(vovworld)- ເຖິງວ່າເສດຖະກິດປະສົບກັບຄວາມຫຍຸ້ງຍາກກໍ່ຕາມແຕ່ທັງສັງຄົມຍັງເອົາໃຈໃສ່ເບິ່ງແຍງຄົນທຸກຍາກໃນໂອກາດບຸນເຕັດຢູ່. ໃນຊຸມມື້ນີ້, ລົດຂົນສົ່ງສິນຄ້ານັບຮອ້ຍຖ້ຽວຂອງບັນດາອົງການສຳນັກງານ, ອົງການຈັດຕັ້ງມະຫາຊົນໄດ້ແລ່ນຈາກເຂດທົ່ງພຽງຂຶ້ນຮອດເຂດພູດອຍ, ຈາກເຂດຕົວເມືອງລົງຮອດເຂດຊົນນະບົດ ເພື່ອໜູນຊ່ວຍຄວາມຕ້ອງການຕອ້ນຮັບບຸນເຕັດຂອງ ປຊຊ. ຂອງຂັວນບຸນເຕັດນັບລ້ານພູດຖືກສົ່ງເຖິງຄອບຄົວທຸກຍາກໂດຍກົງ. ໃນສະພາບການທີ່ອັດຕາສວ່ນຄອບຄົວທຸກຍາກຍັງສູງຢູ່ນັ້ນ, ການເບິ່ງແຍງຜູ້ທຸກຍາກໃນໂອກາດບຸນເຕັດໄດ້ກາຍເປັນການເຄື່ອນໄຫວທີ່ຈຳເປັນ ແລະ ເຕັມໄປດ້ວຍລັກສະນະວັດທະນະທຳມະນຸດ.
ການເບິ່ງແຍງແກ່ຄົນທຸກຍາກໃນໂອກາດບຸນເຕັດ, ເປົ້າໝາຍນະໂຍບາຍ ບໍ່ພຽງແຕ່ແມ່ນວຽກງານຂອງອຳນາດການປົກຄອງ, ຂັ້ນຕ່າງໆເທົ່ານັ້ນ, ນັບແຕ່ດົນນາມາແລ້ວ, ວຽກງານນີ້ໄດ້ຮັບຄວາມເອົາໃຈໃສ່ຈາກທົ່ວສັງຄົມອີກດ້ວຍ.
ມອບຂອງຂວັນໃຫ້ ປຊຊ ທຸກຍາກແຂວງຟູອຽນ
(ພາບ: .thanhnien.com.vn)
ການກະກຽມຢ່າງລອບຄອບຖີ່ຖ້ວນຂອງຂັ້ນ, ຂະແໜງການຕ່າງໆ
ແຕ່ລະປີ, ການເບິ່ງແຍງຄົນທຸກຍາກໃນໂອກາດບຸນເຕັດກໍ່ໄດ້ຮັບຄວາມເອົາໃຈໃສ່ຈາກຂະແໜງການຂັ້ນຕ່າງໆ. ກ່ອນບຸນປີໃໝ່ປະຈຳຊາດເດືອນໜຶ່ງ, ທານປະທານປະເທດຫວຽດນາມ ເຈືອງເຕິນຊາງ ໄດ້ເຊັນຂໍ້ຕົກລົງກ່ຽວກັບການມອບຂອງຂວັນຂອງປະທານປະເທດໃຫ້ແກ່ບັນດາເປົ້າໝາຍມີຄຸນງາມຄວາມດີກໍ່ການປະຕິວັດ. ທ່ານນາຍົກລັດຖະມົນຕີຫງວຽນເຕິນຢຸງ ກໍ່ຕົກລົງໜູນຊ່ວຍເຂົ້າສານກ່ວາ 12.000 ໂຕນໃຫ້ແກ່ ປຊຊ 12 ແຂວງໃນໂອກາດນີ້. ທ່ານນາງຟ້າມທິຫາຍຈ່ວຽນ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໃຫ້ຮູ້ວ່າ:
“ພັກ ແລະ ລັດໄດ້ມີນະໂຍບາຍໜູນຊ່ວຍໂດຍກົງໃຫ້ບັນດາເປົ້າ ໝາຍທຸກຍາກໃນປີແລ້ວ. ສ່ວນໃນໂອກາດບຸນເຕັດ, ບັນດາທ້ອງຖິ່ນຕ້ອງກວດກາ, ກຳແໜ້ນເປົ້າໝາຍ, ບົນພື້ນຖານນັ້ນຈະນຳໃຊ້ງົບປະມານທ້ອງຖິ່ນ ກໍ່ຄືລະດົມບັນດາແຫຼ່ງກຳລັງອື່ນເພື່ອໜູນຊ່ວຍຄົນທຸກຍາກ. ພວກຂ້າພະເຈົາຊີ້ນຳບັນດາທ້ອງຖິ່ນກວດກາ, ກຳແໜ້ນເປົ້າໝາຍທຸກຍາກ ເພື່ອໃຫ້ ປຊຊ ໝົດທຸກຄົນໄດ້ຕ້ອນຮັບບຸນເຕັດ ແລະ ສະເໜີໃຫ້ທ້ອງຖິ່ນຕ່າງໆຈົ່ງເອົາໃຈໃສ່ເຖິງຜູ້ອອກແຮງງານຢູ່ບັນດາວິສາຫະກິດຖືກລົ້ມລະລາຍ”.
(ພາບປະກອບ)
ຢູ່ທ້ອງຖິ່ນ, ຄະນະພັກ, ອຳນາດການປົກຄອງຂັ້ນຕ່າງໆ, ບັນດາອົງການ, ກະຊວງ, ຂະແໜງການ, ບັນດາແຂວງ, ນະຄອນໄດ້ກະກຽມເພື່ອເບິງແຍງຄົນທຸກຍາກໃນໂອກາດບຸນເຕັດ. ຄະນະກຳມະການ ປຊຊ ແຂວງກວາງບິ່ງ ໄດ້ຫັກງົບປະມານແຂວງເປັນຈຳນວນ 1 ຕື້ດົ່ງເພື່ອໜູນຊ່ວຍ 5000 ຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກພິເສດເພື່ອຕ້ອນຮັບບຸນເຕັດ, ແຈກຢາຍເຂົ້າສານ 3400 ໂຕນຂອງລັດຖະບານເຖິງແຕ່ລະຄອບຄົວທຸກຍາກກ່ອນບຸນເຕັດ. ຢູ່ແຂວງກວາງຈິ, ນອກຈາກງົບປະມານທ້ອງຖິ່ນ, ແຂວງຍັງຂົນຂວາຍບັນດາອົງການວຳນັກງານ, ອົງການຈັດຕັ້ງມະຫາຊົນ ແລະ ວິສາຫະກິດຫັກເງິນໄດ້ກ່ວາ 5 ຕື້ດົ່ງເພື່ອມອບຂອງຂວັນບຸນເຕັດໃຫ້ເປົ້າໝາຍນະໂຍບາຍ, ຄອບຄົວມີຄຸນງາມຄວາມດີຕໍ່ການປະຕິວັດ ແລະ ນັກປະຕິວັດຜູ້ອາວຸໂສ. ທ່ານຟານແທງຈຸງ, ປະທານຄະນະກຳມະການ ປຊຊ ຕາແສງອານຫາຍ-ເມືອງຫາຍລັງ-ແຂວງກວາງຈິ ໃຫ້ຮູ້ວ່າ:
“ຄະນະພັກ, ຄະນະກຳມະການ ປຊຊ ຕາແສງກໍ່ຄືບັນດາຄະນະ, ຂະແໜງການ, ອົງການຈັດຕັ້ງມະຫາຊົນມີຄວາມເອົາໃຈໃສ່ທີ່ສຸດເຖິງນະໂຍບາຍຮັບປະກັນຊີວິດສັງຄົມ. ພວກຂ້າພະເຈົ້າໄດ້ໜູນຊ່ວຍບັນດາຄອບຄົວທຸກຍາກດ້ວຍຈຳນວນເງິນທັງໝົດກ່ວາ 60 ລ້ານດົ່ງ. ຄອນຄົວໄດ້ຮັບເງິນໜ້ອຍສຸດແມ່ນ 200.000 ດົ່ງ, ຫຼາຍສຸດແມ່ນ 500.000 ດົ່ງ. ພິເສດແມ່ນພວກຂ້າພະເຈົ້າໄດ້ຫັກເງິນຈາກກອງທຶນແຫ່ງສາຍຈິດມິດໃຈເພື່ອໄປຢື້ຢາມບັນດາເປົ້າໝາຍຄອບຄົວນະໂຍບາຍ, ຄອບຄົວທຸກຍາກເພື່ອໃຫ້ເຂົາເຈົ້າຕ້ອນຮັບບຸນເຕັດດ້ວຍຄວາມເບີກບ້ານມ່ວນຊື່ນກ່ວາອີກ“.
ການເຂົ້າຮ່ວມຢ່າງຕັ້ງໜ້າຂອງບັນດາອົງການຈັດຕັ້ງມະຫາຊົນ, ວິທະຫະ ກິດ, ອົງການຈັດຕັ້ງສັງຄົມ
ພ້ອມກັບລັດຖະບານ, ບັນດາອົງການຈັດຕັ້ງມະຫາຊົນ, ວິສາຫະກິດ, ອົງການຈັດຕັ້ງສັງຄົມໄດ້ຜັນຂະຫຍາຍບັນດາໂຄງການເຄື່ອນໄຫວເພື່ອການກຸສົນແນໃສ່ຊ່ວຍຄົນທຸກຍາກຕ້ອນຮັບບຸນເຕັດ.
ນັບແຕ່ກ່ອນບຸນປີໃໝ່ປະຈຳຊາດເປັນເວລາເຄິ່ງເດືອນ, ບັນດາຄະນະປະຕິບັດງານຂອງສູນກາງສະພາກາແດງຫວຽດນາມ ໄດ້ມອບຂອງຂວັນ 1 ລ້ານພູດໃຫ້ບັນດາຄອບຄົວປະສົບກັບຄວາມຫຍຸ້ງຍາກ, ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນໃນທົ່ວປະເທດ. ທ່ານດ່ວານວັນທາຍ, ຮອງປະທານ ທັງເປັນເລຂາທິການໃຫ່ຍສູນກາງສະພາກາແດງຫວຽດນາມ ໃຫ້ຮູ້ວ່າ:
“ແຕ່ 1/3 ເຖິງ 1/2 ຈຳນວນຄອບຄົວທຸກຍາກຢູ່ຫວຽດນາມ, ໄດ້ຮັບການໜູນຊ່ວຍຈາກສູນກາງສະພາກາແດງຫວຽດນາມ. ພ້ອມກັບສູນກາງສະພາກາແດງຫວຽດນາມ, ສະມາຄົມຂັ້ນຕ່າງໆໄດ້ພ້ອມກັນແຕ່ງຕັ້ງບັນດາຄະນະຜູ້ແທນໄປມອບຂອງຂັວນໃຫ້ແກ່ບັນດາຄອບຄົວປະສົບກັບຄວາມຫຍູ້ງຍາກພິເສດ, ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ“.
ໃນຂະນະນັ້ນ, ໂດຍໄດ້ປະຕິບັດແຜນນະໂຍບາຍຊ່ວຍເຫຼືອກຳມະກອນຜູ້ອອກແຮງງານປະສົບກັບຄວາມຫຍູ້ງຍາກ ທີ່ພວມເຮັດວຽກຢູ່ບັນດາເຂດອຸດສາຫະກຳ, ເຂດປຸງແຕ່ສົ່ງອອກຢູ່ຮ່າໂນ້ຍ ແລະ ນະຄອນໂຮ່ຈິນມິນ, ບໍລິສັດໃຫ່ຍຂົນສົ່ງຮ່າໂນ້ຍ ໄດ້ປະຕິບັດໂຄງການ “ປີ້ລົດແຫ່ງສາຍຈິດມິດໃຈ“ ແລະ “ລົດສົ່ງກຳມະກອນກັບບ້ານຕ້ອນຮັບບຸນເຕັດ, ປີມະເມຍ“. ທ່ານຫງວຽນຮ່ວາງຈຸງ, ຮອງຜູ້ອຳນວຍການໃຫ່ຍ ບໍລິສັດໃຫ່ຍຂົນສົ່ງຮ່າໂນ້ຍ ໃຫ້ຮູ້ວ່າ:
“ໃນໂຄງການນີ້, ພວກຂ້າພະເຈົ້າມີລົດຂົນສົ່ງ 74 ຄັນ, ໃນນັ້ນ, ພວກຂ້າພະເຈົ້າຊ່ວຍເຫຼືອກການຂົນສົ່ງ 11 ຄັນ. ພວກຂ້າພະເຈົ້າຈັດລົດເກືອບ 50 ຄັນເພື່ອສົ່ງກຳມະກອນຢູ່ບັນດາເຂດອຸສາຫະກຳຂອງນະຄອນໂຮ່ຈິມີນ, ຢິງເຢືອງ ໄປບັນດາແຂວງພາກເໜືອ. ນອກຈາກນັ້ນ, ພວກຂ້າພະເຈົ້າກໍ່ໄດ້ສົມທົບກັບບັນດາມະຫາວິທະຍາໄລເພື່ອສົ່ງນັກສຶກສາກັບເມືອບ້ານຕ້ອນຮັບບຸນເຕັດ“.
ເປີດກ້ວາງເປົ້າໝາຍໄດ້ຮັບການໜູນຊ່ວຍ
ໃນໂອກາດບຸນເຕັດ, ນອກຈາກບັນດາຄອບຄົວປະສົບກັບຄວາມຫຍູ້ງ ຍາກພິເສດ, ຜູ້ປະສົບເຄາະຮ້າຍຈາກທາດຜິດສີສົ້ມ/ດີໂອຊິນ, ກຳມະ ກອນທຸກຍາກຢູ່ບັນດາເຂດອຸດສາຫະກກຳ, ເຂດຜະລິດສົງອອກແລ້ວ, ປຊຊ ຫຼາຍຄົນຢູ່ບັນດາແຂວງປະສົບໄພນ້ຳຖ້ວມ, ພະຍຸກໍ່ໄດ້ຮັບຄວາມເອົາໃຈໃສ່ເປັນພິເສດຈາກບັນດາອົງການຈັດຕັ້ງມະຫາຊົນ. ທ່ານນາງຟ້າມທິຫາຍຈ່ວຽນ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໃຫ້ຮູ້ວ່າ:
“ໃນໂອກາດບຸນເຕັດ, ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໄດ້ສະເໜີຕໍ່ລັດຖະບານໜູນຊ່ວຍເຂົ້າສານ 55.000 ໂຕນໃຫ້ແກ່ບັນດາຄອບຄົວຖືກຜົນເສຍຫາຍຈາກໄພທຳມະຊາດ. ນີ້ແມ່ນການໜູນຊ່ວຍກະທັນຫັນໃຫ້ແກ່ບັນດາເປົ້າໝາຍນີ້ ແລະ ຮຽກຮ້ອງໃຫ້ທ້ອງຖິ່ນຕ່າງໆຈົ່ງສືບຕໍ່ກວດກາບັນດາເປົ້າໝາຍທີ່ຍັງປະສົບກັບຄວາມຫຍຸ້ງຍາກນີ້ ເພື່ອສືບຕໍ່ສະເໜີການໜູນຊ່ວຍໃນທັນທີ. ກໍ່ເຊັ່ນດຽວກັນກັບປີ 2013, ພວກຂ້າພະເຈົ້າກໍ່ໄດ້ສະເໜີເພື່ອໜູນຊ່ວຍເຂົ້າສານເພື່ອໃຫ້ ປຊຊ ທຸກຄົນມີເຂົ້າສານກິນໃນໂອກາດບຸນເຕັດ”.
ປະຈຸບັນ, ອັດຕາສ່ວນຄົນທຸກຍາກຢູ່ຫວຽດນາມ ຍັງຫຼາຍຢູ່, ໂດຍສະເພາະແມ່ນຢູ່ເຂດຫ່າງໄກສອກຫລີກ: ເຂດພູດອຍ, ເຂດຊົນນະບົດ. ຄວາມເອົາໃຈໃສ່ຂອງພັກ, ລັດ, ລັດຖະບານ, ການແບ່ງປັນຢ່າງທັນການຂອງປະຊາຄົມຈະຊ່ວຍບັນດາຄອບຄົວທຸກຍາກ, ຄົນທຸກຍາກໄດ້ພ້ອມກັນຕ້ອນຮັບລະດູບານໃໝ່, ປີມະເມຍ ດ້ວຍຄວາມອົບອຸ່ນ ແລະ ເບີກບານມ່ວນຊື່ນ./.