(vovworld)- ປີ 2016 ແມ່ນປີ ຊື່ງຫວຽດນາມສືບຕໍ່ລົງນາມໃນສັນຍາການຄ້າເສລີ (FTA) ສອງຝ່າຍ, ຫລາຍຝ່າຍ ແລະ ກໍແມ່ນປີທີ່ FTA ບາງສະບັບມີຜົນສັກສິດຢ່າງເປັນທາງການ. ໃນປີຜ່ານມາ, ບັນດາອົງການກ່ຽວຂ້ອງຂອງຫວຽດນາມ ກໍຄືປະຊາຄົມວິສາຫະກິດໄດ້ຜັນຂະຫຍາຍຫລາຍບາດກ້າວເພື່ອປະຕິບັດ, ຍາດແຍ່ງບັນດາທ່າໄດ້ປຽບຊື່ງ FTA ນຳມາໃຫ້ພື້ນຖານເສດຖະກິດ.
.jpg) |
ຮອດປີ 2016, ຫວຽດນາມ ໄດ້ລົງນາມໃນສັນຍາການຄ້າເສລີສອງຝ່າຍ ແລະ ຫລາຍຝ່າຍຫລາຍສະບັບ, ສິ້ນສຸດການເຈລະຈາສັນຍາການຄ້າເສລີ ຫວຽດນາມ ແລະ ສະຫະພາບເອີລົບ ເຊິ່ງປະຈຸບັນພວມຜັນຂະຫຍາຍການເຈລະຈາສັນຍາຄູ່ຮ່ວມມືຮອບດ້ານພາກພື້ນ (RCEP), ຫວຽດນາມ ແລະ ອິດສະຣາແອນ, ຫວຽດນາມ ແລະ ກູບາ, ອາຊຽນ ແລະ ຮົ່ງກົງ…. ປີ 2016 ກໍແມ່ນປີທຳອິດຫວຽດນາມ ກາຍເປັນສະມາຊິກຂອງປະຊາຄົມເສດຖະກິດ ອາຊຽນ ຢ່າງເປັນທາງການ (ນັບແຕ່ວັນທີ 1/1/2016), FTA ລະຫວ່າງຫວຽດນາມ ແລະ ສະຫະພັນເສດຖະກິດ ອາຊີ - ເອີລົບເລີ່ມມີຜົນສັກສິດ. ຂອບເຂດການເຊື່ອມໂຍງເຂົ້າກັບເສດຖະກິດສາກົນນັບມື້ນັບໄດ້ຮັບການເປີດກວ້າງຈາກດ້ານການຄ້າສິນຄ້າໄປສູ່ການຄ້າບໍລິການ, ໃນນັ້ນ ມີບໍລິການການເງິນ, ການລົງທຶນ, ລັດວິສາຫະກິດ, ການຊື້ເຄື່ອງຂອງຂອງລັດຖະບານ.
ຜັນຂະຫຍາຍການປະຕິບັດຈາກບັນດາກະຊວງ, ຂະແຫນງການ, ທ້ອງຖິ່ນ
ໃນການເຊື່ອມໂຍງດ້ານການເງິນ, ກະຊວງການເງິນ ໄດ້ຍື່ນສະເຫນີຕໍ່ລັດຖະບານເພື່ອປະກາດໃຊ້ ຕາຕະລາງພາສີສິນຄ້ານຳເຂົ້າບຸລິມະສິດພິເສດ 10 ສະບັບນັບແຕ່ວັນທີ 1/9/2016. ຄຽງຄູ່ກັນນັ້ນ, ການຮ່ວມມືດ້ານການເງິນໃນປີ 2016 ນັບມື້ນັບໄດ້ຮັບການເປີດກວ້າງ ດ້ວຍເລື່ອງ ບັນດາລັດຖະມົນຕີການເງິນ ອາຊຽນ ໄດ້ຮັບຮອງເອົາແຜນການດຳເນີນງານຍຸດທະສາດກ່ຽວກັບການເຊື່ອມໂຍງດ້ານການເງິນ ອາຊຽນຮອດປີ 2025. ປີ 2016, ກະຊວງການເງິນກໍສືບຕໍ່ຜັນຂະຫຍາຍບັນດາຄຳໝັ້ນສັນຍາກ່ຽວກັບພາສີນຳເຂົ້າ. ຕາມບົດແນະນຳທີ່ໄດ້ປະກາດໃຊ້ບັນດາຕາຕະລາງ FTA, ສ້າງຂັ້ນຕອນການໃຫ້ຄຳໝັ້ນສັນຍາກ່ຽວກັບພາສີນຳເຂົ້າ ສົ່ງອອກ. ໃນຂົງເຂດການຄ້າ, ເພື່ອໃຫ້ເໝາະສົມກັບບັນດາຄຳໝັ້ນສັນຍາໃນ FTA, ທ່ານເຈີນຕວນແອງ, ລັດຖະມົນຕີກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ:
“ໃນໄລຍະຜ່ານມາ ພວກເຮົາໄດ້ປະຕິບັດແຜນຮ່າງໃຫຍ່ຫລາຍສະບັບກໍຄືປະຕິບັດບັນດາຄຳໝັ້ນສັນຍາເຊື່ອມໂຍງ. ກ່ຽວກັບຫລັກການ ພວກເຮົາໄດ້ໃຫ້ຄຳໝັ້ນສັນຍາເປີດປະຕູໃຫ້ແກ່ບັນດາວິສາຫະກິດມີເງິນລົງທຶນຂອງຕ່າງປະເທດໃນຂົງເຂດຂາຍຍ່ອຍ, ຄຽງຄູ່ກັນນັ້ນ ພວກເຮົາກໍມີເຄື່ອງມື ເພື່ອດັດປັບໃຫ້ເໝາະສົມກັບບັນດາຕະຫລາດຂາຍຍ່ອຍພາຍໃນປະເທດ. ກະຊວງອຸດສາຫະກຳ ການຄ້າ ພວມສ້າງແຜນຮ່າງຍຸດທະສາດກ່ຽວກັບການພັດທະນາອຸດສາຫະກຳຂາຍຍ່ອຍປີ 2017 ແລະ ວິໄສທັດຮອດປີ 2025. ນອກນັ້ນ ເລື່ອງຮີບເຮັ່ງສ້າງ ແລະ ປັບປຸງລະບົບຮົ້ວກີດຂວາງດ້ານເຕັກນິກໃຫ້ສຳເລັດເພື່ອປົກປ້ອງບັນດາຜະລິດຕະພັນທີ່ໄດ້ຮັບການຜະລິດຢູ່ພາຍໃນປະເທດ ແລະ ຕະຫລາດພາຍໃນປະເທດຢ່າງເໝາະສົມກັບຄຳໝັ້ນສັນຍາເຊື່ອມໂຍງ.”
ໃນຂະນະນັ້ນ, ບັນດາກະຊວງ, ຂະແຫນງການ ແລະ ທ້ອງຖິ່ນ ໄດ້ສຸມໃສ່ແກ້ໄຂຮົ້ວກີດຂວາງກ່ຽວກັບລະບອບລະບຽບການ, ຍູ້ແຮງບັນດາການເຄື່ອນໄຫວສະຫນອງຂໍ້ມູນຂ່າວສານ, ຫນູນຊ່ວຍວິສາຫະກິດຊອກຫາຕະຫລາດ, ຄູ່ຮ່ວມມື, ຫນູນຊ່ວຍວິສາຫະກິດຍົກສູງກຳລັງຄວາມສາມາດແກ້ງແຍ້ງໃນວິວັດການເຊື່ອມໂຍງ.
ເປັນເຈົ້າການໃນການເຊື່ອມໂຍງ ແລະ ບັນດາສິ່ງທ້າທາຍ
ມີສັນຍາ FTA ລຸ້ນໃຫມ່ຫລາຍສະບັບ ດ້ວຍຂອບເຂດຄຳໝັ້ນສັນຍາເປີດກວ້າ, ລະດັບຄຳໝັ້ນສັນຍາເລິກເຊິ່ງ, ບັນດາກາລະໂອກາດ ແລະ ສິ່ງທ້າທາຍທີ່ໄດ້ວາງອອກສຳລັບວິສາຫະກິດແມ່ນໃຫຍ່ຫລວງ. ໝາກຜົນສຳຫລວດວິສາຫະກິດ 1.500 ແຫ່ງ ໂດຍຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ປະກາດໃນປີ 2016 ສະແດງໃຫ້ເຫັນວ່າ: 88% ຈຳນວນວິສາຫະກິດມີແຜນການປັບປຸງກຳລັງຄວາມສາມາດການຜະລິດເພື່ອຍາດແຍ່ງກາລະໂອກາດຈາກບັນດາສັນຍາ FTA. ຕາມທ່ານນາງ ຫງວຽນທິທູຈາງ, ຜູ້ອຳນວຍການສູນ WTO ຂຶ້ນກັບ VCCI, ບັນດາວິສາຫະກິດ ສ່ວນຫລາຍມີຄວາມກຽມພ້ອມກ່ວາໃຫ້ແກ່ບັນດາສັນຍາການຄ້າເສລີເມື່ອທຽບໃສ່ໄລຍະກ່ອນນີ້. ການເປັນເຈົ້າການກວ່າຂອງບັນດາວິສາຫະກິດກໍສະແດງໃຫ້ເຫັນວ່າ ເຂົາເຈົ້າມີສະຕິຈະແຈ້ງກວ່າກ່ຽວກັບກາລະໂອກາດຂອງຕົນຖ້າຫາກມີການຫັນປ່ຽນເອງໃນການຜະລິດ, ປ່ຽນແປງອົງປະກອບປະເພດສິນຄ້າ, ຊອກຫາ ແລະ ກຳແຫນ້ນຂໍ້ມູນຂ່າວສານໃຫມ່ກ່ຽວກັບບັນດາຕະຫລາດສົ່ງອອກ ເມື່ອ FTA ມີຜົນສັກສິດ. ຕາມນັ້ນແລ້ວ, ບັນດາບັນຫາໂດຍວິສາຫະກິດກະກຽມຫລາຍສຸດໃຫ້ແກ່ບັນດາ FTA ລວມມີ: ຄຸນນະພາບຜະລິດຕະພັນ, ຍາດແຍ່ງເຕັກໂນໂລຊີ ແລະ ສຳພັດກັບບັນດາຕະຫລາດໃຫມ່. ເຖິງຢ່າງໃດກໍຕາມ ມີວິສາຫະກິດຫລາຍແຫ່ງຍັງບໍ່ທັນກຽມພ້ອມ ຢ່າງພຽງພໍຍ້ອນບັນດາຄຳໝັ້ນສັນຍາໃນ FTA ແມ່ນສັບສົນທີ່ສຸດ. ຄວາມເຂົ້າໃຈບັນດາຄຳໝັ້ນສັນຍາທີ່ໄດ້ກຳນົດໃນບັນດາສັນຍາ FTA ແລະ ຜ່ານຜ່າສິ່ງທ້າທາຍການແກ້ງແຍ້ງ ແມ່ນເງື່ອນໄຂທຳອິດເພື່ອໃຫ້ ວິສາຫະກິດ ຍາດແຍ່ງບັນດາກາລະໂອກາດກໍຄືແກ້ໄຂບັນດາຄວາມສ່ຽງ, ສິ່ງທ້າທາຍຈາກບັນດາສັນຍາ FTA. ສະນັ້ນ ຄວາມຮຽກຮ້ອງຕ້ອງການທຳອິດ ນັ້ນແມ່ນບັນດາວິສາຫະກິດເອງຕ້ອງມານະພະຍາຍາມຢ່າງແທ້ຈິງເພື່ອຍົກສູງກຳລັງຄວາມສາມາດແກ້ງແຍ້ງ ແລະ ການພັດທະນາແບບຍືນຍົງ. ທ່ານນາງ ຟ້າມຈີລານ ຜູ້ຊ່ຽວຊານດ້ານເສດຖະກິດຖືວ່າ:
“ໃນວິວັດການເຊື່ອມໂຍງ, ຫວຽດນາມ ພວມມີຄວາມຮັບຮູ້ຢ່າງຈະແຈ້ງກວ່າເວລາໃດໝົດ ນັ້ນແມ່ນຢາກພັດທະນາຕ້ອງອີງໃສ່ກຳລັງແຮງພາຍໃນ, ສຸມໃສ່ເພີ່ມທະວີກຳລັງແຮງພາຍໃນຂອງພື້ນຖານເສດຖະກິດ, ນັບທັງກຳລັງແຮງພາຍໃນຂອງບັນດາວິສາຫະກິດຫວຽດນາມ ເພາະວ່າ ບໍ່ມີປະເທດໃດພັດທະນາໄດ້ ຖ້າຫາກອີງໃສ່ແຫລ່ງກຳລັງຈາກພາຍນອກ. ການເຊື່ອມໂຍງແມ່ນສຳຄັນແທ້ ແຕ່ການເຊື່ອມໂຍງເຂົ້າກັບສາກົນຕ້ອງບັນລຸໄດ້ ພ້ອມກັນນັ້ນ ຄາດໝາຍແມ່ນເພີ່ມທະວີກາລັງແຮງພາຍໃນຂອງປະເທດຊາດ, ເຮັດໃຫ້ຫວຽດນາມ ເຂັ້ມແຂງກວ່າ, ມີກຳລັງແກ້ງແຍ້ງໃນໂລກກວ່າ ການເຊື່ອມໂຍງນັ້ນຈຶ່ງມີຄຸນຄ່າ.”
ປີ 2016 ຫວຽດນາມ ເລີ່ມກ້າວເຂົ້າສູ່ໄລຍະປະຕິບັດບັນດາສັນຍາການຄ້າເສລີລຸ້ນໃຫມ່, ມີລະດັບຫັນເປັນເສລີເລິກເຊິ່ງ, ຂອບເຂດກວ້າງຂວາງກວ່າ. ເລື່ອງເປັນເຈົ້າການໃນການຜັນຂະຫຍາຍ ແລະ ຍາດແຍ່ງບັນດາທ່າໄດ້ປຽບຊື່ງບັນດາສັນຍາ FTA ນຳມາໃຫ້ເປັນຢ່າງດີກວ່າ, ປະກອບສ່ວນເປີດຊ່ອງທາງເຊື່ອມໂຍງຢ່າງສະດວກກວ່າໃຫ້ແກ່ບັນດາວິສາຫະກິດຫວຽດນາມ ກໍຄືທົ່ວພື້ນຖານເສດຖະກິດ. ພ້ອມກັນນັ້ນ ຜ່ານການປະຕິບັດບັນດາຄຳໝັ້ນສັນຍາ ຂອງ FTA, ສະພາບແວດລ້ອມແຫ່ງການລົງທຶນ, ດຳເນີນທຸລະກິດຂອງຫວຽດນາມ ນັບມື້ນັບໄດ້ຮັບການປັບປຸງ.