(vovworld)- ຫນັງສືພິມຕ່າງໆສະບັບອອກວັນທີ 24/4, ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູຈ້ອງ, ເລຂາຄະນະພັກການທະຫານສູນກາງ ມີບົດຂຽນດ້ວຍຫົວຂໍ້ວ່າ: “ໄຊຊະນະອັນຍິ່ງໃຫຍ່ຂອງພາລະກິດຕ້ານອາເມລິກາ ກູ້ຊາດ ແມ່ນໄຊຊະນະຂອງແນວທາງ ແລະ ສິລະປະຍຸດການທະຫານຫວຽດນາມ ພາຍໃຕ້ການຊີ້ນຳນຳພາອັນຖືກຕ້ອງ, ມີຫົວຄິດປະດິດສ້າງຂອງພັກ”, ທ່ານເລຂາທິການໃຫຍ່ ຢືນຢັນ ບົດຮຽນຂອງການຕໍ່ຕ້ານຕ້ານອາເມລິກາ ກູ້ຊາດ ຕ້ອງໄດ້ຮັບການເສີມຂະຫຍາຍໃນໄລຍະປະຈຸບັນ.
ທ່ານເລຂາທິການໃຫຍ່ຫງວຽນຟູຈ້ອງ
ພາບ:kinhtenongthon
|
ທ່ານເລຂາທິການໃຫຍ່ ຫງວຽນຟູຈ້ອງ ຊີ້ແຈ້ງວ່າ: ການບຸກໂຈມຕີຂະຫນາດໃຫຍ່ ແລະ ລຸກຮື້ຂຶ້ນໃນລະດູບານໃຫມ່ປີ 1975 ໄດ້ສິ້ນສຸດການຕໍ່ຕ້ານຕ້ານ ອາເມລິກາ ກູ້ຊາດຂອງກອງທັບ ແລະ ປະຊາຊົນຫວຽດນາມດ້ວຍໄຊຊະນະສົມບູນ, ສ້າງບາດລ້ຽວໃນປະຫວັດສາດຂອງຊາດ, ເປີດສັງກາດໃຫມ່, ສັງກາດແຫ່ງເອກະລາດ, ເອກະພາບ, ທັງປະເທດກ້າວຂຶ້ນສັງຄົມນິຍົມ. ໄຊຊະນະຂອງການຕໍ່ຕ້ານຕ້ານອາເມລິກາ ກູ້ຊາດ ສະແດງໃຫ້ເຫັນກຳລັງແຮງຂອງລັດທິວິລະຊົນປະຕິວັດ, ຄຸນທາດ ແລະ ພູມປັນຍາ ຫວຽດນາມໃນຍຸກສະໄຫມໂຮ່ຈິມີນ ຢ່າງເລິກເຊິ່ງ. ນັ້ນກໍແມ່ນເຫດການມີລະດັບສາກົນອັນຍິ່ງໃຫຍ່ ແລະ ມີລັກສະນະຂອງຍຸກສະໄຫມຢ່າງເລິກເຊິ່ງ.
ປະຖົມປັດໄຈຕັດສິນຊີ້ຂາດແມ່ນການຊີ້ນຳນຳພາຢ່າງຖືກຕ້ອງ, ມີຫົວຄິດປະດິດສ້າງຂອງພັກກອມມູນິດຫວຽດນາມ
ຕາມທ່ານເລຂາທິການໃຫຍ່ ຫງວຽນຟູຈ້ອງ ແລ້ວ, ການຕໍ່ຕ້ານຕ້ານ ອາເມລິກາ ກູ້ຊາດ ຂອງປະຊາຊົນຫວຽດນາມ(1954-1975) ແມ່ນສືບຕໍ່ການປະຕິວັດຂອງຊາດ, ປະຊາທິປະໄຕປະຊາຊົນ. ໃນເງື່ອນໄຂທີ່ປະເທດຊາດ ຖືກແບ່ງແຍກເປັນສອງພາກ ຊົ່ວຄາວ, ພັກກອມມູນິດຫວຽດນາມ ແລະ ປະທານໂຮ່ຈິມີນ ໄດ້ອີງຕາມສະພາບສາກົນ, ພາຍໃນປະເທດ, ປຽບທຽບທີ່ຕັ້ງ ແລະ ກຳລັງແຮງລະຫວ່າງສອງຝ່າຍ, ກຳແຫນ້ນທິດສະດີລັດທິ ມາກເລນີນ, ວາງແນວທາງການຕໍ່ຕ້ານເອກະລາດ, ເປັນເຈົ້າຕົນເອງ, ຖືກຕ້ອງ, ມີຫົວຄິດປະດິດສ້າງ ແລະ ຈັດຕັ້ງປະຕິບັດແນວທາງນັ້ນໃຫ້ເໝາະສົມກັບເງື່ອນໄຂລະອຽດ ແລະ ການພັດທະນາຂອງການປະຕິວັດຫວຽດນາມໃນໄລຍະໃຫມ່. ຈຸດພິເສດໃຫຍ່ສຸດ ແລະ ກໍແມ່ນຈຸດທີ່ເປັນເອກະລັກສະເພາະຂອງການປະຕິວັດຫວຽດນາມ ແຕ່ເດືອນ 7/1954-5/1975, ນັ້ນແມ່ນ ພັກກອມມູນິດຫວຽດນາມ ໄດ້ປະຕິບັດແນວທາງການເມືອງ, ແນວທາງການທະຫານເອກະລາດ, ເປັນເຈົ້າຕົນເອງ, ເຊີດຊູຄັນທຸງເອກະລາດຊົນຊາດ ແລະ ສັງຄົມນິຍົມ, ປະຕິບັດສອງຍຸດທະຍາດປະຕິວັດໃນພາບດຽວນັ້ນແມ່ນ: ການປະຕິວັດຊົນຊາດ, ປະຊາທິປະໄຕປະຊາຊົນຢູ່ ພາກໃຕ້ ແລະ ການປະຕິວັດສັງຄົມນິຍົມຢູ່ພາກເຫນືອ, ເພື່ອຈຸດໝາຍລວມແມ່ນເອກະລາດຢ່າງສົມບູນ, ໂຮມປະເທດຊາດເປັນເອກະພາບ, ນຳປະເທດຊາດກ້າວຂຶ້ນສັງຄົມນິຍົມ. ພັກກອມມູນິດຫວຽດນາມ ໄດ້ກຳນົດວ່າ: ພາກເຫນືອ ແມ່ນແນວຫລັງໃຫຍ່, ພາລະກິດປະຕິວັດຢູ່ພາກເຫນືອມີບົດບາດຕັດສິນຊີ້ຂາດສຳລັບພາລະກິດປະຕິວັດຂອງທັງປະເທດ; ພາກໃຕ້ແມ່ນແນວຫນ້າໃຫຍ່, ການປະຕິວັດພາກໃຕ້ມີຄຸນປະໂຫຍດຕັດສິນຊີ້ຂາດໂດຍກົງເຖິງພາລະກິດປົດປ່ອຍພາກໃຕ້. ນັ້ນແມ່ນຈຸດທີ່ເປັນເອກະລັກສະເພາະບໍ່ເຄີຍມີມາໃນປະຫວັດສາດ ແລະ ແມ່ນຜົນງານອັນໃຫຍ່ຫລວງຂອງພັກກອມມູນິດຫວຽດນາມ. ຕາມທ່ານເລຂາທິການໃຫຍ່ ຫງວຽນຟູຈ້ອງແລ້ວ, ເລື່ອງກຳນົດແນວທາງການປະຕິວັດເອກະລາດ, ເປັນເຈົ້າຕົນເອງ, ຖືກຕ້ອງ, ມີຫົວຄິດປະດິດສ້າງ ໄດ້ສະແດງໃຫ້ເຫັນການມອງກວ້າງເຫັນໄກ, ຈີນຕະນາການຍຸດທະສາດ, ສິລະປະຍຸດອັນຄ່ອງແຄ້ວຂອງພັກ, ເປັນຕົ້ນໃນຈຸດເວລາມີລັກສະນະບາດລ້ຽວຂອງການຕໍ່ຕ້ານ.
ເສີມຂະຫຍາຍສິລະປະຍຸດການທະຫານທີ່ເປັນເອກະລັກສະເພາະຂອງຫວຽດນາມໂດຍມີການຊ່ວຍເຫລືອແລະຮ່ວມມືສາກົນ
ທ່ານເລຂາທິການໃຫຍ່ ຫງວຽນຟູຈ້ອງ ຢືນຢັນ: ໃນ ການຕໍ່ຕ້ານຕ້ານ ອາເມລິກາ ກູ້ຊາດ ພາຍໃຕ້ການຊີ້ນຳນຳພາຂອງພັກ, ສິລະປະຍຸດການທະຫານ ແລະ ສົງຄາມປະຊາຊົນ ຫວຽດນາມ ໄດ້ພັດທະນາຢ່າງສູງສຸດ. ໂດຍກຳໄດ້ກົດເກນສົງຄາມ, ໝູນໃຊ້ ແລະ ປະຕິບັດສິລະປະຍຸດການທະຫານຂອງສົງຄາມປະຊາຊົນຢ່າງມີຫົວຄິດປະດິດສ້າງ, ຫວຽດນາມ ໄດ້ຫັນສະຖານະການສະຫນາມຮົບຕາມທິດມີປະໂຫຍດເທື່ອລະກ້າວ, ຍາມໃດກໍຕີສັດຕູຕາມທ່າແຮງຂອງຕົນ, ເປັນເຈົ້າການ, ຕີແບບບັງເອີນ. ຈຸດທີ່ເປັນເອກະລັກສະເພາະຂອງສົງຄາມປະຊາຊົນ ໄດ້ຊ່ວຍໃຫ້ຫວຽດນາມ ຍາດໄຊຊະນະເທື່ອລະກ້າວ, ມຸ່ງໄປເຖິງການຕີໃຫ້ສັດຕູຖືກປະລາໄຊ, ສຸດທ້າຍຍາດໄຊຊະນະດ້ວຍການບຸກໂຈມຕີຄັ້ງໃຫຍ່ ແລະ ການລຸກຮື້ຂຶ້ນເມື່ອລະດູບານໃຫມ່ປີ 1975. ພັກກອມມູນິດຫວຽດນາມ ກໍຖືເປັນພິເສດ ແລະ ເສີມຂະຫຍາຍປະສິດທິຜົນຂອງວຽກການພັກ, ວຽກງານການເມືອງ, ລະດົມກຳລັງແຮງສູງສຸດຂອງທັງປະເທດ, ລວມມີ ກຳລັງແຮງທາງດ້ານວັດຖຸ ແລະ ກຳລັງແຮງດ້ານການເມືອງ, ຈິດໃຈ, ກຳລັງແຮງມູນເຊື້ອຮັກຊາດທີ່ແຮງກ້າຂອງປະເທດມີອະລິຍະທຳນັບພັນໆປີ ໃຫ້ເກ່ການຕໍ່ຕ້ານຕ້ານອາເມລິກາ. ພັກ ໄດ້ເສີມຂະຫຍາຍປະສິດທິຜົນກຳລັງແຮງທົ່ວປວງຊົນທັງຊາດ ສົມທົບກັບກຳລັງແຮງຂອງຍຸກສະໄຫມ ພ້ອມກັບການຊ່ວຍເຫລືອຂອງປະຊາຊົນກ້າວຫນ້າໃນທົ່ວໂລກ, ຂອງບັນດາປະເທດ ສັງຄົມນິຍົມອ້າຍນ້ອງ, ເປັນຕົ້ນແມ່ນ ໂຊວຽດ, ຈີນ ທີ່ມີຕໍ່ການຕໍ່ສູ້ອັນເປັນທຳຂອງຊາດຫວຽດນາມ, ພິເສດແມ່ນຄວາມສາມັກຄີສຳພັນສູ້ຮົບຕ້ານສັດຕູໂຕດຽວຂອງປະຊາຊົນ ສາມປະເທດ ຫວຽດນາມ - ລາວ - ກຳປູເຈຍ. ນີ້ກໍແມ່ນບັນດາປະຖົມປັດໄຈສຳຄັນ ປະກອບສ່ວນສ້າງເປັນໄຊຊະນະຂອງການຕໍ່ຕ້ານຕ້ານອາເມລິກາກູ້ຊາດ.
ຍົກສູງກຳລັງຄວາມສາມາດການຊີ້ນຳນຳພາໃນພາລະກິດສ້າງສາແລະປົກປັກຮັກສາປະເທດຊາດ
ມ້ວນທ້າຍ, ບົດຂຽນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ຖືວ່າ: ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບໃນຈຸດເວລາທີ່ພັກກອມມູນິດ ຫວຽດນາມ ດຳເນີນກອງປະຊຸມໃຫຍ່ຄະນະພັກທຸກຂັ້ນ, ກ້າວໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກແມ່ນເຫດການສຳຄັນຍິ່ງຂອງພັກ, ປະເທດຊາດ. ນີ້ກໍ່ແມ່ນໂອກາດເພື່ອໃຫ້ພັກກອມມູນິດ ຫວຽດນາມ ຍົກສູງກຳລັງຄວາມສາມາດນຳພາ, ກຳລັງຕໍ່ສູ້, ເສີມຂະຫຍາຍພຸມປັນຍາຂອງທົ່ວພັກ ກ່ວາອີກ, ປະຕິບັດແນວທາງປ່ຽນໃໝ່ສຳເລັດຜົນ, ປະຕິບັດພາລະກິດສ້າງສາ ແລະ ປົກປັກຮັກສາປະເທດຊາດໃນໄລຍະປະຕິວັດໃໝ່ຢ່າງມີໄຊ. ທ່ານເລຂາທິການໃຫຍ່ ເນັ້ນໜັກວ່າ: ບົດຮຽນສຳລັບການນຳພາຂອງພັກໃນການຕໍ່ຕ້ານຕ້ານອາເມລິກາ, ກູ້ຊາດຕ້ອງໄດ້ຮັບການສືບທອດ, ເສີມຂະຫຍາຍໃນສະພາບການໃໝ່. ນັ້ນແມ່ນບົດຮຽນຢືດໝັ້ນແນວທາງ, ຈຸດໝາຍເອກະລາດຊົນຊາດຕິດພັນກັບລັດທິສັງຄົມ, ຢືດໝັ້ນ ແລະ ນຳໃຊ້ທິດສະດີລັດທິມາກ - ເລນີນ, ແນວຄິດ ໂຮ່ຈີມິນຢ່າງມີຫົວຄິດປະດິດສ້າງ, ຮັກສາທາດແທ້ຊົນຊັ້ນກຳມະກອນ ແລະ ປັບປຸງພື້ນຖານແນວຄວາມຄິດຂອງພັກຢ່າງໝັ້ນຄົງ. ບົນພື້ນຖານນັ້ນ, ກຳນົດແນວທາງ, ແຜນນະໂຍບາຍ, ມາດຕະການນຳພາຢ່າງຖືກຕ້ອງ, ຕາມຄວາມຮຽກຮ້ອງຕ້ອງການພັດທະນາຂອງການປະຕິວັດ, ຕັ້ງໜ້າປ່ຽນໃໝ່ວິທີການນຳພາ, ຄົ້ນຄ້ວາທິດສະດີ, ສະຫລຸບພຶດຕິກຳຕົວຈິງ, ຊອກຫາກົດເກັນພາວະວິໄສ ຮັບປະກັນໃຫ້ການນຳພາຂອງພັກ ນຳມາເຊິ່ງຜົນສັກສິດ, ປະສິດທິຜົນໃນພາລະກິດສ້າງສາ ແລະ ປັກປັກຮັກສາປະເທດ ຫວຽດນາມ.