VOVWORLD_ Dong Xam ជាភូមិប្រកបមុខរបរធ្វើប្រាក់ដែលល្បីល្បាញ
ដោយមាន​សិប្បករ​ស្ទាត់ជំនាញជាច្រើននាក់នៅខេត្ត​ Thai Binh ភូមិភាគខាង
ជើងវៀតណាម។​ មក​ទស្សនាភូមិ Dong Xam អ្នកទេសចរនឹងមានការចាប់
អារម្មណ៍ល្អៗចំពោះជីវភាពរបស់​ប្រជាជននៅភូមិដែលមានប្រពៃណីវប្បធម៌
រាប់រយឆ្នាំមួយនេះ។

        ពីទីរួមស្រុកKienXuongធ្វើដំណើរតាមផ្លូវលំចំងាយ១០គីឡូម៉ែត្រដែល
សង្ខាងមាន​ទេសភាពធម្មជាតិនិងទន្លេដ៏ស្រស់ស្អាតគឺអ្នកទេសចរនឹងទៅ
ដល់ភូមិ Dong Xam​ចំណុះ​ឃុំHong Thai ស្រុកKien Xuong ខេត្តThai Binh។ 

មកទស្សនាភូមិ Dong Xam មុនបង្អស់អ្នកទេសចរអាចចូលមើលសាលា
ភូមិ Dong Xam ដែលជាមណ្ឌលសំណង់ស្ថាបត្យកម្មដ៏ប្រណីតរួមមាន១២សំណង់
៤០ល្វែងលើផ្ទៃដីប្រមាណ១០០០ម៉ែត្រក្រឡា។ សាលាភូមិនេះជាទីគោរពបូជា
លោកតា Nguyen Kim Lau ជាអ្នកបង្កើតនិងបង្រៀនមុខរបរឆ្លាក់ប្រាក់ជូន
ប្រជាពលរដ្ឋភូមិ Dong Xam។ តាម​លោក​ Nguyen Xuan Ngan ជា​អ្នកមើល
ការខុសត្រូវនៅសាលាភូមិនេះបានឲ្យដឹងថា

“ សាលាភូមិDong Xam មុននេះមានទំហំតូចជាងដោយ​មានដំបូល​ប្រក់​
គ្បឿង​ពណ៌​ក្រហម ធ្នឹមមមានឆ្លាក់រូបនិងអក្សរ។ដល់ពេល Thai Binhផ្ដាច់
ចេញ​ជា​ខេត្តមួយ​ជាង​១០០ឆ្នាំមុននេះ សាលាភូមិត្រូវបានកសាងធំនិងស្អាត
ជាងមុន”។

មកទស្សនាភូមិរបរ Dong Xam ខេត្ត Thai Binhទេសចរនឹងឃើញផលិផលធ្វើពីប្រាក់និងសំរិទ្ធយ៉ាងល្អប្រណីត

ពីយូរមកហើយ ភូមិDong Xamល្បីឈ្មោះទៅដោយមានរបរធ្វើប្រាក់ជាមួយ
​នឹង​សិប្បករឆ្នើមនានា។ កត្តាថែរក្សាបច្ចេកទេសនិងវិជ្ជាជីវៈតែងតែបានកូន
ចៅគ្រប់ជំនាន់ក្នុងភូមិយកចិត្តទុកដាក់។​ក្នុងរយៈពេលប៉ុន្មានឆ្នាំកន្លងមក
នេះដើម្បីបង្កើតបន្ថែម​ការងារ​ធ្វើនិងឆ្លើយតបទៅនឹងតម្រូវការទីផ្សារ អ្នក
ភូមិ Dong Xamមឹនត្រឹម​តែឆ្លាក់កែច្នៃ​ផលិតផលពី​ប្រាក់ប៉ណ្ណោះទេថែមទាំង
ធ្វើបន្ថែមនូវទំនិញពីវត្ថុធាតុដើមជាសំរិទ្ធ​ដូចជា​ ស្ពក​ គំនូរ គ្រឿងសំណែន​និង
ចក្រសត្វនានាទៀតផង។ លោក Pham Van Tu ជា​សិប្បករ​មួយរូបនៅភូមិDong
 Xamបានឲ្យដឹងថា

“ នេះជារបរប្រពៃណីដែលមានតាំងពីជំនាន់ជីតាខាងម្ដាយខ្ញុំមក។​ នាខែ
​មិថុនានិងខែកក្កដាការងារមិនសូវរវល់ទេតែនាដើមឆ្នាំនិងចុងឆ្នាំគឺត្រូវធ្វើ
ទំនិញច្រើន។ប្រជាពលរដ្ឋទិញផលិតផលពីភូមិខ្ញុំដើម្បីប្រើក្នុងការសែនព្រែន 
លំអផ្ទះនិងធ្វើជាកាដូ។នេះជារបរប្រពៃណីហើយយើងខ្ញុំមិនបង្ហើបរូបមន្តទេ ”។

ធ្វើដំណើរពីដើមភូមិដល់ចុងភូមិលឺតែសូរសំលេងក្រិកៗនៃការកែច្នៃទំនិញពី
វត្ថុធាតិដើមប្រាក់និងសំរិទ្ធ។លោកស្រី Nguyen Thi Ngaជាកម្មករមួយរូបបាន
ថ្លែងថា

“នៅមូលដ្ឋានផលិកម្មនេះខ្ញុំនិងកូនគ្រាន់តែធ្វើការសង្កត់ពុម្ភប៉ុណ្ណោះ 
រីឯអ្នកដទៃធ្វើការឆ្លាក់រូបផុស រំលេចពណ៌ ធ្វើរលើបរលោងនិងចុងក្រោយ
គឺធ្វើស៊ុំ។ ក្មេងៗធ្វើអីក៏ងាយស្រួលដែរ ចាស់ទុំដូចខ្ញុំជួបការលំបាកបន្តិច ”។

កញ្ញា Tung Chi ជាកូនស្រីរបស់លោក​ស្រី Nguyen Thi Ngaកំពុងរៀន
វិជ្ជាជីវៈនៅទី​នេះ។​​មុនដំបូងនាងចេះ​តែធ្វើការកែច្នៃសំភារៈសាមញ្ញប៉ុណ្ណោះ។
កញ្ញា Tung Chi​បាន​និយាយថា

“ ម្ដាយនាងខ្ញុំប្រកបរបរនេះអស់រយៈពេល២០ឆ្នាំកន្លងមកហើយ។ គាត់
រវល់​នឹង​ការងារ​ណាស់។រីឯនាងខ្ញុំឆ្នាំនេះរៀនថ្នាក់ទី១២ហើយមកជួយម្ដាយ
ក្នុងពេលសំរាក​វិស្សមកាល”។

មកទស្សនាភូមិរបរ Dong Xam ខេត្ត​ Thai Binhទេសចរនឹងឃើញ
ផលិផលធ្វើពី​ប្រាក់​និង​សំរិទ្ធយ៉ាងល្អប្រណីតព្រមទាំងមានឱកាសស្វែង
យល់ជីវភាពរស់នៅ​របស់ប្រជាជន​នៅ​ភូមិ​ដែលមានប្រវតិ្តសាស្រ្តរាប់រយ
ឆ្នាំទៀតផង៕