ແຖວຕົ້ນຫູກວາງຢູ່ໝູ່ເກາະ ເຈືອງຊາ
(ພາບ: baomoi.com )
|
ໃນການເດີນເຮືອໄປຍັງໝູ່ເກາະ ເຈືອງຊາ, ນັກຂ່າວວິທະຍຸກະຈາຍສຽງຫວຽດນາມໄດ້ມີໂອກາດພົບປະກັບນັກຮົບຄົນໜຶ່ງ ຊຶ່ງໄດ້ມີຄວາມຜູກພັນກັບ ໝູ່ເກາະ ເຈືອງຊາ ເປັນເວລາ 10 ປີ, ນັ້ນແມ່ນພັນຕີ Le Van Tan ອະດີດນາຍເກາະ ເຈືອງຊາເລີ້ນ ໄລຍະ 1978-1987. ສິ່ງທີ່ພິເສດກ່ວາໝູ່, ນັ້ນແມ່ນລາວເປັນຜູ້ປູກຕົ້ນຫູກວາງຕົ້ນທຳອິດຢູ່ເກາະແຫ່ງນີ້.
ໃນປີ 1970, ອ້າຍບາວ Le Van Tan ບ້ານເກີດຢູ່ແຂວງ ແທງຮ້ວາ ຄາວນັ້ນມີອາຍຸພຽງ 20 ປີ . ລາວໄດ້ເຂົ້າຖັນແຖວກອງທັບຕາມຄຳຮຽກຮ້ອງຂອງປະເທດຊາດ. ທາ່ນໄດ້ເລົ່າຄືນສູ່ຟັງວ່າ ປີ 1971 ທ່ານໄດ້ຮັບຄຳສັ່ງອອກໄປສະໜາມຮົບ ໄຕງວຽນ ແລະ ໄດ້ສູ້ຮົບເປັນເວລາ 4 ປີ. ພາຍຫຼັງພາກໃຕ້ຫວຽດນາມໄດ້ຮັບການປົດປ່ອຍ, ປະເທດຊາດໄດ້ໂຮມເຂົ້າກັນເປັນເອກະພາບ, ດ້ວຍຄວາມຫວັງຢາກປົກປັກຮັກສາປະເທດຂອງອ້ານທະຫານລຸງໂຮ່, ຕົ້ນປີ 1976, ທ່ານໄດ້ເດີນທາງຮັບໜ້າທີ່ຢູ່ເກາະ ຊິງຕົນ ທີ່ຂຶ້ນກັບໝູ່ເກາະ ເຈືອງຊາ. ຫວນຄືນຊຸມວັນເດືອນປີຢູ່ເກາະ ຊິງຕົນ, ທ່ານ Le Van Tan ໃຫ້ຮູ້ວ່າ ຄາວນັ້ນ ຊີວິດການເປັນຢູ່ຂອງພະນັກງານ, ນັກຮົບໃນເກາະ ແມ່ນປະສົບກັບຄວາມຫຍຸ້ງຍາກທີ່ສຸດ, ຮອດຄາບ ເຂົ້າກໍຢາກກິນຜັກທີ່ສຸດ. ທ່ານເວົ້າວ່າ :
“ ຢູ່ເກາະ, ຊີວິດດ້ານວັດຖຸ ແລະ ຈິດໃຈຂອງອ້າຍນ້ອງແມ່ນຫຍຸ້ງຍາກຫຼາຍ, ສ່ວນໜຶ່ງກໍຂໍນຳດິນຕໍ່ແຜ່ນຊ່ວຍເຫຼືອດ້ານອຸປະກອນກໍ່ສ້າງ, ອຸປະກອນເຮັດເຄື່ອງເຟີນີເຈີ ເພື່ອຕັດໄມ້ປຸກເຮືອນ, ເຮັດຕູ້ຕຽງໃຫ້ແກ້ອ້າຍນ້ອງ. ”
ເມື່ອການດຳລົງຊີວິດຢູ່ເກາະ ຊິງຕົນ ໄດ້ເລີ່ມເປັນປົກກະຕິ, ນັກຮົບ Le Van Tan ຖືກຍົກຍ້າຍໄປປະຕິບັດໜ້າທີ່ຢູ່ເກາະ ເຈືອງຊາເລີ້ນ. ໃນຄຳ່ຄືນລາຈາກກັນ, ພວກນັກຮົບຮ່ວມກົມກອງພຽງແຕ່ຮູ້ຈັບ ກີຕາ ພ້ອມກັນຂັບຮ້ອງ ຄືເປັນລະດົມກຳລັງໃຈແກ່ ນັກຮົບ Le Van Tan.
ພາຍຫຼັງກັບບ້ານຈາກເກາະເປັນເວລາ 30 ປີ, ເມື່ອກັບຄືນຢ້ຽມຢາມ ໝູ່ເກາະ ເຈືອງຊາ ແຫ່ງທີ່ທ່ານມີຄວາມຜູກພັນເປັນເວລາ10 ປີ, ທ່ານໄດ້ມີໂອກາດນັ່ງໃຕ້ຮົ່ມເຢັນຂອງຕົ້ນຫູກວາງໃຫຍ່ໂດຍທ່ານປູກເອງກ່ອນນີ້ກ່ວາ 30 ປີ . ທ່ານມີຄວາມຕື້ນຕັນໃຈຄິດເຖິງຊຸມວັນທຳອິດຢູ່ເກາະ.
“ ມີບາງຄັ້ງຄາວ, ທັງເກາະ ບໍ່ມີວິທະຍຸ, ມີໜ່ວຍໜຶ່ງ ແຕ່ຖືກເພແລ້ວ ຕ້ອງສົ່ງກັບເມື່ອດິນຕໍ່ແຜ່ນເພື່ອສ້ອມແປງ. ຜູ້ບັນຊາການທະຫານຢູ່ນີ້ຕ້ອງນຳໃຊ້ເຄື່ອງສື່ສານ, ກະຈາຍໄຟຟ້າ ສົ່ງສັນຍານກະຈາຍສຽງເພື່ອໃຫ້ພະນັກງານຮັບຟັງລາຍການສົ່ງທ້າຍປີເກົ່າຕ້ອນຮັບປີໃໝ່ 1978. ຄາວນັ້ນແມ່ນທຸກຍາກລຳບາກຫຼາຍ ”
ທ່ານ Le Van Tan ເລົ່າຄືນສູ່ຟັງວ່າ ໃນການໄປລາດຕະເວນບົນທະເລ ຄັ້ງໜຶ່ງ, ບັງເອີນທ່ານພົບເຫັນໝາກໄມ້ຊະນິດໜຶ່ງພວງໄຫຼລ່ອງຕາມກະແສ ຄື້ນຟອງເຂົ້າມາເກາະ, ທ່ານໄດ້ເອົາເມືອເກາະລອງປູກເບິ່ງ. ໄລຍະເວລາ ຜ່ານພົ້ນໄປ, ດ້ວຍການບົວລະບັດຮັກສາ, ຫົດນ້ຳຈືດ, ໝາກໄມ້ນີ້ໄດ້ອອກໜໍ່, ອອກຮາກ , ເກີດໃບ ແລະ ໄດ້ເຕີບໂຕຄືໃນວັນນີ້. ທ່ານຊີ້ນິ້ວມືໃສ່ຕົ້ນຫູກວາງໃຫຍ່ກ່ວາໝູ່ໃນເກາະ ແລະເວົ້າວ່າ :
“ ຫັ້ນແຫຼະ, ນັ້ນແມ່ນຕົ້ນຫູກວາງທີ່ຂ້າພະເຈົ້າໄດ້ປູກກ່ອນນີ້ 30 ກວ່າປີ. ຈາກຕົ້ນໄມ້ຕົ້ນນີ້, ຕົ້ນຫູກວາງກໍ ທະວີຄຸນຫຼາຍຂຶ້ນຊຶ່ງຖືກປູກຢູ່ເກາະຕ່າງໆໃນໝູ່ເກາະ ເຈືອງຊາ. ກອ່ນນີ້ ຮອດຍາມບຸນເຕັດ, ເມື່ອຫໍ່ເຂົ້າຕົ້ມ ແມ່ນບໍ່ມີໃບຕອງຈິງ, ອ້າຍນ້ອງຢູ່ເກາະໄດ້ໃຊ້ໃບຫູກວາງເພື່ອຫໍ່ແທນໃຫ້ໃບຕອງຈິງ ”