(vovword) - 11 ປີ ທີ່ດຳລົງຊີວິດ ແລະ ເຮັດວຽກ ຢູ່ ຫວຽດນາມ, ທ່ານ Ando Katsuhiro ຜູ້ຊ່ຽວຊານກ່ຽວກັບການພັດທະນາວັດທະນະທຳ, ການທ່ອງທ່ຽວ ມີຄວາມເຂົ້າໃຈ ແລະ ຮັກແພງປະເທດຫວຽດນາມກວ່າ. ທ່ານໄດ້ຍາດເວລາເພື່ອຄົ້ນຄ້ວາສະຖາປັດຕະຍະກຳບູຮານ ຢູ່ ຫວຽດນາມ ແລະ ຊ່ວຍໃຫ້ປະຊາຊົນພັດທະນາການທ່ອງທ່ຽວວົງຄະນາຍາດ. ທ່ານ Ando Katsuhiro ຢາກໃຫ້ບັນດາມໍລະດົກວັດທະນະທຳ, ບັນດາຈຸດວັດທະນະທຳຂອງເຂດບ້ານນາ ຫວຽດນາມ ໄດ້ຮັບການເສີມຂະຫຍາຍ ແລະ ຍົກສູງລັກສະນະດູດດື່ມ ບໍ່ພຽງແຕ່ສຳລັບນັກທ່ອງທ່ຽວພາຍໃນປະເທດເທົ່ານັ້ນ ຫາກຍັງນັບທັງນັກທ່ອງທ່ຽວຕ່າງປະເທດ ອີກດ້ວຍ.
ທ່ານ Ando Katsuhiro ຜູ້ຊ່ຽວຊານພັດທະະນາວັດທະນະທຳ,ທ່ອງທ່ຽວ
ພາບ:internet |
ສະຖານທີ່ທຳອິດຢູ່ ຫວຽດນາມ ທີ່ີທ່ານ Ando ໄປຢ້ຽມຢາມນັ້ນແມ່ນຄຸ້ມເມືອງເກົ່າ ໂຮ້ຍອ່ານ ແຂວງ ກວ໋າງນາມ. ໃນໄລຍະນັ້ນ ທ່ານ Ando ເຂົ້າຮ່ວມບັນດາໂຄງການປະຕິສັງຂອນເຮືອນບູຮານ ຢູ່ ໂຮ້ຍອານ. ນີ້ກໍແມ່ນແຫ່ງທີ່ເຮັດໃຫ້ທ່ານເກີດຄວາມນິຍົມບັນດາຄຸນຄ່າທາງດ້ານວັດທະນະທຳຂອງ ຫວຽດນາມ. ທ່ານ Ando ໃຫ້ຮູ້ວ່າ:
“ ຢູ່ ຫວຽດນາມ ຂ້າພະເຈົ້າໄດ້ໄປຢ້ຽມຢາມ 40 ແຂວງ, ນະຄອນ, ແຕ່ສະຖານທີ່ຂ້າພະເຈົ້າມີຄວາມປະທັບໃຈທີ່ສຸດແມ່ນ ຄຸ້ມເມືອງເກົ່າໂຮ້ຍອານ. ແຫ່ງນີ້ບໍ່ພຽງແຕ່ແມ່ນສະຖານທີ່ທຳອິດທີ່ຂ້າພະເຈົ້າມາຢ້ຽມຢາມເທົ່ານັ້ນ ຫາກພາຍຫລັງຫລາຍປີທີ່ຂ້າພະເຈົ້າກັບຄືນມາຢາມ ຊາວທ້ອງຖິ່ນກໍບໍ່ຫລົງລືມຂ້າພະເຈົ້າ. ສິ່ງນັ້ນໄດ້ເຮັດໃຫ້ຂ້າພະເຈົ້າຮູ້ສຶກຕື້ນຕັນໃຈຫລາຍ.”
ຖັດຈາກ ໂຮ້ຍອານ, ທ່ານ Ando ສືບຕໍ່ປະຕິບັດບັນດາໂຄງການປະຕິສັງຂອນເຮືອນບູຮານ ຢູ່ ໝູ່ບ້ານ ເຟືອກຕີກ ນະຄອນ ເຫ້ວ, ກາຍແບ່ ນະຄອນ ຕຽນຢາງ ແລະ ເດື່ອງເລີມ ນະຄອນ ຮ່າໂນ້ຍ ແລະ ຫລາຍໂຄງການອື່ນອີກ. ທ່ານ Ando ພ້ອມກັບບັນດາຜູ້ຮ່ວມງານ ຍີ່ປຸ່ນ ແລະ ຫວຽດນາມ ພ້ອມກັນຄົ້ນຄ້ວາ, ເຮັດວຽກ ເພື່ອປະກອບສ່ວນປະຕິສັງຂອນບັນດາເຮືອນເກົ່າ ແລະ ພັດທະນາຮູບແບບ “ການທ່ອງທ່ຽວວົງຄະນາຍາດ” ຢູ່ ໝູ່ບ້ານບູນຮານເດື່ອງເລີມ.
|
ທ່ານ AndoKatsuhiro ພ້ອມກັບຊາວທ້ອງຖິ່ນຄົ້ນຄ້ວາວິທີປະຕິສັງຂອນ
ເຮືອນບູຮານ
ພາບ:AndoKatsuhiro
|
ຮ່ວມເດີນທາງກັບ ທ່ານ Ando ໃນບັນດາລາຍການສຳຫລວດດັ່ງກ່າວ, ນາງ ຫງວຽນທີຮັ່ງງາ ຮູ້ສຶກເຄົາລົບນັບຖືທ່ານ. ນາງງາ ເວົ້າວ່າ:
“ເມື່ອເຮັດວຽກກັບ ທ່ານ Ando, ຂ້າພະເຈົ້າຮູ້ສຶກແປກປະຫລາດໃຈ. ທ່ານ Ando ເຂົ້າໃຈກ່ຽວກັບການທ່ອງທ່ຽວ ຫວຽດນາມ ຢ່າງເລິກເຊິ່ງ ພິເສດແມ່ນຢູ່ເຂດຊົນນະບົດ. ຊາວ ຫວຽດນາມ ບາງຄົນກໍ່ບໍ່ຮູ້ຈັກໄດ້ຄຸນຄ່າທາງດ້ານວັດທະນະທຳຂອງ ຫວຽດນາມ ຄືດັ່ງ ທ່ານ Ando.”
ອ້າຍນາມ ພະນັກງານກົມໃຫຍ່ທ່ອງທ່ຽວ ຫວຽດນາມ ຊຶ່ງເປັນຜູ້ໂຊກດີທີ່ ໄດ້ມີໂອກາດເຮັດວຽກກັບ ທ່ານ Ando ເປັນຫລາຍຄັ້ງແລ້ວ ໃຫ້ສັງເກດວ່າ:
“ຂ້າພະເຈົ້າເຫັນວ່າ ທ່ານ Ando ແມ່ນຜູ້ສຸດຈິດສຸດໃຈ, ຮັກແພງ ຫວຽດນາມ ກໍຄືບັນດາມໍລະດົກຂອງ ຫວຽດນາມ. ພໍ່ພຽງແຕ່ຊ່ວຍ ຫວຽດນາມ ປົກປັກຮັກສາມໍລະດົກວັດທະນະທຳ, ພັດທະນາວົງຄະນາຍາດເທົ່ານັ້ນ ທ່ານ Ando ຍັງຊ່ວຍກົມໃຫຍ່ທ່ອງທ່ຽວ ຫວຽດນາມ ຜັນຂະຫຍາຍການເຄື່ອນໄຫວຫລາຍຢ່າງໃນການຄົ້ນຄ້ວາຕະຫລາດ, ສົ່ງເສີມການໂຄສະນາການທ່ອງທ່ຽວຢູ່ ຍີ່ປຸ່ນອີກດ້ວຍ.”
ດ້ວຍບັນດາຄວາມຮູ້ວິຊາສະເພາະ ແລະ ຄວາມເມົາມົວກັບສະຖາປັດຕະຍະ ກຳບູຮານ, ທ່ານ Ando ໄດ້ປະກອບກຳລັງເຫື່ອແຮງເຂົ້າໃນການປົກປັກຮັກສາ, ປະຕິສັງຂອນໝູ່ບ້ານບູຮານຂອງ ຫວຽດນາມ. ສຳລັບ ທ່ານ Ando ແລ້ວ, ວຽກງານນີ້ມີຄວາມໝາຍຍິ່ງສຳລັບຊີວິດຂອງທ່ານ.
ລານແອງ