວຽດນາມ ກໍ່ດຳເນີນການເກັບກູ້ລະເບີດບໍ່ທັນແຕກ. ດ້ວຍຄວາມມານະພະຍາຍາມຂອງລັດ, ອຳນາດການປົກຄອງທ້ອງຖີ່ນ ແລະ ບັນດາອົງການບໍ່ຂຶ້ນກັບລັດຖະບານຂອງຕ່າງປະເທດ. ພິເສດແມ່ນບັນດາອົງການບໍ່ຂຶ້ນກັບລັດຖະບານອາເມລິກາ, ຈຳນວນຜູ້ຖືກເຄາະຮ້າຍຈາກລະເບີດບໍ່ທັນແຕກໄດ້ລຸດລົງພໍສົມຄວນ. ໃນ 20 ປີຜ່ານມາ, ບັນດາອົງການບໍ່ຂຶ້ນກັບລັດຖະບານອາເມລິກາ ໄດ້ໜູນຊ່ວຍເງິນປະມານ 80 ລ້ານ USD ເພື່ອແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ. ບໍ່ພຽງແຕ່ຫຼຸດຜ່ອນຜົນສະທ້ອນຈາກລະເບີດບໍ່ທັນແຕກເທົ່ານັ້ນ, ເຂົາເຈົ້າຍັງປະກອບສ່ວນປັບປຸງຊີວິດການເປັນຢູ່ຂອງປະຊາຊົນພໍສົມຄວນອີກດ້ວຍ. ທ່ານ Bob Stokes, ຜູ້ອຳນວຍການອົງການ Peace Trees ຫວຽດນາມ, ເຊິ່ງແມ່ນອົງການບໍ່ຂຶ້ນກັບລັດຖະບານອາເມລິກາ ແຫ່ງທຳອິດທີ່ເຄື່ອນໄຫວໃນຂົງເຂດເກັບກູ້ລະເບີດບໍ່ທັນແຕກຫຼັງສົງຄາມຢູ່ແຂວງກວາງຈີ້ ນັບແຕ່ປີ 1975, ໃຫ້ຮູ້ວ່າ:
“ຂ້າພະເຈົ້າເຫັນວ່າຍັງມີຫຼາຍບັນຫາຫຼັງສົງຄາມ ແລະ ປະຈຸບັນບໍ່ທັນມີການກະທຳໃດເພື່ອແກ້ໄຂບັນຫາລະເບີດບໍ່ທັນແຕກຫຼັງສົງຄາມຢ່າງເຖິງຖອງເທື່ອ. ດັ່ງນັ້ນປະຈຸບັນ, ພວກຂ້າພະເຈົ້າມີການເຄື່ອນໄຫວຕ່າງໆເພື່ອໜູນຊ່ວຍຊາວກວາງຈີ້, ພິເສດແມ່ນເດັກນ້ອຍ ແລະ ບັນດາຜູ້ທຸກຍາກໃນແຂວງ“.
ທ່ານນາງ Rose.E. Gottemoeller ໄປກວດກາສະຖານທີ່ເກັບກູດລະເບີດບໍ່ທັນແຕກ
ຢູ່ຕາແສງຈ້ຽວອ໋າຍ, ເມືອງຈ້ຽວຟອງ
ຄວນມານະພະຍາຍາມຮ່ວມມືໃນໄລຍະຍາວ
ຕາມການຄາດຄະເນແລ້ວ, ດ້ວຍການແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກໃນ 5 ປີຜ່ານມາ ແມ່ນຈະຕ້ອງເສຍເວລາເຖິງ 300 ປີອີກຈຶ່ງແກ້ໄຂບັນຫາລະເບີດບໍ່ທັນແຕກຫຼັງສົງຄາມຢູ່ຫວຽດນາມ ຢ່າງເຖິງຖອງໄດ້. ໂດຍແມ່ນປະເທດພວມພັດທະນາ, ຄຽງຂ້າງກຳລັງພາຍໃນແລ້ວ, ຫວຽດນາມ ຍັງຕ້ອງການໄດ້ຮັບການຮ່ວມມືກັບສາກົນໃນຂົງເຂດນີ້ອີກ, ພິເສດແມ່ນບັນດາຄຳໝັ້ນສັນຍາໜູນຊ່ວຍໃນໄລຍະຍາວຈາກລັດຖະບານອາເມລິກາ. ເດືອນ 3 ຜ່ານມາ, ໃນການຢ້ຽມຢາມ ແລະ ເຮັດວຽກຢູ່ອາເມລິກາ, ຫວຽດນາມ ໄດ້ສະເໜີຫຼາຍໂຄງການຮ່ວມມືຢ່າງລະອຽດ, ເພື່ອແນໃສ່ຍູ້ໄວວຽກງານເກັບກູ້ລະເບີດບໍ່ທັນແຕກ ແລະ ຂໍ້ສະເໜີຂອງຫວຽດນາມ ໄດ້ຮັບການສະໜັບສະໜູນຢ່າງຕັ້ງໜ້າຈາກລັດຖະບານອາເມລິກາ. ໃນການຢ້ຽມຢາມນີ້, ທ່ານຮອງລັດຖະມົນຕີຊ່ວຍວ່າການກະຊວງປ້ອງກັນປະເທດຫວຽດນາມ ຫງວຽນຈີ໋ວິ້ງ, ໃຫ້ຮູ້ວ່າ:
“ຫວຽດນາມ ໄດ້ສະເໜີ 3 ໂຄງການ. ທີໜຶ່ງແມ່ນເກັບກູ້ລະເບີດບໍ່ທັນແຕກຢູ່ບາງທ້ອງຖີ່ນທີ່ຖືກມົນລະພິດຢ່າງໜັກໜ່ວງ. ທີສອງແມ່ນອາເມລິກາ ຄວນໜູນຊ່ວຍຫວຽດນາມ ກໍ່ສ້າງສູນຂໍ້ມູນກ່ຽວກັບລະເບີດບໍ່ທັນແຕກ ແລະ ຜູ້ປະສົບເຄາະຮ້າຍຈາກລະເບີດບໍ່ທັນແຕກ ແລະ ທີສາມແມ່ນຜັນຂະຫຍາຍໂຮງງານຜະລິດອົງຄະທຽມຢູ່ແຕ່ລະແຂວງ. ຫວັງວ່າຫວຽດນາມ ແລະ ອາເມລິກາ ຈະລົງນາມໃນບັນດາໂຄງການລະອຽດດັ່ງກ່າວໂດຍໄວ“.
ຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ ຍັງໜັກໜ່ວງຢູ່. ການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ, ບໍ່ພຽງແຕ່ເປັນການແກ້ໄຂຜົນຮ້າຍໃນອະດີດຕະການເທົ່ານັ້ນ, ຫາກຍັງເປີດປະຕູໃຫ້ແກ່ອະນາຄົດອີກດ້ວຍ. ພາຍຫຼັງ 40 ປີ ແຫ່ງສົງຄາມ ແລະ 20 ປີ ແຫ່ງການສ້າງການພົວພັນທາງການທູດເປັນປົກກະຕິ. ຫວຽດນາມ ແລະ ອາເມລິກາພວມມານະພະຍາຍາມຜັນຂະຫຍາຍຕາມທິດດັ່ງກ່າວ.