ໂດຍມີການສະແດງຮັບໃຊ້ຜູ້ຊົມນັບແຕ່ນັບແຕ່ເດືອນ 11/2011, Luala Concert ຊຶ່ງແມ່ນລາຍການສະແດງດົນຕີປະສານສຽງຢູ່ຕາມທ້ອງຖະໜົນ ໄດ້ກາຍເປັນເຫດການດົນຕີ-ວັດທະນະທຳເພື່ອແນະນຳບັນດາບົດດົນຕີປະເພດ ຕ່າງໆໃຫ້ມວນຊົນ. ດ້ວຍການສະແດງໂດຍບໍ່ເກັບຄ່າຢູ່ຂອບທາງບົນຖະໜົນ ຫຼີທ້າຍໂຕ-ຮ່າໂນ້ຍ, ລາຍການສະແດງ Luala Concert ໄດ້ນຳສິ່ງທີ່ໃໝ່ອຽມມາສູ່ຜູ້ຊົມ. ພິເສດໃນ ລາຍການສະແດງ Luala Concert ລະດູບານໃໝ່ຕໍ່ລະດູຮ້ອນປີ 2013 , ໄດ້ມີການປະສານສົມທົບລະຫວ່າງດົນຕີພື້ນເມືອງຫວຽດນາມກັບດົນຕີທັນສະໄໝຂອງຝ່າຍຕາເວັນຕົກ.
ລາຍການສະແດງ Luala Concert ໄດ້ເຮັດໃຫ້ຜູ້ຊົມມີຄວາມປະທັບໃຈ
|
ສະຖານທີ່ຈັດຕັ້ງ ລາຍການສະແດງ Luala Concert ແມ່ນຂອບທາງໜ້າເຮືອນເລກທີ 61 ຖະໜົນຫຼີທ້ານໂຕ-ຮ່າໂນ້ຍ. ໂດຍມີລະບົບດອກໄຟບົນເວທີ່ສະແດງ, ບໍ່ຕ້ອງການເຄື່ອງຂະຫຍາຍສຽງພິເສດ, ລາຍການໄດ້ຮັບການສະແດງໃນທ່າມກາງສຽງອຶກກະທຶກຂອງລົດຍົນຍານພາຫະນະ, ອັນໄດ້ດຶງດູດຜູ້ຄົນຢຸດແວ່ຮັບຟັງບັນດາບົດດົນຕີ ກລາດຊິກ.
ຂັບອາດາວໄດ້ຖືກປະສານກັບທຳນອງດົນຕີ Jazz , ຊຶ່ງແມ່ນ 2 ທຳນອງດົນຕີ ທີ່ຄາດວ່າ ບໍ່ມີສ່ວນກ່ຽວຂ້ອງຕໍ່ກັນ, ແຕ່ພັດຖືກບັນດານັກເສບເຄື່ອງດົນຕີໃນກອງດົນຕີ “ ຟູ່ຊາ” ທຳການສະແດງໃນຄ່ຳຄືນເປີດສາກລາຍການທີ່ດູດດື່ມ. ນັກເປົ່າແກ ສັກໂຊຟົນ ກວຽນຖ້ຽນດັກ ເວົ້າວ່າ :
“ ພວກຂ້າພະເຈົ້າໄດ້ສະຫງວນເວລາ 2 ເດືອນເພື່ອຊອກຮູ້, ຟຶກແອບ ດ້ວຍການປະສານສຽງຂັບກາຍເລືອງກັບ ທຳນອງດົນຕີ Jazz. ລາຍການສະແດງໄດ້ເຮັດໃຫ້ຜູ້ຊົມມີຄວາມປະທັບໃຈ. ພວກຂ້າພະເຈົ້າດີໃຈທີ່ສຸດ, ຍ້ອນວ່າລາຍການສະແດງດົນຕີໄດ້ເຮັດໃຫ້ຜູ້ຊົມມີຄວາມປະຫຼາດໃຈ ”
ຜູ້ຊົມທັງຫຼາຍຕ່າງກໍຕົກສະເງີ້ເມື່ອສຽງດົນຕີພື້ນເມືອງປະສານເຂົ້າກັບທຳນອງ ດົນຕີ Jazz ທີ່ດູດດື່ມ ໂດຍຜ່ານການເສບບັນດາເຄື່ອງດົນຕີທີ່ທັນສະໄໝ. ລາຍການສະແດງໄດ້ເຮັດໃຫ້ດົນຕີຝ່າຍຕາເວັນຕົກ ເພີ່ມຄວາມສະໜິດຕິດພັນກັບຜູ້ນິຍົມດົນຕີຫຼາຍກ່ວາ. ນາງ ຫງວຽນຮົ່ງລວານ ຜູ້ມາຊົມລາຍການເປີດເຜີຍວ່າ :
“ ການປະສານບັນດາທຳນອງດົນຕີເຂົ້ານຳກັນເຊັ່ນນັ້ນ, ໄດ້ເພີ່ມລັກສະນະອຸດົມສົມບູນຂອງເຄື່ອງດົນຕີແຕ່ລະຊະນິດ ພ້ອມທັງສ້າງຄວາມໃໝ່ອຽມ ແລະ ດຶງດູດຜູ້ນິຍົມດົນຕີ ”
ສ່ວນ ທ່ານໂດ້ຫງອກມິງ ຜູ້ສ້າງຕັ້ງລາຍການສະແດງ Luala Concert ໃຫ້ຮູ້ວ່າ :
“ ພາຍຫຼັງທຳການສະແດງເປັນເວລາຫຼາຍປີ, ພວກຂ້າພະເຈົ້າສາມາດສ້າງລາຍການທີ່ມີລັກສະນະໃໝ່ອຽມ, ມີປັດໄຈທົດລອງຫຼາຍກ່ວາ, ສາມາດປະສານສົມທົບລະຫວ່າງທຳນອງດົນຕີທັນສະໄໝກັບ ທຳນອງດົນຕີພື້ນເມືອງ ”