ນັບແຕ່ປີ 2014 , ຫວຽດນາມໄດ້ຮັບບົດບາດເປັນສະມາຊິກສະພາສິດທິມະນຸດສະຫະປະຊາຊາດໃນອາຍຸການ 3 ປີ. ໂດຍຜ່ານຜ່າ 2/3 ໄລຍະທາງເປັນສະມາຊິກ, ຫວຽດນາມໄດ້ຄ່ອຍຢືນຢັນພາບພົດ ແລະ ບົດບາດຂອງຕົນໃນເວທີປາໄສສິດທິມະນຸດອັນດັບໜຶ່ງຂອງສະຫະປະຊາຊາດ, ສະແດງໃຫ້ເຫັນທີ່ຕັ້ງບົດບາດກ້າວຂຶ້ນເທື່ອລະກ້າວຜ່ານການຢັ້ງຢືນຂອງເພື່ອນມິດສາກົນ ແລະ ປະຊາຄົມໂລກ.
ທ່ານຮ່າກິມງອກ ລັດຖະມົນຕີຊ່ວຍວ່າການກະຊວງການຕ່າງ
ປະເທດຫວຽດນາມ ພົບປະກັບຄະນະຜູ້ຕາງໜ້າພິເສດຂອງລັດຖະບານອົດສະຕາລີກ່ຽວກັບສິດທິມະນຸດ |
ເຖິງວ່າເປັນສະມາຊິກເຂົ້າຮ່ວມສະພາສິດທິມະນຸດເປັນຄັ້ງທຳອິດກໍຕາມ, ແຕ່ຫວຽດນາມໄດ້ພິສູດໃຫ້ເຫັນຢ່າງແທ້ຈິງວ່າ ເປັນສະມາຊິກທີ່ຕັ້ງໜ້າ, ເປັນເຈົ້າການ ແລະ ມີຄວາມຮັບຜິດຊອບຂອງ ສະພາສິດທິມະນຸດ, ພ້ອມກັບບັນດາປະເທດສະມາຊິກອື່ນ ແກ້ໄຂບັນດາສິ່ງທ້າທາຍລວມຂອງມວນມະນຸດໃນຂົງເຂດສິດທິມະນຸດ.
ສະມາຊິກທີ່ຕັ້ງໜ້າ, ເປັນເຈົ້າການ ແລະ ມີຄວາມຮັບຜິດຊອບ
ທີ່ກອງປະຊຸມ, ທາບທາມກ່ຽວກັບບັນດາຫົວເລື່ອງທີ່ແຕກຕ່າງກັນຊຶ່ງກ່ຽວຂ້ອງເຖິງການປົກປ້ອງ ສິດທິມະນຸດ, ຫວຽດນາມຍາມໃດກໍປະກອບຄຳເຫັນຢ່າງຕັ້ງໜ້າເຂົ້າໃນທຸກໆເນື້ອໃນຂອງໂຄງການດຳເນີນງານ, ຈາກບັນດາເນື້ອໃນທີ່ກ່ຽວຂ້ອງສິດເສດຖະກິດ, ສັງຄົມ, ວັດທະນະທຳ, ສິດພັດທະນາ, ສິດສຶກສາ, ສາທາລະນະສຸກ ຕະຫຼອດຮອດບັນຫາອື່ນໆເຊັ່ນສິດເສລີໃນການປາກເວົ້າ, ສິດເສລີທາງສື່ມວນຊົນ. ຫວຽດນາມໄດ້ມີບັນດາການປະກອບສ່ວນຢ່າງແທ້ຈິງເຂົ້າໃນຂະບວນວິວັດແຫ່ງການສ້າງບັນດາມະຕິ, ຂໍ້ຕົກລົງຂອງ ສະພາສິດທິມະນຸດຕາມທິດສະໜັບສະໜູນວິທີສຳພັດດຸ່ນດຽງຮອບດ້ານ, ຕອບສະໜອງໄດ້ຕາມຄວາມສົນໃຈ ແລະ ຜົນປະໂຫຍດຂອງຫຼາຍຝ່າຍ, ມຸ່ງໄປສູ່ຄວາມເຫັນດີເຫັນພ້ອມ. ແຕ່ລະປີ, ຫວຽດນາມກໍລ້ວນແຕ່ສົ່ງຄະນະຜູ້ແທນເຂົ້າຮ່ວມກອງປະຊຸມຂັ້ນສູງປະຈຳປີຂອງ ສະພາສິດທິມະນຸດ. ນີ້ແມ່ນເວທີປາໄສເພື່ອໃຫ້ຫວຽດນາມຢັ້ງຢືນສານກ່ຽວກັບການປົກປ້ອງ ແລະ ຊຸກຍູ້ສິດທິມະນຸດຢູ່ຫວຽດນາມກໍຄືບັນດາການປະກອບສ່ວນຢ່າງມີຄວາມຮັບຜິດຊອບຂອງຕົນໃນການແກ້ໄຂບັນດາບັນຫາສິດທິມະນຸດໃນທົ່ວໂລກ. ແລະ ກໍຜ່ານການເຄື່ອນໄຫວເຫຼົ້ານີ້, ຫວຽດນາມໄດ້ປະສົມປະສານຄວາມເອົາໃຈໃສ່ ແລະ ບຸລິມະສິດຂອງຕົນ, ແບ່ງປັນບັນດາບົດຮຽນ, ໜູນ, ຍາດແຍ່ງການໜູນຊ່ວຍຈາກສາກົນໃຫ້ແກ່ວຽກງານຮັບປະກັນສິດທິມະນຸດຢູ່ຫວຽດນາມ.
ພາບພົດທີ່ຕັ້ງໜ້າຂອງຫວຽດນາມຍັງຖືກສະແດງອອກຜ່ານການປະຕິບັດກົນໄກກວດກາປະຈຳໄລຍະ UPR ຊຶ່ງແມ່ນກົນໄກສຳຄັນທີ່ສຸດຂອງ ສະພາສິດທິມະນຸດ. ສະຫະປະຊາຊາດຕີລາຄາສູງຫວຽດນາມ ບໍ່ພຽງແຕ່ຢູ່ໃນວິວັດການກວດກາ, ລາຍງານ, ສົນທະນາກັບບັນດາປະເທດກ່ຽວກັບສະພາບສິດທິມະນຸດຫວຽດນາມເທົ່ານັ້ນ, ຫາກຍັງຢູ່ໃນຄວາມເຂັ້ມງວດຂອງຫວຽດນາມໃນການປະຕິບັດບັນດາຄຳໝັ້ນສັນຍາຊຶ່ງຫວຽດນາມໄດ້ຍອມຮັບ.
ເຊີດຊູການເຈລະຈາ ແລະ ການຮ່ວມມື
ຕໍ່ໜ້າການຜັນແປທີ່ສັບສົນຂອງສະພາບການໂລກ, ສະພາສິດທິມະນຸດກໍເຄີຍຕ້ອງແກ້ໄຂບັນດາບັນຫາທີ່ສັບສົນ ແລະ ມີລັກສະນະສຸ້ງໄວສູງ. ໂດຍແມ່ນສະມາຊິກ, ຫວຽດນາມຍາມໃດກໍເຊີດຊູທັດສະນະເຈລະຈາ ແລະ ຮ່ວມມື, ພ້ອມກັນສູ້ຊົນເພື່ອເປົ້າໝາຍຊຸກຍູ້ ແລະ ຮັບປະກັນສິດທິມະນຸດບົນພື້ນຖານແລກປ່ຽນ, ເຄົາລົບຊຶ່ງກັນ ແລະ ກັນ. ໃນ 2 ປີທີ່ຜ່ານມາ, ຫວຽດນາມໄດ້ໝູນໄຊ້ບັນດາກົນໄກທີ່ແຕກຕ່າງກັນຂອງ ສະພາສິດທິມະນຸດເພື່ອຢັ້ງຢືນທັດສະນະນີ້. ເຂົ້າຮ່ວມບັນດາກອງປະຊຸມນີ້, ຫວຽດນາມໄດ້ຮຽກຮ້ອງນ້ຳໃຈເຈລະຈາ ແລະ ການຮ່ວມມືລະຫວ່າງບັນດາປະເທດພາຄີເປັນປະຈຳໃນວິວັດການແກ້ໄຂວຽກງານຢູ່ໃນສະພາສິດທິມະນຸດ. ຫວຽດນາມໄດ້ກຳນົດວ່າ ການຮັບປະກັນ ສິດທິມະນຸດນັ້ນ, ກ່ອນອື່ນໝົດແມ່ນຄວາມຮັບຜິດຊອບຂອງແຕ່ລະປະເທດ ແລະ ປະຊາຊົນຢູ່ແຕ່ລະປະເທດຕະຕັດສິນເອງກ່ຽວກັບມາດຕະການຮັບປະກັນສິດທິມະນຸດ, ສອດຄ່ອງກັບສະພາບເສດຖະກິດ, ປະຫວັດສາດ, ວັດທະນະທຳ-ສັງຄົມຂອງເຂົາເຈົ້າ. ສະພາ ສິດທິມະນຸດ ແລະ ລະບົບສະຫະປະຊາຊາດຄວນສ້າງສະພາບແວດລ້ອມທີ່ເອື້ອອຳນວຍຄວາມສະດວກໃຫ້ແກ່ກິດຈະການນັ້ນ. ເຈລະຈາ ແລະ ການຮ່ວມມື ຍັງໄດ້ເປີດກາລະໂອກາດເພື່ອໃຫ້ຫວຽດນາມເຂົ້າຮ່ວມ ແລະ ປະກອບສ່ວນໃນຫຼາຍເນື້ອໃນທີ່ໄດ້ຮັບຄວາມສົນໃຈຂອງພາກພື້ນ ແລະ ບັນດາປະເທດພວມພັດທະນາ, ພິເສດແມ່ນບັນດາເນື້ອໃນຄືຮັບປະກັນສິດພັດທະນາ, ຕ້ານການໃຊ້ຄວາມຮຸນແຮງ ແລະ ການຈຳແນກປະພຶດ, ຕ້ານການຄ້າມະນຸດ, ຮັບປະກັນສິດແມ່ຍິງ, ເດັກນ້ອຍ, ຄົນພິການ…ມາຮອດປະຈຸບັນ, ຫວຽດນາມໄດ້ເປັນຜູ້ແຕ່ງຮ່ວມສຳລັບມະຕິກວ່າ 30 ສະບັບກ່ຽວກັບບັນດາເນື້ອໃນນີ້, ປະກອບສ່ວນຍົກສູງລະດັບຄວາມຮັບຮູ້ລວມຂອງໂລກກ່ຽວກັບບັນດາຄຸນຄ່າ ສິດທິມະນຸດ.
ເສີມຂະຫຍາຍທີ່ຕັ້ງບົດບາດຂອງຫວຽດນາມ
ພ້ອມກັບຄວາມຕັ້ງໜ້າຢູ່ບັນດາເວທີປາໄສພາກພື້ນ ແລະ ສາກົນອື່ນໆ, ການເຂົ້າຮ່ວມສະພາສິດທິມະນຸດໄດ້ຢັ້ງຢືນການເຕີບໃຫຍ່ຂອງການພົວພັນຕ່າງປະເທດຫຼາຍຝ່າຍຂອງຫວຽດນາມ, ພ້ອມກັນນັ້ນ, ກໍສະແດງໃຫ້ເຫັນພາບພົດ, ທີ່ຕັ້ງບົດບາດໃໝ່ຂອງຫວຽດນາມບົນເວທີສາກົນ. ການເຂົ້າຮ່ວມຢ່າງມີຄວາມຮັບຜິດຊອບ, ເຂັ້ມງວດ ແລະ ຕັ້ງໜ້າດ້ວຍຈິດໃຈເຊີດເຊູການເຈລະຈາ ແລະ ຮ່ວມມື ໄດ້ປັບປຸງພາບພົດຫວຽດນາມເປັນເພື່ອນ ແລະ ເປັນຄູ່ຮ່ວມມືທີ່ໄວ້ເນື້ອເຊື່ອໃຈຂອງບັນດາປະເທດ.
2/3 ໄລຍະທາງເປັນສະມາຊິກສະພາສິດທິມະນຸດແຫ່ງສະຫະປະຊາຊາດໄດ້ຜ່ານພົ້ນໄປ. ເຂົ້າຮ່ວມສະພາສິດທິມະນຸດ ຍັງຄົງປະສົບກັບຄວາມຫຍຸ້ງຍາກ, ສິ່ງທ້າທາຍນາໆປະການ, ແຕ່ມາຮອດປະຈຸບັນ, ຫວຽດນາມອາດຈະຢືນຢັນດ້ວຍຄວາມໝັ້ນຕົນເອງວ່າ ການເຂົ້າຮ່ວມສະພາສິດທິມະນຸດແມ່ນການຕັດສິນອັນຖືກຕ້ອງ. ບໍ່ພຽງແຕ່ມີເງື່ອນໄຂປົກປ້ອງຜົນປະໂຫຍດຂອງປະເທດຊາດໃຫ້ດີກວ່າເທົ່ານັ້ນ, ຫວຽດນາມຍັງປະກອບສ່ວນຊຸກຍູ້ພາບພົດ ແລະ ທີ່ຕັ້ງບົດບາດຂອງປະເທດຊາດໃນວຽກງານການພົວພັນຕ່າງປະເທດເວົ້າລວມ ແລະ ວຽກງານການພົວພັນຕ່າງປະເທດກ່ຽວກັບສິດທິມະນຸດເວົ້າສະເພາະອີກດ້ວຍ. ຜ່ານນັ້ນ ກໍຢືນຢັນທີ່ຕັ້ງບົດບາດໃໝ່ຂອງຫວຽດນາມທີ່ຕັ້ງໜ້າ, ມີຄວາມຮັບຜິດຊອບ, ພວມກ້າວຂຶ້ນຢ່າງໝັ້ນຄົງເພື່ອການດຳລົງຊີວິດທີ່ອີ່ມໜຳສຳລານ ແລະ ສົມບູນພຸນສຸກຂອງທຸກໆຄົນ.