(vovworld)- ເລື່ອງສະພາແຫ່ງຊາດລົງຄະແນນສຽງໄວ້ວາງໃຈສຳລັບບັນດາທ່ານດຳລົງຕຳແຫນ່ງ ໂດຍສະພາແຫ່ງຊາດເລືອກຕັ້ງ ຫລືໃຫ້ສັດຕະຍາບັນ ດຳເນີນໄປຫວ່າງແລ້ວນີ້ ໄດ້ຮັບຄວາມຊົມເຊີຍຈາກຜູ້ມີສິດເລືອກຕັ້ງເປັນຈຳນວນຫລວງຫລາຍ. ໃນຂອບເຂດກອງປະຊຸມສະໄຫມສາມັນ ເທື່ອທີ 8 ຂອງສະພາແຫ່ງຊາດຊຸດທີ 13, ວັນທີ 20/11, ວຽກງານນີ້ ອີກຄັ້ງຫນຶ່ງໄດ້ຮັບການຕີລາຄາສູງຈາກ ບັນດາສະມາຊິກສະພາແຫ່ງຊາດ(
ສສຊ) ເມື່ອປຶກສາຫາລືຮ່າງມະຕິຂອງສະພາແຫ່ງຊາດກ່ຽວກັບການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈສຳລັບບັນດາທ່ານດຳລົງຕຳແຫນ່ງ ໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫລືໃຫ້ສັດຕະຍາບັນ(ສະບັບປັບປຸງ). ບັນດາ ສສຊ ໄດ້ເຫັນດີຄວນຮັກສາຮູບການຕິດຕາມກວດການີ້ ພ້ອມທັງສະເຫນີບາງມາດຕະການເພື່ອໃຫ້ການລົງຄະແນນສຽງໄວ້ວາງໃຈເສີມຂະຫຍາຍປະສິດທິຜົນສູງສຸດໃນໄລຍະຈະມາເຖິງ.
ບັນດາສະມາຊິກສະພາແຫ່ງຊາດປ່ອນບັດໄວ້ວາງໃຈ
ພາບ:giaoduc.net.vn
|
ບັນດາສະມາຊິກສະພາແຫ່ງຊາດ(ສສຊ) ເຫັນດີກັບແຜນນະໂຍບາຍສືບຕໍ່ປະຕິບັດການ ລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈ ເພາະວ່າ ນີ້ແມ່ນແຜນນະໂຍບາຍອັນຖືກຕ້ອງ, ຖືກກັບຄວາມມຸ່ງຫວັງຂອງປະຊາຊົນ. ເພື່ອຍົກສູງປະສິດທິຜົນຂອງການລົງຄະແນນສຽງໄວ້ວາງໃຈ, ບັນດາ ສສຊ ກໍຖືວ່າ ຄວນປັບປຸງບາງເນື້ອໃນຄື: ການກຳນົດເວລາ ແລະ ເວລາຈັດຕັ້ງການລົງຄະແນນສຽງໄວ້ວາງໃຈ, ໝາກຜົນຫລັງຈາກການລົງຄະແນນສຽງໄວ້ວາງໃຈສຳລັບຜູ້ຖືກລົງຄະແນນສຽງໄວ້ວາງໃຈ.
ປະສິດທິຜົນຢ່າງຕັ້ງຫນ້າພາຍຫລັງການລົງຄະແນນສຽງໄວ້ວາງໃຈສອງຄັ້ງ
ການລົງຄະແນນສຽງໄວ້ວາງໃຈແມ່ນຮູບການໃຫມ່, ສະແດງໃຫ້ເຫັນພາລະບົດບາດຕິດຕາມກວດກາຂອງສະພາແຫ່ງຊາດ, ການລົງຄະແນນສຽງໄວ້ວາງໃຈສອງຄັ້ງຜ່ານມາໄດ້ສະແດງໃຫ້ເຫັນລັກສະນະເໝາະສົມ ແລະ ຄວາມຈຳເປັນຂອງມັນ. ນັ້ນແມ່ນ ມີຮູບການໃຫມ່ໃນການຕີລາຄາພະນັກງານ, ສະແດງໃຫ້ເຫັນລັກສະນະປະຊາທິປະໄຕຢ່າງຈະແຈ້ງໃນລະບົບການເມືອງຫວຽດນາມ. ນອກນັ້ນ ເລື່ອງ ບັນດາສສຊ ລົງຄະແນນສຽງໄວ້ວາງໃຈສຳລັບບັນດາຕຳແຫນ່ງໂດຍສະພາແຫ່ງຊາດເລືອກຕັ້ງຫລືໃຫ້ສັດຕະຍາບັນແມ່ນປະກົດການລະອຽດຂອງເລື່ອງກວດກາເຊິ່ງກັນ ແລະ ກັນໃນການປະຕິບັດອຳນາດນິຕິບັນຍັດ, ບໍລິຫານ ແລະ ຕຸລາການ. ຄຽງຄູ່ກັນນັ້ນ ຜ່ານການ ລົງຄະແນນສຽງໄວ້ວາງໃຈສອງຄັ້ງ, ຫາງສຽງກໍເຫັນໄດ້ຄວາມມານະພະຍາຍາມຂອງບັນດາທ່ານລັດຖະມົນຕີ, ຫົວຫນ້າຂະແຫນງການ ຊື່ງມີບັດໄວ້ວາງໃຈຈຳກັດ ໃນການລົງຄະແນນສຽງໄວ້ວາງໃຈຄັ້ງທຳອິດ ແລະ ບັນດາທ່ານມີບັດໄວ້ວາງໃຈສູງ ກໍ່ສືບຕໍ່ເສີມຂະຫຍາຍຈິດໃຈເຮັດວຽກດີ, ຍົກສູງຄຸນນະພາບ ແລະ ປະສິດທິຜົນການເຄື່ອນໄຫວຂອງກົງຈັກລັດ, ເປັນພື້ນຖານໃຫ້ແກ່ການພິຈາລະນາຕີລາຄາພະນັກງານ, ສ້າງເງື່ອນໄຂເພື່ອໃຫ້ພະນັກງານຫລັກແຫລ່ງເສີມຂະຫຍາຍບັນດາຈຸດດີ, ພິຈາລະນາປັບປຸງຈຸດອ່ອນໃນການຄຸ້ມຄອງ. ທ່ານນາງ ເລທິງາ, ສສຊ ແຂວງ ທາຍງວຽນ ຕີລາຄາວ່າ:
“ໃນເງື່ອນໄຂຈັດຕັ້ງກົງຈັດລັດປະຈຸບັນ, ເລື່ອງ ລົງຄະແນນສຽງໄວ້ວາງໃຈ ແລະ ປະກາດຢ່າງເປີດເຜີຍຕໍ່ທົ່ວປວງຊົນ ແມ່ນຮູບການຕິດຕາມກວດກາມີປະສິທິຜົນທີ່ສຸດ, ສົ່ງຜົນກະທົບຕັ້ງຫນ້າເຖິງວຽກງານບໍລິຫານ ແລະ ແມ່ນບາດກ້າວປະຊາທິປະໄຕຕາມເນື້ອໃນຈິດໃຈຂອງລັດຖະທຳມະນູນປີ 2013. ໝາກຜົນຕີລາຄາແມ່ນພາວະວິໄສ, ໃກ້ຊິດຕິດແທດກັບຜົນແຫ່ງການບໍລິຫານໃນທຸກຂົງເຂດ”
ຍົກສູງປະສິດທິຜົນຂອງການ ລົງຄະແນນສຽງໄວ້ວາງໃຈ
ບັນດາໝາກຜົນຕັ້ງຫນ້າຈາກການລົງຄະແນນສຽງໄວ້ວາງໃຈສະແດງໃຫ້ເຫັນຄວາມຈຳເປັນຕ້ອງສືບຕໍ່ປະຕິບັດການລົງຄະແນນສຽງໄວ້ວາງໃຈ, ປ່ອນບັດໄວ້ວາງໃຈໃນໄລຍະຈະມາເຖິງ. ເຖິງຢ່າງໃດກໍຕາມ, ເພື່ອຍົກສູງປະສິດທິຜົນ, ມີຫລາຍຄຳເຫັນຖືວ່າ ຄວນລົງຄະແນນສຽງໄວ້ວາງໃຈເປັນສອງຄັ້ງໃນອາຍຸການຫນຶ່ງ, ລະອຽດແມ່ນທ້າຍປີທີ 2 ແລະ ທ້າຍປີທີ 4ຂອງອາຍຸການ.
ກ່ຽວກັບຜົນຕາມຫລັງສຳລັບຜູ້ຖືກລົງຄະແນນສຽງໄວ້ວາງໃຈ, ໃນຮ່າງມະຕິສະບັບປັບປຸງຄັ້ງນີ້ໄດ້ສະແດງໃຫ້ເຫັນຕາມທິດເພື່ອໃຫ້ຜູ້ທີ່ມີບັດໄວ້ວາງໃຈຕ່ຳ ສາມາດຂໍລາອອກຈາກຕຳແຫນ່ງ ຖ້າເຫັນວ່າຕົນເອງບໍ່ໄດ້ຮັບຄວາມໄວ້ວາງໃຈຫລືບໍ່ມີຄວາມສາມາດຮັບດຳລົງຕຳແຫນ່ງນັ້ນ ຫາກບໍ່ຕ້ອງຜ່ານການປ່ອນບັດໄວ້ວາງໃຈ. ສິ່ງດັ່ງກ່າວຈະປະກອບສ່ວນສ້າງ “ວັດທະນະທຳລາອອກຈາກຕຳແຫນ່ງ”ໃນອົງການລັດ. ຄຽງຄູ່ກັນນັ້ນ, ອົງການຫລືຜູ້ທີ່ໄດ້ສະເຫນີເພື່ອໃຫ້ສະພາແຫ່ງຊາດ, ສະພາປະຊາຊົນເລືອກຕັ້ງຫລືໃຫ້ສັດຕະຍາບັນ ສາມາດເປັນເຈົ້າການຍື່ນສະເຫນີຕໍ່ສະພາແຫ່ງຊາດ, ສະພາປະຊາຊົນພິຈາລະນາ, ຕົກລົງເລື່ອງພົ້ນຕຳແຫນ່ງຫລືໃຫ້ສັດຕະຍາບັນເລື່ອງພົ້ນຕຳແຫນ່ງຜູ້ທີ່ມີບັດໄວ້ວາງໃຈຕ່ຳ ເພື່ອຍ້າຍໄປເຮັດວຽກງານອື່ນໃຫ້ເໝາະສົມກວ່າ. ເມື່ອເຕື້ອງເຖິງເນື້ອໃນນີ້, ທ່ານຟ້າມເຈື່ອງເຢີນ, ສສຊ ແຂວງ ກວ໋າງນາມ ສະເຫນີວ່າ:
“ມະຕິຄວນກຳນົດຕາມທິດຜູ້ຖືກປ່ອນບັດໄວ້ວາງໃຈ ມີກວ່າເຄິ່ງຫນຶ່ງຈຳນວນ ສສຊ, ສະພາປະຊາຊົນປ່ອນບັດບໍ່ໄວ້ວາງໃຈ ສາມາດຈະຂໍລາອອກຈາກຕຳແຫນ່ງ. ໃນຮ່າງມະຕິ ບໍ່ເວົ້າເຖິງບັນຫາລາອອກຈາກຕຳແຫນ່ງ, ຂ້າພະເຈົ້າສະເຫນີຄວນເພີ່ມເຕີມ. ສຳລັບກໍລະນີບໍ່ລາອອກຈາກຕຳແຫນ່ງ ອົງການ ຫລືງ ຜູ້ມີສິດອຳນາດແນະນຳເຖິງສະພາແຫ່ງຊາດ, ສະພາປະຊາຊົນເລືອກຕັ້ງ ຫລືໃຫ້ສັດຕະຍາບັນ ຍື່ນສະເຫນີຕໍ່ສະພາແຫ່ງຊາດ, ສະພາປະຊາຊົນພິຈາລະນາຕົກລົງເລື່ອງພົ້ນຕຳແຫນ່ງຫລື ໃຫ້ສັດຕະຍາບັນເພື່ອສະເຫນີພົ້ນຕຳແຫນ່ງ, ປົດຕຳແຫນ່ງສຳລັບຜູ້ນັ້ນ.”
ການ ລົງຄະແນນສຽງໄວ້ວາງໃຈ ແມ່ນຂໍ້ກຳນົດສຳຄັນໃນການເຄື່ອນໄຫວຕິດຕາມກວດກາຂອງສະພາແຫ່ງຊາດ ແລະ ປະຕິບັດຜ່ານ 2 ຄັ້ງນັ້ນ ສະແດງໃຫ້ເຫັນວ່າ ນີ້ແມ່ນຫນຶ່ງໃນບັນດາຮູບການຕິດຕາມກວດກາຢ່າງມີປສະສິດທິຜົນ, ໄດ້ຮັບການຕີລາຄາສູງຈາກຫາງສຽງ. ສະນັ້ນ ເລື່ອງປັບປຸງມະຕິ 35 ຂອງສະພາແຫ່ງຊາດກ່ຽວກັບການ ລົງຄະແນນສຽງໄວ້ວາງໃຈ ຈະປະກອບສ່ວນຕີລາຄາພະນັກງານຢ່າງພາວະວິໄສ, ຊັດເຈຍ, ສະແດງໃຫ້ເຫັນລັກສະນະປະຊາທິປະໄຕໃນລະບົບການເມືອງຫວຽດນາມ.