(vovworld)- ອາຊຽນ ພວມມຸ່ງໄປເຖິງຂີດໝາຍໃຫມ່, ມີຄວາມໝາຍປະຫວັດສາດຍິ່ງ, ດ້ວຍເລື່ອງສ້າງຕັ້ງປະຊາຄົມ ອາຊຽນ ຢ່າງເປັນທາງການໃນວັນທີ 31/12/2015 ຈະມາເຖິງ. ປະຊາຄົມ ການເມືອງ ຄວາມໝັ້ນຄົງ ອາຊຽນ ແມ່ນ ເສົາຄ້ຳມີບົດບາດສຳຄັນ, ພິເສດ ໃນສະພາບການຄວາມໝັ້ນຄົງ ການເມືອງ ຢູ່ ພາກພື້ນຜັນແປໄປຢ່າງສັບສົນ, ເປັນຕົ້ນ ແມ່ນຄວາມເຄັ່ງຕຶງຢູ່ທະເລຕາເວັນອອກ. ອາຊຽນ ພວມປັບປຸງຄວາມສາມັກຄີ ຍົກສູງບົດບາດໃຈກາງກໍຄືທີ່ຕັ້ງຂອງ ອາຊຽນ ໃນການແກ້ໄຂບັນດາບັນຫາຄວາມໝັ້ນຄົງພາກພື້ນ ແລະ ສາກົນ. ໂດຍແມ່ນສະມາຊິກຕັ້ງຫນ້າຂອງ ອາຊຽນ, ຫວຽດນາມ ພວມມານະພະຍາຍາມປະກອບສ່ວນໃຫ້ແກ່ວິວັດການນີ້.
ທ່ານນາຍົກລັດຖະມົນຕີຫງວຽນເຕີນຢູງພ້ອມກັບບັນດາການນຳ
ປະເທດສະມາຊິກອາຊຽນ ທີ່ກອງປະຊຸມສຸດຍອດອາຊຽນຄັ້ງທີ 26
ພາບ:congluan.vn
|
ເລື່ອງສ້າງປະຊາຄົມຄວາມໝັ້ນຄົງ ການເມືອງ ເພື່ອຈຸດປະສົງຍົກສູງການຮ່ວມມືດ້ານການເມືອງ, ຄວາມໝັ້ນຄົງ ລະຫວ່າງບັນດາປະເທດສະມາຊິກ ໂດຍມີການເຂົ້າຮ່ວມ ແລະ ການປະກອບຂອງບັນດາຄູ່ຮ່ວມມືພາຍນອກ, ເພື່ອຮັບປະກັນໃຫ້ແກ່ບັນດາປະເທດອາຊຽນຮ່ວມດຳລົງຊີວິດໃນສັນຕິພາບ ດ້ວຍຄວາມຍຸຕິທຳ, ປະຊາທິປະໄຕ ແລະ ປ່ອງດອ່ງ. ປະຊາຄົມການເມືອງ ຄວາມໝັ້ນຄົງ ຊຸກຍູ້ວິທີສຳພັດຢ່າງຮອບດ້ານກ່ຽວກັບຄວາມໝັ້ນຄົງ ຊື່ງລວມມີ ດ້ານການເມືອງ ເສດຖະກິດ ວັດທະນະທຳ ສັງຄົມ ແລະ ສິ່ງແວດລ້ອມ, ເພີ່ມທະວີການຮ່ວມມືດ້ານການເມືອງ, ການກໍ່ສ້າງ ແລະ ແບ່ງປັນບັນດາມາດຖານການປະພຶດລວມ, ຊຸກຍູ້ທ່າອ່ຽງບໍ່ນຳໃຊ້ອາວຸດ ແລະ ແກ້ໄຂທຸກການຂັດແຍ້ງໂດຍສັນຕິວິທີ, ສະກັດກັ້ນ ແລະ ແກ້ໄຂການປະທະກັນ, ເປີດກວ້າງການພົວພັນກັບບັນດາຄູ່ຮ່ວມມືພາຍນອກ ແລະ ຮັກສາບົດບາດໃຈກາງຂອງອາຊຽນໃນໂຄງປະກອບພາກພື້ນໃຫ້ໝັ້ນຄົງ.
ບົດບາດຂອງອາຊຽນ ໃນໂຄງປະກອບຄວາມໝັ້ນຄົງພາກພື້ນ
ພາຍຫລັງເກືອບ 43 ປີ, ອາຊຽນ ໄດ້ຫັນປ່ຽນໂດຍພື້ນຖານກ່ຽວກັບ ເນື້ອໃນ, ສະມາຊິກ, ຮູບການ ແລະ ເນື້ອໃນຮ່ວມມື, ມາຮອດປະຈຸບັນ ໄດ້ກາຍເປັນອົງການຮ່ວມມືພາກພື້ນ ຊື່ງລວມມີ 10 ປະເທດ ອາຊີ ຕາເວັນອອກສ່ຽງໃຕ້ ເພື່ອແນໃສ່ຮັກສາສັນຕິພາບ ແລະ ຄວາມໝັ້ນຄົງພາກພື້ນ, ສ້າງເງື່ອນໄຂເພື່ອໃຫ້ບັນດາປະເທດສະມາຊິກ ເປີດກວ້າງການພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນ. ປະຈຸບັນ ບົດບາດຂອງ ອາຊຽນ ໃນໂຄງປະກອບຄວາມໝັ້ນຄົງພາກພື້ນນັບມື້ນັບໃຫຍ່ຫລວງ. ການຮ່ວມມື ອາຊຽນ ປະຈຸບັນ ບໍ່ພຽງແຕ່ລະຫວ່າງ 10 ປະເທດສະມາຊິກ ແລະ ໃນຂອບເຂດອາຊີຕາເວັນອອກສ່ຽງໃຕ້ ເທົ່ານັ້ນ, ຫາກນັບທັງວິວັດທະນາການ ໂດຍ ອາຊຽນ ຖືບົດບາດຫລັກແຫລ່ງຄື: ອາຊຽນ + 1 ອາຊຽນ +3, EAS và ARF…
ເຖິງຢ່າງໃດກໍຕາມ, ອາຊຽນ ພວມປະເຊີນຫນ້າກັບສິ່ງທ້າທາຍບໍ່ແມ່ນຫນ້ອຍ, ໃນນັ້ນ ພົ້ນເດັ່ນ ແມ່ນບັນດາຄວາມຂັດແຍ້ງກ່ຽວກັບອະທິປະໄຕຜືນແຜ່ນດິນ. ສິ່ງດັ່ງກ່າວ ຍິ່ງວາງອອກໃຫ້ອາຊຽນຕົກເຂົ້າສູ່ທ່າເປັນເຈົ້າການໃນການເພີ່ມທະວີການຮ່ວມມືພາກພື້ນ, ສ້າງປະມວນຂໍ້ກຳນົດການປະພຶດຂອງບັນດາຝ່າຍຢູ່ທະເລຕາເວັນອອໂດຍໄວ COC, ເຄົາລົບກົດໝາຍສາກົນ ແລະ ຮັກສາສັນຕິພາບ, ຄວາມໝັ້ນຄົງ ໃນພາກພື້ນ. ທີ່ກອງປະຊຸມສຸດຍອດ ອາຊຽນ ຄັ້ງທີ 26 ຫວ່າງແລ້ວນີ້, ທ່ານນາຍົກລັດຖະມົນຕີ ມາເລເຊຍ Najib Tun Abdul Razak, ປະທານ ອາຊຽນ 2015 ອີກຄັ້ງຫນຶ່ງໄດ້ເນັ້ນຫນັກເຖິງຄວາມສາມັກຄີຂອງ ອາຊຽນ ໃນການແກ້ໄຂບັນດາສິ່ງທ້າທາຍຄວາມໝັ້ນຄົງພວມເກີດຂຶ້ນໃນພາກພື້ນ.
“ໃນຂະນະທີ່ພວກເຮົາສືບຕໍ່ໝັ້ນໝາຍຕິດພັນນຳກັນ ແລະ ພ້ອມກັນຮ່ວມມືກັບບັນດາປະເທດພາຍນອກ, ອາຊຽນ ຕ້ອງແກ້ໄຂບັນດາຄວາມແຕກຕ່າງໃນພາກພື້ນໂດຍສັນຕິ, ໃນນັ້ນ ນັບທັງບັນດາຄຳຖະແຫລງອະທິປະໄຕຢູ່ບັນດາເຂດທະເລຊື່ງບໍ່ເຮັດໃຫ້ສະພາບການເຄັ່ງຕຶງຂຶ້ນຕື່ມ. ການຜັນແປຫວ່າງແລ້ວນີ້ ໄດ້ເພີ່ມຄວາມວິຕົກກັງວົນກ່ຽວກັບບັນຫາທະເລຕາເວັນອອກ ສະແດງໃຫ້ເຫັນຄວາມສຳຄັນຂອງເສັ້ນທາງຂົນສົ່ງນີ້ສຳລັບການແລກປ່ຽນການຄ້າສາກົນ. ສະນັ້ນ ອາຊຽນ ຕ້ອງເປັນເຈົ້າການໃນການແກ້ໄຂບັນດາການຜັນແປນີ້ ແຕ່ຕ້ອງຕາມວິທີສ້າງສັນ ແລະ ຕັ້ງຫນ້າ ບົນພື້ນຖານເຄົາລົບກົດໝາຍສາກົນ, ໃນນັ້ນ ມີສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 ຕ້ອງແມ່ນພື້ນຖານ, ຂໍ້ກຳນົດກ່ຽວກັບການຮ່ວມມື ແລະ ການເຄື່ອນໄຫວບົນທະເລຕາເວັນອອກ.”
ຫວຽດນາມ ຕັ້ງຫນ້າປະກອບສ່ວນສ້າງປະຊາຄົມການເມືອງ ຄວາມໝັ້ນຄົງ ອາຊຽນ
ໂດຍແມ່ນພາກສ່ວນຫນຶ່ງທີ່ສະຫນິດຕິດພັນ, ແມ່ນສະມາຊິກມີຄວາມຮັບຜິດຊອບໃນອາຊຽນ ໃນເກືອບ 20 ປີຜ່ານມາ, ອະນາຄົດພັດທະນາຂອງຫວຽດນາມ ຈະສືບຕໍ່ຕິດພັນກັບ ອາຊຽນ. ຊື່ງແມ່ນປະຊາຄົມ ອາຊຽນເຂັ້ມແຂງ, ຮ່ວມສຳພັນຢ່າງແຫນ້ນແຟ້ນ ນັ້ນແມ່ນການໃຫ້ບຸລິມະສິດ ແລະ ຜົນປະໂຫຍດຊື່ງຫວຽດນາມສືບຕາມ.
ຕໍ່ຫນ້າບັນດາການເຄື່ອນໄຫຍຖົມດິນກໍ່ສ້າງເປີດກວ້າງດ້ວຍຂອບຂະຫນາດໃຫຍ່ຢູ່ທະເລຕາເວັນອອກ, ສົ່ງຜົນສະທ້ອນຢ່າງແຮງເຖິງຄວາມໄວ້ເນື້ອເຊື່ອໃຈ, ຄວາມໄວ້ວາງໃຈລະຫວ່າງບັນດາປະເທດກ່ຽວຂ້ອງ, ສົ່ງຜົນສະທ້ອນເຖິງສັນຕິພາບ ແລະ ຄວາມໝັ້ນຄົງໃນພາກພື້ນ, ໂດຍແມ່ນປະເທດກ່ຽວຂ້ອງໂດຍກົງເຖິງຄວາມຂັດແຍ້ງຢູ່ທະເລຕາເວັນອອກ, ຍາມໃດຫວຽດນາມ ກໍເຊີດຊູນ້ຳໃຈສາມັກຄີໃນ ອາຊຽນ, ຢືດໝັ້ນ ເຄົາລົບບັນດາຫລັກການລະງັບໃຈ, ບໍ່ເຮັດໃຫ້ສະພາບການສັບສົນຂຶ້ນຕື່ມ, ແກ້ໄຂບັນດາຄວາມຂັດແຍ້ງໂດຍສັນຕິວິທີ, ບົນພື້ນຖານກົດໝາຍສາກົນ, ໃນນັ້ນ ມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982, ປະຕິບັດຖະແຫລງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກຢ່າງເຂັ້ມງວດ, ຄົບຖ້ວນ ແລະ ຮັບຮອງເອົາປະມວນຂໍ້ກຳນົດການປະພຶດຂອງບັນດາຝ່າຍຢູ່ທະເລຕາເວັນອອກໂດຍໄວ.
ທີ່ກອງປະຊຸມລັດຖະມົນຕີການຕ່າງປະເທດ ອາຊຽນ ຫວ່າງແລ້ວນີ້ ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ຟ້າມບີງມີງ ໃຫ້ຮູ້ວ່າ:
“ບັນດາປະເທດ ອາຊຽນ ເປັນເອກະພາບສູງ ຕ້ອງຍູ້ແຮງວິວັດການກ້າວໄປເຖິງການສ້າງ COC ລະຫວ່າງ ອາຊຽນ ແລະ ຈີນ. COC ຈະແມ່ນເຄື່ອງມືເພື່ອຮັບປະກັນສັນຕິພາບ, ຄວາມໝັ້ນຄົງ, ຄວາມປອດໄພການເດີນທະເລ ກໍຄື ສະຖຽນລະພາບຢູ່ເຂດທະເລຕາເວັນອອກ. ນີ້ບໍ່ພຽງແຕ່ແມ່ນຄວາມເອົາໃຈໃສ່ລວມຂອງຫວຽດນາມ, ບັນດາປະເທດໃນພາກພື້ນເທົ່ານັ້ນ ຫາກນັບທັງບັນດາປະເທດພາຍນອກອີກດ້ວຍ. ໂດຍແມ່ນສະມາຊິກຕັ້ງຫນ້າຂອງ ອາຊຽນ, ຫວຽດນາມ ໄດ້ຍົກອອກບັນດາຂໍ້ສະເຫນີ, ໃນນັ້ນ ມີຂໍ້ສະເຫນີກ່ຽວຂ້ອງເຖິງ ການສ້າງຄວາມໄວ້ເນື້ອເຊື່ອໃຈ, ນຳບັນດາມາດຖານຂອງອາຊຽນຄື: ຖະແຫລງການກ່ຽວກັບສົນທິສັນຍາໄມຕິຈິດອາຊຽນ ບໍ່ພຽງແຕ່ບັນດາປະເທດ ອາຊຽນ ເທົ່ານັ້ນ ຫາກຍັງແມ່ນມາດຖານຂອງທົ່ວພາກພື້ນ ດ້ວຍຈຸດໝາຍສ້າງພາກພື້ນສັນຕິພາບ, ສະຖຽນລະພາບຫລັງປີ 2015.”
ອາຊຽນ ພວມສືບຕໍ່ເສີມຂະຫຍາຍບົດບາດໃຈກາງຢ່າງແຮງ ແລະ ປະກອບສ່ວນຕັ້ງຫນ້າເພື່ອສັນຕິພາບ, ສະຖຽນລະພາບ ແລະ ການຮ່ວມມືພັດທະນາຢູ່ພາກພື້ນ. ຫວຽດນາມ ພວມພ້ອມກັບບັນດາປະເທດສະມາຊິກ ອາຊຽນ, ຍູ້ແຮງຄວາມສາມັກຄີ, ເພີ່ມທະວີການຮ່ວມມື ເພື່ອເຮັດໃຫ້ການຫັນເປັນວິໄສທັດປະຊາຄົມອາຊຽນ ຕິດພັນດ້ານການເມືອງ, ຮ່ວມສຳພັນດ້ານເສດຖະກິດ ແລະ ມີຄວາມຮັບຜິດຊອບຕໍ່ສັງຄົມ”ປະກົດຜົນເປັນຈິງຢ່າງສຳເລັດຜົນ ເພື່ອໃຫ້ປະຊາຊົນບັນດາປະເທດສະມາຊິກ ໄດ້ຮ່ວມດຳລົງຊີວິດໃນສັນຕິພາບ, ຄວາມໝັ້ນຄົງ ແລະ ສະຖຽນລະພາບຢ່າງໝັ້ນຄົງ, ການເຕີບໂຕດ້ານເສດຖະກິດຍາວນານ, ມີວັດທະນາຖາວອນ ແລະ ມີຄວາມກ້າວຫນ້າໃນສັງຄົມ..