(vovworld)- ກອງປະຊຸມຂັ້ນສູງ ສປຊ ພາກພື້ນ ອາຊີ ປາຊີຟີກ ກ່ຽວກັບການເພີ່ມທະວີການຮ່ວມມື ລະຫວ່າງບັນດາປະເທດບໍ່ມີທະເລ ແລະ ປະເທດທາງຜ່ານ ເພື່ອສ້າງຄວາມສະດວກດ້ານການຄ້າ ແລະ ປະຕິບັດໂຄງການດຳເນີນງານ 2030 ເພື່ອການພັດທະນາແບບຍືນຍົງ, ແມ່ນຫນຶ່ງໃນບັນດາການເຄື່ອນໄຫວໂດຍຫວຽດນາມ ຈັດຕັ້ງໄດ້ສິ້ນສຸດໃນວັນທີ 9/3 ຢູ່ ຮ່າໂນ້ຍ ພາຍຫລັງດຳເນີນມາເປັນເວລາ 3 ວັນ. ກອງປະຊຸມອີກຄັ້ງຫນຶ່ງໄດ້ຢັ້ງຢືນຄຳໝັ້ນສັນຍາຂອງຫວຽດາມ ໃນການຊຸກຍູ້ການຮ່ວມມືສາກົນ, ເພື່ອແນໃສ່ປະຕິບັດສຳເລັດຜົນບັນດາເປົ້າໝາຍພັດທະນາແບບຍືນຍົງຂອງໂຄງການດຳເນີນງານ 2030 ຊື່ງໄດ້ຮັບການຮັບຮອງເອົາຈາກ
ສປຊ .
ບັນດາຜູ້ແທນເຂົ້າຮ່ວມກອງປະຊຸມ
ພາບ:
|
ໂດຍມີການເຂົ້າຮ່ວມເປັນຈຳນວນຫລວງຫລາຍຂອງຜູ້ແທນ ກວ່າ 200 ທ່ານທີ່ມາຈາກ 40 ປະເທດ ແລະ 29 ອົງການຈັດຕັ້ງສາກົນ, ກອງປະຊຸມດັ່ງກ່າວໄດ້ວາງອອກບັນດາມາດຕະການລະອຽດ ເພື່ອແນໃສ່ຊຸກຍູ້ການເຊື່ອມຕໍ່ ແລະສ້າງຄວາມສະດວກດ້ານການຄ້າ, ໃນນັ້ນ ມີການຫນູນຊ່ວຍບັນດາປະເທດບໍ່ມີທະເລ ແລະ ບັນດາປະເທດທາງຜ່ານ ປະຕິບັດບັນດາເປົ້າໝາຍພັດທະນາແບບຍືນຍົງສຳເລັດຜົນ. ໃນສະພາບການເສດຖະກິດໂລກ ມີການຜັນແປທີ່ສັບສົນຫລາຍຢ່າງ ແລະ ບັນດາປະເທດກ້າວເຂົ້າປີທີ 2 ແຫ່ງການປະຕິບັດໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງ, ເລື່ອງຈັດຕັ້ງກອງປະຊຸມຄັ້ງນີ້ເພື່ອແນໃສ່ສືບຕໍ່ຢັ້ງຢືນຄຳໝັ້ນສັນຍາຂອງຫວຽດນາມ ໃນການປະຕິບັດໂຄງການດຳເນີນງານ 2030 ແລະ ຊຸກຍູ້ການຮ່ວມມືສາກົນ ເພື່ອຫນູນຊ່ວຍບັນດາປະເທດປະຕິບັດບັນດາເປົ້າໝາຍພັດທະນາແບບຍືນຍົງສຳເລັດຜົນ.
ຊຸກຍູ້ໂຄງການດຳເນີນງານ 2030 ຜ່ານການຫັນການຄ້າເປັນເສລີ
ບັນດາເອກະສານຂອງ ສປຊ ຄື: ໂຄງການເຄື່ອນໄຫວ ວຽນ, ໂຄງການດຳເນີນງານເພື່ອການພັດທະນາແບບຍືນຍົງ 2030 ແລະ ໂຄງການເຄື່ອນໄຫວ Addis Ababa ລ້ວນແຕ່ຢືນຢັນວ່າ: ດ້ານການຄ້າແມ່ນປັດໄຈຕັດສິນຊີ້ຂາດເພື່ອປະຕິບັດໂຄງການດຳເນີນງານເພື່ອການພັດທະນາແບບຍືນຍົງ 2030 ພ້ອມທັງຮັບຮູ້ບັນດາສິ່ງທ້າທາຍ ແລະ ຄວາມຕ້ອງການພິເສດຂອງບັນດາປະເທດບໍ່ມີທະເລ. ສະນັ້ນ ການຮ່ວມມືຫນູນຊ່ວຍບັນດາປະເທດບໍ່ມີທະເລ ແລະ ປະເທດທາງຜ່ານ ໃນການແກ້ໄຂຄວາມຫຍຸ້ງຍາກ, ເຊື່ອມໂຍງນັບມື້ນັບເລິກເຊິ່ງເຂົ້າໃນບັນດາລະບົບມູນຄ່າຂອງພາກພື້ນ ແລະ ທົ່ວໂລກ, ຮັບປະກັນບໍ່ປະໃຫ້ປະເທດໃດຖືກປະຢູ່ທາງຫລັງໃນວິວັດການພັດທະນາຂອງສັດຕະວັດທີ 21, ແມ່ນຫນຶ່ງໃນບັນດາເນື້ອໃນຈຸດສຸມຂອງໂຄງການດຳເນີນງານ 2030 ຊື່ງ ສປຊ ໄດ້ຮັບຮອງເອົາ. ທ່ານຮອງເລຂາທິການໃຫຍ່ ສປຊ Gyan Chandra Acharya ຢືນຢັນວ່າ:
“ໂຄງການດຳເນີນງານເພື່ອການພັດທະນາແບບຍືນຍົງ 2030 ແມ່ນຮັບຮູ້ບັນດາສິ່ງທ້າທາຍນີ້ ແລະ ປະຊາຄົມສາກົນໃຫ້ຄຳໝັ້ນສັນຍາຈະຊ່ວຍບັນດາປະເທດບໍ່ມີທະເລເພື່ອແກ້ໄຂບັນດາຂໍ້ຈຳກັດນີ້. ບັນດາຂົງເຂດຮ່ວມມືຈະສຸມໃສ່ເພີ່ມທະວີການຮ່ວມມື ແລະ ການເຊື່ອມໂຍງພາກພື້ນ ເພື່ອແນໃສ່ຍົກລະດັບພື້ນຖານໂຄງລ່າງ, ພິເສດແມ່ນບັນດາຂໍ້ລິເລິ່ມເຊື່ອມຕໍ່, ປັບປຸງກອບກົດໝາຍ, ສ້າງລະບຽບການດ້ານພາສີໃຫ້ມີຄວາມກົມກຽວ, ຕັ້ງຫນ້າປະຕິບັດສັນຍາຫັນການຄ້າເປັນເສລີຂອງ ອົງການການຄ້າໂລກ WTO, ເພີ່ມທະວີການລົງທຶນ.”
ສຳລັບຫວຽດນາມ, ຈາກບົດຮຽນໃນໄລຍະກວ່າ 30 ປີແຫ່ງການປ່ຽນໃຫມ່ ແລະ ເຊື່ອມໂຍງເຂົ້າກັບສາກົນ, ຫວຽດນາມ ມີຄວາມຮັບຮູ້ ຢ່າງຈະແຈ້ງ ບົດບາດສຳຄັນຂອງເລື່ອງຫັນການຄ້າ ແລະ ການລົງທຶນສຳລັບການພັດທະນາເສດຖະກິດ ແລະ ການລົບລ້າງຄວາມທຸກຍາກເປັນສະດວກ. ສະນັ້ນ ຫວຽດນາມ ໄດ້ເຂົ້າຮ່ວມບັນດາກົນໄກຮ່ວມມືຫລາຍຝ່າຍ ແລະ ພາກພື້ນຢ່າງຕັ້ງຫນ້າຄື: WTO, ASEAN, APEC, ASEM, ບັນດາສັນຍາການຄ້າເສລີ (FTA) ກັບຫລາຍປະເທດຄູ່ຮ່ວມມື. ຫວຽດນາມ ກໍເປັນເຈົ້າການເພີ່ມທະວີການເຊື່ອມຕໍ່ພື້ນຖານໂຄງລ່າງ ແລະ ເສດຖະກິດກັບບັນດາປະເທດບ້ານໃກ້ເຮືອນຄຽງ, ພິເສດແມ່ນສຳລັບ ລາວ, ປະເທດບ້ານໃກ້ເຮືອນຄຽງບໍ່ມີທະເລ, ນັບທັງໃນຂອບເຂດສອງຝ່າຍ ແລະ ຫລາຍຝ່າຍ. ສິ່ງດັ່ງກ່າວໂດຍແມ່ນທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ຢັ້ງຢືນ:
“ຫວຽດນາມ ຍາມໃດກໍຖືການໃຫ້ບຸລິມະສິດສູດສຸດ ແກ່ການຊຸກຍູ້ການພົວພັນກັບບັນດາປະເທດບ້ານໃກ້ເຮືອນຄຽງ, ພິເສດແມ່ນການຮ່ວມສຳພັນດ້ານເສດຖະກິດຢ່າງແຫນ້ນແຟ້ນ. ພວກຂ້າພະເຈົ້າມີຄວາມເຊື່ອໝັ້ນວ່າ ຜົນສຳເລັດ ແລະ ວັດທະນາຖາວອນຂອງບັນດາປະເທດບ້ານໃກ້ເຮືອນຄຽງຈະກະທົບຢ່າງຕັ້ງຫນ້າເຖິງການພັດທະນາຂອງຫວຽດນາມ ແລະ ຊ່ວຍພວກຂ້າພະເຈົ້າຊຸກຍູ້ການພັດທະນາແບບຍືນຍົງໃນທົ່ວພາກພື້ນ. ຫວຽດນາມ ໄດ້ມີບາດກ້າວລະອຽດເພື່ອແນໃສ່ເພີ່ມທະວີການຮ່ວມສຳພັນດ້ານເສດຖະກິດ ແລະ ເຊື່ອມຕໍ່ພື້ນຖານໂຄງລ່າງກັບບັນດາປະເທດບ້ານໃກ້ເຮືອນຄຽງ, ພິເສດແມ່ນການຮ່ວມມືຢ່າງແຫນ້ນແຟ້ນກັບບັນດາປະເທດເຂດລຸ່ມແມ່ນ້ຳຂອງ ເພື່ອເຊື່ອມຕໍ່ແລວເສດຖະກິດ, ປະກອບສ່ວນເຊື່ອມຕໍ່ບັນດາພາກພື້ນທີ່ຫ່າງໄກກັບທ່າກຳປັ່ນທະເລສາກົນ.”
ຫວຽດນາມສືບຕໍ່ຕັ້ງຫນ້າເຂົ້າຮ່ວມບັນດາຄວາມມານະພະຍາຍາມລວມຂອງສປຊ
ຄຽງຂ້າງການແບ່ງປັນບັນດາບົດຮຽນເຊື່ອມໂຍງເຂົ້າກັບສາກົນກໍຄືການເຊື່ອມໂຍງເຂົ້າກັບພາກພື້ນ ພາຍຫລັງກວ່າ 30 ປີແຫ່ງການດຳເນີນກິດຈະການປ່ຽນໃຫມ່, ຫວຽດນາມ ກໍສະເຫນີບັນດາຂໍ້ສະເຫນີແນະເພື່ອເພີ່ມທະວີການລະດົມແຫລ່ງກຳລັງຈາກບັນດາອົງການການເງິນສາກົນ ແລະ ພາກເອກະຊົນ ເພື່ອຮັບໃຊ້ການພັດທະນາພື້ນຖານໂຄງລ່າງຂອງປະເທດທາງຜ່ານ, ສ້າງຄວາມສະດວກໃຫ້ດ້ານການຄ້າ ແລະ ການລົງທຶນ.
ໂຄງການດຳເນີນງານ 2030 ຊື່ງ ສປຊ ຮັບຮອງເອົາເມື່ອປີ 2015 ໄດ້ວາງອອກ 17 ຄາດໝາຍ ແລະ 169 ມາດຖານລະອຽດ ໄດ້ຮັບຖືວ່າແມ່ນຄຳໝັ້ນສັນຍາຂອງບັນດາການນຳສົ່ງເຖິງປະຊາຊົນໝົດທຸກຄົນໃນໂລກວ່າ: ປະເທດທັງໝົດຈະພ້ອມກັນຮ່ວມແຮງຮ່ວມໃຈສ້າງໂລກໃຫ້ດີງາມກວ່າ. ໃນໄລຍະແຕ່ນີ້ຮອດປີ 2030, ບັນດາລັດຖະບານ ແລະ ບັນດາອົງການຈັດຕັ້ງ ຄວນມານະພະຍາຍາມສູງທົບສອງເທົ່າເພື່ອສ້າງອະນາຄົດດີງາມກວ່າໃຫ້ແກ່ປະຊາຊົນໃນໂລກ, ເພື່ອໃຫ້ທຸກໆປະເທດໄດ້ດຳລົງຊີວິດໃນສະພາບແວດລ້ອມແຫ່ງການຮ່ວມມື, ສັນຕິພາບ ແລະ ວັດທະນາຖາວອນ. ໂດຍແມ່ນສະມາຊິກຕັ້ງຫນ້າ ແລະ ມີຄວາມຮັບຜິດຊອບຂອງ ສປຊ, ຫວຽດນາມ ຍາມໃດກໍ່ເຂົ້າຮ່ວມບັນດາຄວາມມານະພະຍາຍາມລວມຂອງອົງການນີ້ຢ່າງຕັ້ງຫນ້າ ເພື່ອແນໃສ່ສ້າງໂລກສັນຕິພາບ ແລະ ພັດທະນາແບບຍືນຍົງ. ບັນດາການເຄື່ອນໄຫວໂດຍຫວຽດນາມ ເປັນເຈົ້າພາບຈັດຕັ້ງ ກໍ່ແມ່ນມຸ່ງໄປເຖິງຈຸດໝາຍນັ້ນ, ພິເສດຍິ່ງມີຄວາມໝາຍກວ່າ ປີນີ້ແມ່ນຂີດໝາຍ 40 ປີແຫ່ງວັນຫວຽດນາມ ເຂົ້າຮ່ວມ ສປຊ ແລະ ແມ່ນປີທີ 2 ຫວຽດນາມ ຮັບຜິດຊອບບົດບາດເປັນສະມາຊິກສະພາເສດຖະກິດສັງຄົມ ສປຊ ອາຍຸການ 2016-2018.